Génesis 32:13 - Bible in Tzeltal de Oxchuc y Tenejapa

¹³ Tey c'ax ajc'ubal yu'un te Jacob, soc la xchajbanbey smajt'an te sbanquil Esaú, chican te bila ay yu'une:

Bible in Tzeltal Bachajón

¹³ Tey way ta ahc'abal a, soc ta yohlil te bintic ay yu'un la stsabe smahtan te Esaú te sbanquil:

Génesis 32:13 Referans Kwoze

Génesis 43:11

La sjac' te statique: —Lec ay jiche, ic'aic bael. Soc ich'beyaic bael jtebuc smajt'anin te bila ay ta jq'uinaltique, ya me xc'o awac'beyic te ajwalile, ja' te bálsamo, chab, soc te bila bujts'an yic', mirra, soc sit te', nuez soc almendra.

Proverbios 18:16

Teme ay majt'anil ta ac'ab, jich ya xjambotat spisil te ti'nailetic, asta ya xju' ya xc'oat ta stojol te mach'atic muc' sc'oplalique.

Proverbios 21:14

Te mach'a muquen ya yac' te majt'anile, jich ya xlamaj te tulan ilimbae.

Proverbios 19:6

Te mach'a ya xmajt'anteswan soc te ma'yuc st'ut'ile; bayal mach'atic ya xtalic ta leel yu'un, soc ya xjunaj yo'tan soc.

Proverbios 17:8

Te mach'a spisil ora ya yac' majt'anil taq'uin, jich ya scuy sba te ay bi ya xju' yu'un ta sc'ope; melel ay bi ya xloc' yu'un a te bayuc ya xbajt'e.

Génesis 43:26

Ta patil och tel ta sna te José. Jich yu'un la yac'beyic te majt'anil te xchajbanejique, la stinan sbaic coel ta stojol c'alal ta lum.

1 Samuel 25:27

Yo'tic wocoluc, ac'a yich' puquel spisilic te abatetic awu'un ajoinej te majt'aniletic la quich'bat tele.

1 Samuel 25:8

Ya xju' ya ajojc'obey te abatetic awu'une, ya me yalic ta jamal te melel te bila ya calbate. Ja' yu'un wocoluc, c'uxtaya te winiquetic te buen ora yacalic ta c'oel ta atojol te yacuc awac'bon soc jtebuc te bitic ay awu'un ta ora in to, melel jichon ta atojol te bit'il anich'ane”, xaex me ya xc'oex —xi' te David.

Génesis 42:6

Te José swentainej spamal sq'uinal Egipto, soc swentainej xchonbeyel trigo spisil mach'a te bayuc ya xtalique. C'otic te sbanquiltac José, la spajc'an sbaic ta stojol c'alal ta lum.

Génesis 33:10

Ja'uc me to, la yal te Jacob: —Wocoluc, ich'bon amajt'anin, teme c'uxon ta awo'tane. Yu'un la quilbey sit Dios la caiy a te bit'il la quilbat asite, soc bin nax co'tan yu'un te bit'il lec awo'tan cu'une.

Génesis 18:2

La stoy sit, la yil oxtul winiquetic teq'uelic ta stojol. C'alal la yilbey sitic, la yic' tel ta ora. Animal ba sc'opon, la stinan sba coel c'alal ta lum.

Génesis 32:14

Lajunwinic (200) ta jcojt' yantsilel tentsunetic, soc jtab ta jcojt' stat tentsunetic, soc lajunwinic (200) ta jcojt' yantsilel chijetic, soc jtab ta jcojt' stat chijetic,

Génesis 33:8

Te Esaú la sjojc'obey: —¿Bistuc awu'un te chambalametic te bayal la jta ta be? —la yut. La sjac' te Jacobe: —Swenta yu'un ayuc me yutsil awo'tan ta jtojol ja'at te cajwalate —xi'.

Génesis 13:16

Jich me yipal ats'umbal ya xc'oat cu'un te bit'il ts'ubil lume. Ma xju' ta ajtayel te ts'ubil lum, soc ja' nix jich ma xju' ta ajtayel te ats'umbale.

Génesis 15:5

Soc ic'ot loq'uel ta jamalal la yaiy yu'un te Diose: —Ila awil te ch'ulchane, ajtaya jayeb te eq'uetique, teme ya xju' awu'un yajtayele. Jich me yipal ats'umbal ya xc'ot —xi' sc'oplal.

Génesis 22:17

jich yu'un jelawen to xan ya cac'bat esmajuc bendición ta atojol. Jelawen to xan ya cac' esmajuc ats'umbal, jich yipal ya xc'otic te bit'il sji'al mar, soc te ats'umbale ya me stsal spisil yajcontro.

Nehemías 4:13

Ja' yu'un la cal mandal te ya xchap sbaic ta juju-jchajp na. Ac'a yac' sbaic ta spat ta ye'tal te joyob ts'ajq'ue, soc ta banti jamajtic toe, soc ya me yich' ta sc'abic spuñalic, slanzaic soc st'imalte'ic.