Génesis 32:11 - Bible in Tzeltal de Oxchuc y Tenejapa

¹¹ Ora yo'tic coltayawon loq'uel ta sc'ab te jbanquil Esaú, yu'un ya jxi', ma me xtal smilon soc te alaletic cu'un soc te sme'ique.

Bible in Tzeltal Bachajón

¹¹ Coltayawon loq'uel ta sc'ab te jbanquil Esaú, yu'un ya jxi' te ya xtal smilon soc te alaletic soc te snanique.

Génesis 32:11 Referans Kwoze

Proverbios 18:19

Teme bolc'optaybil te quermanotique, ya smac sba jich bit'il jpam lum te macal ta ts'ajq'ue. Te c'opetic ya yac' ta cha'chajp, jich bit'il srejail te muc'ul nae.

San Mateo 6:13

Ma me xawac' yalucotic yu'un te yiljibal co'tantique. Coltayawotic loq'uel ta bay te bila amene. [Melel te ja'ate muc' ajwalilat atuquel, soc ay awu'el, soc ay awutsilal sbajt'el q'uinal. Jichuc]”, xaex me ta sc'oponel te Diose.

Oseas 10:14

ay me ya xjajch' ch'inlajinel ta yolil te ants-winiquetic awu'une. Spisilic te tulanil ts'ajq'uetic awu'une, tan me ya xbajt'ic, jich bit'il tan c'ot yu'un te muc' ajwalil Salmán te Bet-arbel ta sc'aalelal guerra, c'alal la yich' majel ta lum te me'il soc te yalataque.

Daniel 3:17

Melel te jo'otique, ay Dios cu'untic te ch'uunbil cu'untique. Te Dios cu'untic ja' me ya scoltayotic ta c'ajc' ta horno, soc ta spisil te bitic amen ya ac'an ya apas ta jtojoltique. Ya me scoltayotic stuquel.

Salmos 142:6

Aiybon awaiy te caw, melel ma'yuquix te quipe. Ac'awon ta libre yu'un te mach'atic ya yuts'inonic, melel c'ax tulanic a te bit'ilone.

Salmos 119:134

Ac'awon ta libre, ma xawac' yuts'inonic te ants-winiquetic, yu'un ya jc'an ya jc'otes ta pasel te mandaliletic awu'une.

Salmos 43:1

Dios cu'un, chajbanawon; ala ta jamal te ma'yuc jmul. La' me, coltayawon ta sc'ab te mach'atic ma ba xch'uunejate. Coltayawon ta sc'abic te jpas-lotetique, soc nix te mach'a amen yo'tanique.

Salmos 31:2

Wocoluc, aiybon awaiy stojol jc'op; ac'a puersa, ac'awonix ta libre. Ja'ucat me te muc'ul tontiquil wits te ya acanantayone; ja'ucat me te anjibal ts'ajc' te ay jcolel ta swenta.

Salmos 25:20

Canantayawon, coltaybon te jcuxlejale. Ma xawac'on ta q'uexlal, melel ya jle te canantayel awu'une.

Salmos 16:1

Dios cu'un, canantayawon, melel yacon ta sleel te jcanantayel awu'une.

1 Samuel 24:15

Ja' yu'un ay ta swenta soc ja' ac'a xchajbanotic ta jchebaltic stuquel te Cajwaltique. Ja' ac'a yil stuquel te bi ay ta jwenta, soc ac'a scoltayon ta ac'ab —xi' te David.

1 Samuel 12:10

Pero la sna'ic te staoj smulic ta stojol Cajwaltic te bit'il la yijq'uitayic, ta scaj xch'uunel sloc'ombail Baal soc sloc'ombail Astarté. La xcha'albeyic xan wocol te yacuc xcoltayotic loq'uel ta sc'ab te scontroique. La yal sbaic ta jamal te ja' xanix stuquel te Cajwaltic te ya xch'uunique.

Génesis 27:41

Jich yu'un te Esaú la slab-o'tantay te Jacob yu'un te bit'il ja' c'anbot bendición yu'un static stuquel. La yal ta yo'tan: “Teme laj te jtate, ya me jmil te quijts'in Jacob”, xi'.

Deuteronomio 22:6

“Teme ay mach'a ya sta ta be spechech ja'mal mut, teme ay ta te' o teme ay ta lum, teme ay ch'in yal tey a, o teme ay ston tey a, teme luts'bil yu'un te sme'e, ma me xju' te ya yic' bael soc te sme'e.

Génesis 27:42

Jich yu'un te Rebeca la sticun ta iq'uel te Jacob, la yalbey yaiy te bi la yal te Esaú: —Aiya awaiy stojol, te abanquil Esaú snopoj me ta yo'tan te ya smilate.

Génesis 32:3

Te Jacob la sneeltes bael abatetic yu'un ta bay sq'uinal Seir sbiil, te Edom yan sbiile, swenta yu'un ya xba yutsil-c'oponbeyic te sbanquile, ja' te Esaú.

Génesis 32:7

Jich yu'un te Jacob jajch' ta xiwel yu'un, bayal la smel yo'tan. Jich la spas ta cha'tijc' te mach'atic sjoineje, soc te swacax, te xchij, te scamello, cha'chajp c'ot yu'un.

Génesis 33:4

Ja'uc me to, te Esaú animal ba sta tel, la smey sbaic, la sbujts'iy sbaic. Xchebalic jajch'ic ta oq'uel.

Génesis 24:27

jich la yal: —Bin nax awutsil, Cajwal te Diosat yu'un te cajwal Abraham, te jun awo'tan la ac'uxtaybon te cajwale. La atojteson tel ta be, la awic'on tel li'to ta sna te yermanotac te cajwale —xi'.

2 Samuel 7:18

Ja' yu'un te muc' ajwalil David och bael swenta yu'un ya xc'opoj ta stojol te Cajwaltique. Jich la yal: —Cajwal, ¿mach'aon a jiche soc mach'a a te jts'umbale te jich c'oonix awu'une?