Génesis 32:10 - Bible in Tzeltal de Oxchuc y Tenejapa

¹⁰ Bayal awac'ojbon quil yutsil awo'tan, bayal quich'oj coltayel awu'un, te melel ja' nax quich'oj a te jnabate' te c'alal c'axon bael ta jejch' ja' Jordán, pero cha'chajp loq'uemonix yo'tic a.

Bible in Tzeltal Bachajón

¹⁰ ¡peq'uel ayon ya ca'iy yu'un spisil te c'uxultayel awu'un soc te stalel jun awo'tan ta stojol te a'bat awu'une! Ha nax quich'oj jnahbate' te c'alal c'axon bahel ta muc'ul-ha' Jordán, yo'tic cha'tsohb loq'uemonix a.

Génesis 32:10 Referans Kwoze

Salmos 18:35

Ja'at ya acanantayon soc ya acoltayon, ya awac' ipajucon ta swa'el ac'ab; ta swenta te yutsil awo'tan te lec ayon.

Génesis 24:27

jich la yal: —Bin nax awutsil, Cajwal te Diosat yu'un te cajwal Abraham, te jun awo'tan la ac'uxtaybon te cajwale. La atojteson tel ta be, la awic'on tel li'to ta sna te yermanotac te cajwale —xi'.

2 Samuel 7:18

Ja' yu'un te muc' ajwalil David och bael swenta yu'un ya xc'opoj ta stojol te Cajwaltique. Jich la yal: —Cajwal, ¿mach'aon a jiche soc mach'a a te jts'umbale te jich c'oonix awu'une?

1 Pedro 5:5

Ja'ex uuc te jch'ielexe: Junuc me awo'tan ch'uunbeyaic smandal te ancianoetic te yich'oj yat'elique. Soc ta apisilic talel c'axel me xach'uunbey aba amandalic. Peq'uel me xawac' abaic, te melel: “Dios scontroinej te mach'atic stoyoj sbaique. Yan te mach'a peq'uel yac'oj sbaique, ya xc'uxtay stuquel”, te xie.

2 Corintios 12:11

Jich c'opojonix te bit'il mach'a ma sna' q'uinale, yu'un ja'ex nix te la awac'bonic jpase. Melel ja'ex ya sc'an te la awalbonic lec jc'oplal te jichuque. Manchuc teme c'ax peq'uel ayone, ja'uc me to, ma ja'uc peq'uel c'oemon yu'un te muc'ul jpuc-c'opetic awu'unique.

San Lucas 17:10

Ja' nanix jich te ja'exe, teme la apasix spisil te bila la yalbat te Diose, ya sc'an te jich ya awalic: “Amenotic ta abatil, melel ja' nax la jpastic te bila albototique”, xaex me —xi' te Jesuse.

San Lucas 5:8

C'alal la yil te Simón Pedro te jich c'ot ta pasele, la squejan sba ta stojol te Jesuse: —Cajwal, ma spas te ya joinate yu'un jmulawilon —xi'.

Miqueas 7:20

Cajwal, junuc me awo'tan soc ayuc me xc'uxul awo'tan, te jich nix jamal la awal ta namey ta stojol te antiguo jme'-jtatic ja' te Abraham soc Jacob.

Isaías 63:7

Ya jc'an ya cal te xc'uxul yo'tan te Cajwaltique; ya jc'ajintay te yutsilale ta swenta spisil bitic spasoj ta jtojoltic. Ma p'isbiluc yutsil yo'tan ta stojol yal-snich'nab Israel; spasoj spisil ta swenta yutsil yo'tan soc te smuc'ul xc'uxul yo'tane.

Isaías 6:5

La cal ta co'tan: “¡Obol jba, ya xlajon! La quilix soc jsit te Muc' Ajwalil, ja' te Cajwaltic te Spisil ya xju' yu'une, te jo'one ma ba lecon ta winiquil soc que, soc nainemon ta yolil te lum te boloben yeique”, xoon.

Proverbios 4:18

Te be yu'unic te mach'atic toj yo'tanique, jich c'oem te bit'il saquil q'uinal te c'alal ya sacub tel q'uinal ta jujun sabe, yac ta sacubel tel te q'uinale, asta ya sacub ta lec.

Salmos 85:10

Ya me xc'ot yorail te ya sta sba soc te c'uxul-o'tanil te bila smelelil, te lamal-o'tanil soc te toj-o'tanile, jich c'oem te ya spet sbaique.

Salmos 84:7

Ya me xbebe toy te yipique; soc ta Sión ya yilic te mero muc' te Diose.

Salmos 61:7

Ac'a mandalajuc spisil ora soc te abendicione. Canantaya soc te xc'uxul awo'tan, te bit'il jun awo'tan ta stojole.

Salmos 16:2

Te jo'one calojbatix: “Te ja'at Cajwalat, te ay jlequilal awu'une; ma'yuc mach'a ya spajat te ja'ate”, xoon.

Salmos 8:5

Melel jteb ma pajaluc la apas jich bit'il te jun dios, la awac'bey yutsilal soc ich'el ta muc'.

Job 17:9

Ya yaq'uic puersa ta yalel te toj yo'tanic stuquelic, soc te ma'yuc smul te sc'abique.

Job 8:7

Te ac'ulejale xujt' ma'yuc sc'oplal, mero peq'uel me ya xjil stuquel; mero bayal me ya xc'ot te ya xchicnaj ta patil awu'une.

Deuteronomio 8:18

Ya me sc'an ya ana'ic te Cajwaltic te Dios cu'untic, melel ja' nix stuquel te yac'ojbeyex awipic ta stael, swenta yu'un jich ya xc'ot ta pasel yu'un a te bila trato chapale, te ja' xchapoj soc te antiguo jme'-jtatique.

Génesis 32:7

Jich yu'un te Jacob jajch' ta xiwel yu'un, bayal la smel yo'tan. Jich la spas ta cha'tijc' te mach'atic sjoineje, soc te swacax, te xchij, te scamello, cha'chajp c'ot yu'un.

Génesis 32:5

Ayix swacax, sburro, xchij, soc ayix manbil winiquetic soc antsetic yu'un. Jich yu'un la sticunbat ta alel, yu'un ja' ya sc'an te ayuc yutsil awo'tan ta stojol”, xaex me ya xc'oex —xi' te Jacobe.

Génesis 30:43

Jich bayal esmaj sc'ulejal te Jacob. Ay tsobol xchij, soc ay bayal manbil winiquetic soc antsetic, soc ay bayal scamello, soc ay bayal sburro.

Génesis 28:15

Ya me joinat spisil ora, soc ya me jcanantayat bayuc ayucat, soc ya me quic'at sujt'el li' ta bay q'uinal to. Ma ba ya jpijt'esat, ja' to teme c'ot ta pasel cu'un spisil te bila calojbate —xi' sc'oplal yu'un.

Génesis 18:27

Te Abraham jich la yal xan: —Pasbon perdón, Cajwal, melel Diosat atuquel, yan te jo'one ma'yuc cutsil ta q'uinal; ja'uc me to, ya me xc'opojon xan.

2 Samuel 17:24

Te David c'ot ta lum Mahanaim. Ja' yorail yac ta c'axel ta muc'ja' Jordán te Absalón soc ta spisil te israeletique.

Génesis 24:12

La sc'opon Dios te abat: —Cajwaltic, te Diosat yu'un te cajwal Abrahame, ya calbat wocol te yacuc acoltayon yo'tic soc yacuc ac'uxtaybon te cajwal Abrahame.

Génesis 28:13

Soc la yil te Dios teq'uel ta sts'eel, c'oponot yu'un: —Jo'on Dioson, Dioson yu'un te amam Abraham, Dioson yu'un te atat Isaac. Te lumq'uinal te bay metselate ya me cac'bat aq'uinalin soc ats'umbal.

Génesis 31:3

Ja' yu'un albot ta yo'tan yu'un te Cajwaltique: —Sujt'anix bael ta alumal ta bay atat soc awermanotac. Ya me joinat bael —xi' sc'oplal yu'un te Diose.