Génesis 31:3 - Bible in Tzeltal de Oxchuc y Tenejapa

³ Ja' yu'un albot ta yo'tan yu'un te Cajwaltique: —Sujt'anix bael ta alumal ta bay atat soc awermanotac. Ya me joinat bael —xi' sc'oplal yu'un te Diose.

Bible in Tzeltal Bachajón

³ Ha yu'un hich halbot yu'un Jehová te Jacob: Suhtan bahel ta slumal atat soc ta banti ay te awermanotac; ya joquinat bahel, xchi.

Génesis 31:3 Referans Kwoze

Génesis 28:15

Ya me joinat spisil ora, soc ya me jcanantayat bayuc ayucat, soc ya me quic'at sujt'el li' ta bay q'uinal to. Ma ba ya jpijt'esat, ja' to teme c'ot ta pasel cu'un spisil te bila calojbate —xi' sc'oplal yu'un.

Génesis 32:9

Soc la sc'opon Dios te Jacob, jich la yal: —Cajwal, te Diosat yu'un te jmam Abraham, soc te Diosat yu'un te jtat Isaac, soc ja'at te la awalbon: “Sujt'an bael ta alumal, ta bay awermanotac, ya me jcoltayat”, te la awutone.

Hebreos 13:5

Ma me ja'uc xbajt' ta awo'tanic te c'ulejalile. Junuc me awo'tanic yu'un te bila ay awu'unique, melel jich yaloj te Diose: “Xujt' ma ba ya jpijt'esat soc ma ba ya quijq'uitayat”, te xie.

Isaías 41:10

Ma me xiwat, joinejat me; ma me xnijc' awo'tan, melel jo'on te Dioson awu'une. Jo'on ya cac'bat awip, jo'on ya jcoltayat; ja' me jtsacojat ta jc'ab te jtsalwanejone.

Salmos 50:15

C'oponawon te c'alal ayat ta wocole; jo'on me ya jcoltayat, ja'at me ya awich'on ta muc'”, xi' te Cajwaltique.

Génesis 31:13

Jo'on Dioson te chicnajon ta atojol ta Betel, te bay la atejc'anbon ta jtojol te ton soc la amalbon aceite ta sba, soc te la awalbon ta jc'axel te bila ya apasbon ta jtojole. Jajch'an ta beel jiche, loc'an, sujt'an bael ta alumal ta bay awermanotac”, la yuton —xi' te Jacob.

Génesis 21:22

Te Abraham jich ora tal ta c'oponel yu'un te Abimelec soc jtul yabat, Ficol sbiil, te swentainejbey te soldadoetic yu'une. Te Abimelec la yalbey te Abraham: —Jna'oj stojol te ya scoltayat Dios ta spisil te bitic ya apase.

Salmos 46:1

Te Diose ja' anjibal cu'untic, ja' ya yac' quiptic stuquel; ja' ya scoltayotic te bi ora ay jwocoltique.

Génesis 35:1

C'oponot yan buelta yu'un Dios te Jacob: —Jajch'an, beenan, moan bael ta Betel, nainan tey a. Tey me ya xc'o apas scajtijib ta chiq'uel jmajt'an a ta bay la cac' jba ta ilel ta atojol te jo'on Dioson, te c'alal loc'at ta anel ta stojol te abanquil Esaú —xi' sc'oplal.

Génesis 30:25

C'alal ayinemix yal a te Raquel, ja' te José, te Jacob la yalbey te Labán: —Ac'awon bael, ya xboonix ta jlumal ta banti jajch'emon tele.

Génesis 28:13

Soc la yil te Dios teq'uel ta sts'eel, c'oponot yu'un: —Jo'on Dioson, Dioson yu'un te amam Abraham, Dioson yu'un te atat Isaac. Te lumq'uinal te bay metselate ya me cac'bat aq'uinalin soc ats'umbal.

Génesis 28:4

Ac'a yac'bat soc jayeb ats'umbal te bendición la yalbey te Abraham, swenta yu'un jich me ya aq'uinalin te q'uinal ta bay nainemat te jich c'oemat te bit'il jyanlum li'to, melel la yal Dios te ya yac'bey te amam Abraham —xi'.

Génesis 26:24

C'alal c'ot ta Beerseba, Dios la yac' sba ta ilel ta ajc'ubal ta stojol, jich la yalbey: —Jo'on Dioson yu'un te atat Abraham. Ma me xiwat, joinejat spisil ora. Ta swenta bit'il c'ux ta co'tan te cabat Abraham, ya me cac'bat bendición, ya me cac' esmajuc ats'umbal —xi'.

Génesis 13:15

Melel spisil te q'uinal te chican ta asit ya awile, ya me cac'bat aq'uinalin soc ats'umbal ta sbajt'el ora.

Salmos 90:15

Ac'botic bayal ja'wil yutsil q'uinal caiytic, ja'uc nix pajal soc te jayeb ja'wil yacalotic ta woclajele.

Génesis 50:24

Ta patil te José la yalbey yaiy te yermanotaque: —Ya me xlajonix. Ja'uc me to, te Diose puersa me ya scoltayex xan ta patil. Ya me yiq'uex loq'uel li'to ta Egipto, ya me yiq'uex bael ta ba ay te q'uinal yaloj te ya yac'beyex aq'uinalinic ja'ex te sts'umbalex te Abraham, te Isaac, soc te Jacob —xi'.

Génesis 31:2

Soc la yil te Jacob te bit'il ma jichuquix yo'tan Labán ta stojol te bit'il ta neelale.

Génesis 31:4

Jich yu'un te Jacob la sticun ta iq'uel te Raquel soc te Lea. Talic ta aquiltic ta bay yac ta scanantayel te xchamsbalame.

Génesis 35:3

Jajch'ucotic ta beel ta ora, conic ta Betel. Tey me ya xc'o jpasbey scajtijib ta chiq'uel smajt'an Dios a te bit'il la scoltayon c'alal ayon ta wocole, soc la sjoinon te bayuc beenone —xi'.

Éxodo 3:12

La sjac' te Diose: —Ya me joinat te bit'il jo'on ya jticunate. Jich me ya ana' stojol a, te c'alal loq'uix tel ta Egipto awu'un a te lum cu'une, apisilic li' me ya xtal aquejan abaic ta jtojol ta bay wits to —xi'.

Génesis 32:5

Ayix swacax, sburro, xchij, soc ayix manbil winiquetic soc antsetic yu'un. Jich yu'un la sticunbat ta alel, yu'un ja' ya sc'an te ayuc yutsil awo'tan ta stojol”, xaex me ya xc'oex —xi' te Jacobe.

Génesis 32:10

Bayal awac'ojbon quil yutsil awo'tan, bayal quich'oj coltayel awu'un, te melel ja' nax quich'oj a te jnabate' te c'alal c'axon bael ta jejch' ja' Jordán, pero cha'chajp loq'uemonix yo'tic a.