Génesis 30:43 - Bible in Tzeltal de Oxchuc y Tenejapa

⁴³ Jich bayal esmaj sc'ulejal te Jacob. Ay tsobol xchij, soc ay bayal manbil winiquetic soc antsetic, soc ay bayal scamello, soc ay bayal sburro.

Bible in Tzeltal Bachajón

⁴³ Hich bayel p'ohl sc'ulejal te Jacob, ay tsobol tuminchijetic, criadahetic soc a'batetic, camellohetic soc burrohetic yu'un.

Génesis 30:43 Referans Kwoze

Génesis 30:30

Ma'yuc tsobol chambalam awu'un a te c'alal talone. Ta ora to, esmajix, te Cajwaltic la yac'batix bendición ta jwenta. Yo'tic ya me jc'an jleix te bila ya xtuun cu'un soc te mach'atic jayeb ay cu'une —xi'.

Génesis 24:35

Bayal ac'bil bendición yu'un Dios te cajwal, jc'ulej yu'un: ay bayal xchij; ay bayal swacax; ay bayal oro soc plata yu'un; ay bayal manbil abatetic winiquetic soc antsetic yu'un; soc ay bayal camelloetic soc burroetic yu'un.

Génesis 13:2

Ay bayal sc'ulejal te Abram, ay bayal xchamsbalam, soc ay bayal oro soc plata yu'un.

Eclesiastés 2:7

La jman mosoetic soc criadaetic cu'un, soc ay tey ayinic ta jna. Ay bayal wacaxetic cu'un soc chijetic. Spisil te mach'atic neel cu'un ta Jerusalén, ma'yuc jich yu'unic a te bit'il te cu'une.

Génesis 33:11

Tsacbon te amajt'an te la jticunbat tale. Yu'un yac'ojbon bayal jc'ulejal te Diose, ma'yuc falta cu'un —la yut. Te Jacob la yac' puersa te yacuc tsacbotuc, jich la stsac te Esaú.

Génesis 32:10

Bayal awac'ojbon quil yutsil awo'tan, bayal quich'oj coltayel awu'un, te melel ja' nax quich'oj a te jnabate' te c'alal c'axon bael ta jejch' ja' Jordán, pero cha'chajp loq'uemonix yo'tic a.

Génesis 28:15

Ya me joinat spisil ora, soc ya me jcanantayat bayuc ayucat, soc ya me quic'at sujt'el li' ta bay q'uinal to. Ma ba ya jpijt'esat, ja' to teme c'ot ta pasel cu'un spisil te bila calojbate —xi' sc'oplal yu'un.

Génesis 12:16

Te faraón la xc'uxtay te Abram ta swenta Sarai. La yac'bey ta majt'anil tsobol chijetic, wacaxetic, burroetic soc tsobol winiquetic antsetic te ac'bot smozoine, soc tsobol camelloetic.

Ezequiel 39:10

Ma me puersauc ya xloq'uic bael ta ja'maltic ta sleel si'ic, soc ma puersauc ya xba xot'ic tel ta te'tiquil, melel spisil te at'ejibaletic yu'un guerra ja' me ya xtuun yu'unic ta si'. Jich me ya yich'bey sbiluc a, te mach'atic ich'bot sbiluquic yu'un ta nameye; ya spojbey sbiluc te mach'atic pojbot sbiluquic yu'un ta nameye. Jo'on Ajwalilon, te jich caloje.

Génesis 31:42

Te manchuc ja'uc joinej te Dios yu'un te Abraham te ich'bil ta muc' yu'un te Isaac, jich nix ma'yuc bila la awac'bon quich' sujt'el te jichuque. Pero Dios la sna'bon jwocol, soc la yil bit'il bayal at'ejon, jich yu'un la scomat ta ajc'ubal te naxe —la yut.

Génesis 36:7

Scaj te bayal xchamsbalamic ta xchebalic, jich ma spas te la sjoin sbaic ta q'uinale, melel te q'uinal ta bay ayic, ma tic'uc ya xwe'ic a te xchamsbalamique.

San Lucas 12:45

Yan teme ya xcaj yal ta yo'tane: “Te Cajwal ma xtal ta ora”, teme xie, soc teme ya xjajch' yuts'in te abatetic soc te criadaetique, soc teme ya xjajch' ta we'el-uch'ajel soc ta yacubel,

Génesis 30:42

Yan teme ja' tal te bay ma'yuc yipique, ma la yac'bey cho'bil te' ta canoa stuquelic. Jich ja' yu'un Labán c'ot te bay ma'yuc yipique, yan te c'ajc'al chijetic, ja' yu'un Jacob c'ot stuquel.

Génesis 31:1

La yaiy stojol Jacob te bila yacalic ta yalel te snich'nab Labán: —La me spojbotic te bila ay yu'un jtatic te Jacob, melel yu'un jtatic spisil te jich yipal sc'ulejal staoj te Jacob —xiic la yaiy.

Génesis 32:5

Ayix swacax, sburro, xchij, soc ayix manbil winiquetic soc antsetic yu'un. Jich yu'un la sticunbat ta alel, yu'un ja' ya sc'an te ayuc yutsil awo'tan ta stojol”, xaex me ya xc'oex —xi' te Jacobe.

Génesis 32:14

Lajunwinic (200) ta jcojt' yantsilel tentsunetic, soc jtab ta jcojt' stat tentsunetic, soc lajunwinic (200) ta jcojt' yantsilel chijetic, soc jtab ta jcojt' stat chijetic,