Génesis 30:15 - Bible in Tzeltal de Oxchuc y Tenejapa

¹⁵ Ja'uc me to, la sjac'bey te Lea: —¿Ma bal tic'ucat a te bit'il apojobon te jmamlale, ya to xtal apojbon xan te mandrágora-wamal te yich'ojbon tel te cale? —xi'. La yal te Raquel: —Teme yu'un ya awac'bon te mandrágora-wamal te yich'ojbat tel te awale, ya xju' ya ajoin ta wayel yo'tic te Jacob —xi'.

Bible in Tzeltal Bachajón

¹⁵ Pero la sjac' te Lea: ¿Yu'un bal jteb nax sc'oblal yac awa'iy te apojbeyejon te jmamalal, ya bal ac'an yac apojbe ehuc te mandrágoras yu'un te cale? xchi. Hich la yal te Raquel: Teme yac awa'bon te mandrágoras yu'un te awale ya xhu' ya sjoquinat ta wayel yo'tic ta ahc'abal te Jacob, xchi.

Génesis 30:15 Referans Kwoze

Números 16:13

¿Jteb nax bal sc'oplal ta awo'tan te la awic'otic loq'uel ta lumq'uinal ta bay ya x'oquin leche soc chab c'oem, swenta yu'un tal awac'otic ta lajel ta jochol taquin q'uinal? ¿Soc ja' bal ya ac'an te ja' mero muc' awat'el ta jtojoltique?

1 Corintios 4:3

Ja'uc me to, ma'yuc sc'oplal ta co'tan te bi quilel ya awilonic te ja'exe soc te bi quilel ya yilonic uuc te chajbanwanejetic li'to ta balumilale. Soc te jo'one, ma jwentauc yalel te bi quilel ayone.

Ezequiel 16:47

Ja'at la anopbey te stalele, soc ja' nix ba apasbey te yat'el ilaybil sbae. Ma tic'uc la awaiy a, c'axem jich la apas a te bit'il la spas stuquelique.

Isaías 7:13

Jich yu'un te Isaías la yal: —Aiya awaiy stojol ja'ex te sts'umbalex te antiguo muc' ajwalil David. ¿Ma bal tic'uc ya awaiy te ya awuts'in te ants-winiquetic? ¿Ya bal awuts'in uuc te Dios cu'une?

Génesis 30:14

Ta yorail te ya yich' tsobel te trigo, ba yil te Rubén, la sta mandrágora-wamal tey a. La yich' tel yac'bey te sme'e, ja' te Lea. Te Raquel la yalbey te Lea: —Wocoluc, ac'bon cha'oxp'ijuc te bila la yich'bat tel te awale —la yut.

Génesis 30:16

C'alal sujt' tel ta at'el ta mal c'aalil te Jacob, te Lea ba sta tel, jich la yalbey: —La' me, jo'on me ya ajoinon ta wayel yo'tic, yu'un jelbilatix ta mandrágora-wamal, ja' te la yich'bon tel te cale —la yut. Jich ba sjoin ta wayel.