Génesis 30:1 - Bible in Tzeltal de Oxchuc y Tenejapa

¹ Te Raquel la yil te bit'il ma'yuc yal-snich'an soc te Jacob, jajch' ta slab-o'tantayel yu'un te xwixe. Jich la yalbey te Jacob: —¿Bi yu'un ma xawac' alajucon uuc? Teme ma xawac' alajucone, ya me jmil jba —la yut.

Bible in Tzeltal Bachajón

¹ C'alal la yil te Raquel te ma ba ya yayintesbe snich'an te Jacob, hahch sti'ti'o'tantay te swix, hich la yalbe te Jacob: A'bon calatac, teme ma'uque, ya xchamon, la yut.

Génesis 30:1 Referans Kwoze

Job 5:2

Teme ya awac' aba a te ilimbae, o teme ya awac' aba a te bic'tal-o'tanile, ta scaj te ma x'ana' q'uinal te ya yac'at bael ta lajele.

Génesis 29:31

Ja'uc me to, Dios la yil te bit'il ma ba mulanbil yu'un smamlal te Lea, jich yu'un Dios la yac'bey tsobol yalatac. Yan te Raquel ma ba la yac' alajuc stuquel.

Génesis 37:11

Te José lab-o'tantayot yu'un sbanquiltac ta scaj te swaiche. Yan te state bayal bi la snop yu'un.

2 Corintios 7:10

Yu'un teme ya jmel co'tantic ta stojol te Diose, jich me ya yac' sujt'es co'tantic, soc tey me ya xcolotic a. Jich ma ba ya caiytic xan mel-o'tan ta patil. Yan teme ja' ya jmel co'tantic ta swenta nax te balumilale, ya yac'otic ta lajel stuquel.

Santiago 4:5

Ja' swentail te jich ts'ibubil jilel ta Sjun te Diose: “Te Espíritu te yac'oj snainbotic co'tantic te Diose, bayal sc'anoj ta yo'tan”, te xie.

Santiago 3:14

Yan teme nojel awo'tanic ta bic'tal-o'tanil soc jex-o'tanil, ma me xacuy abaic te lec ayex soc te sp'ijil awo'tanique, soc ma me x'asut ta lot te bila smelelile.

1 Corintios 3:3

te melel swentainejex to te abaq'uetalique. Melel tey chican a te ay to paichal ta awo'tanic, ya ajachic c'op, soc ya ajat abaic. ¿Ma bal ja'uc yat'el abaq'uetalic in to? Melel jich ya apasic te bila ya spasic spisil te ants-winiquetic te ma ba xch'uunejic te Diose.

Proverbios 14:30

Teme lamal co'tantic ya caiytic, ja' me xcuxlejal te jbaq'uetaltique; yan te bic'tal-o'tanile, ja' ya yac' c'a'el c'alal ta jbaqueltic stuquel.

Tito 3:3

Melel te jo'otique jichotic ta neelal uuc. Ma jna'tic q'uinal, jc'axintay-mandalotic, jowejemotic, mosoinbilotic yu'un te bila ya smulan te jbaq'uetaltique. Jich ayotic tel ta spasel spisil ta jten mulil, bic'tal-o'tanil, jex-o'tantaywanej, talel c'axel lab-o'tantayej jbajtic.

Gálatas 5:21

jbic'tal-o'tanetic, jmilawaletic, jyacubeletic, jpas-q'uinetic, soc ay to xan yan te pajal soc te bila ya spasique. Ya jtac'uyex jich bit'il te la calbeyex ta neelale: Te mach'atic jich yat'elique, ma ba ya xc'o ainuquic tey a ta banti ay ta ajwalinel te Diose.

San Juan 4:3

Te Jesús loc' bael ta bay sq'uinal Judea, cha'bajt' xan ta sq'uinal Galilea.

Eclesiastés 4:4

La quil te bayal ya x'at'ejotique, te bayal ya x'esmaj jbiluctic swenta bit'il muc' at'el ya jchajbantique, talel c'axel ya xjajch' bic'tal-o'tantay jbajtic yu'un. Ja' nix jich mero tojol ta jyalel, soc te ja' pajal soc te yacuc jtsactic te iq'ue.

Salmos 106:16

Ta scampamentoic la sbic'tal-o'tantayic te Moisés soc te Aarón, te ch'ultesbilic yu'un te Cajwaltique.

Job 13:19

Teme ay mach'a ya xju' ya yalbon te bila jmulineje, ac'a me c'opojuc; te jo'one ma'yuc bila ya cal yu'un soc ac'a lajucon.

Job 3:11

¿Bi yu'un ma ba lajon ta xch'ujt' te jme'e, soc bi yu'un ma orauc lajon te c'alal ayinon ta q'uinale?

1 Reyes 19:4

Te Elías toj bael ta jochol taquin q'uinal. Sjunal c'aal been, ja' to c'o snajc'an sba ta ye'tal retama-te'. Mero yo'tanuc ya xlajix, jich la yal: —¡Tiq'uix a, Cajwal! Lajinbonix te jcuxlejale. Ja' mas lec te ya xlajone, jich bit'il lajic te antiguo jme'-jtate —xi'.

Números 11:29

Te Moisés la sjac': —Ma me xacuy te ya xpejc'aj jc'oplal yu'une. Ja' lec te yacuc yac'bey espíritu spisil lum te Cajwaltic, spisil me j'alwanejetic te jichuque —xi' te Moisese.

Números 11:15

Teme jich ya apasbon bael bit'il in to, ja' lec pojbon jcuxlejal teme ayon ta awo'tane. Jich me ma ba ya quil bayal c'opetic, teme lec te bila ya cale —xi' te Moisese.

Proverbios 30:16

Ja' te muquenale, ja' te ants te ma x'alaje, ja' te q'uinal te ma tic'uc ya yaiy a te ja'e, soc te c'ajc' te ma tic'uc ya yaiy a te si'e.

1 Samuel 1:10

Te Ana jajch' ta buen oq'uel, mero xbiq'uit nax sti' ta oq'uel ta stojol te Cajwaltique.