Génesis 3:22 - Bible in Tzeltal de Oxchuc y Tenejapa

²² Soc jich la yal te Diose: “Pajal c'ootic soc te ants-winique, te bit'il ya sna'ic bila lec soc te bila ma lecuque. Jich yu'un ma me xyac' tel sc'ab stsacbey sit slo' te te' ya yac' cuxinele; melel teme ya slo'bey site, ya me xcuxin sbajt'el ora yu'un”, xi'.

Bible in Tzeltal Bachajón

²² Soc hich la yal te Jehová Dios: Pajal c'ohemix soc ho'otic te winique, te bin ut'il ya sna' bin lec soc te bin ma lecuc. Ha yu'un ma sc'an te ya shach sc'ab yu'un ya stsac slo'be sit te te' scuenta cuxajel, te hich ya xcuxaj sbahtel q'uinal a, xchi.

Génesis 3:22 Referans Kwoze

Apocalipsis 2:7

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te jayeb mach'a ya xju' yu'un tsalawe, ya me cac'bey slo' te sit te' swenta cuxinel sbajt'el q'uinal, te ay ta bay yolil te yawal-sts'unub te Diose —xi'.

Apocalipsis 22:14

Bin nax me yutsilic te mach'atic ya sac' sc'u'-spaq'uic swenta yu'un jich ya xju' ya slo'beyic sit te te' ya yac' cuxinele, soc jich me ya xju' ya x'ochic bael tey a ta bay sti' sts'ajc'ul te muc'ul lume.

Apocalipsis 22:2

soc oquin bael ta yolilal te smuc'ul calleil te lume. Ta juju-jejch' sti'il te ja'e tey ay a te te' te ya yac' cuxinele te lajchayeb buelta ya yac' sit ta sjunal ja'wil. Jujun u ya yac' sit. Te yabenal te te'e, ja' xpoxil spisil ta jchajp nacionetic ta swenta scolelic.

Proverbios 3:18

Te p'ijil-o'tanil ja' cuxlejal ta stojol te mach'a ya yich'e; bin nax me yutsilic te mach'atic ya sna' sq'uejel ta yo'tanique.

Génesis 2:9

Te Cajwaltic Dios la yac' ch'iuc ta lumq'uinal spisil ta jchajp te'etic te t'ujbilic sba soc lec ta lo'el site. Soc la yac' xan jpejt' te' ta yolil awalts'unubil te ya yac' cuxinel, soc ay yan jpejt' te' ya yac' ta na'el te bila lec soc te bila ma lecuque.

Génesis 1:26

Soc la yal: “Ya me jpastic winic te jich yilel te bit'il jo'otique. Ja' me ya swentain spisil te xchayul ja'etic, spisil te mutetic, spisil te alaq'uil chambalametic, te ja'mal chambalametic, soc spisil te chanetic te ya stas sbaic ta lumq'uinale”, xi'.

Génesis 3:5

Sna'oj stojol Dios te bi ora ya alo'bey sit, ya me ana'ic stojol bila lec soc te bila ma lecuque, pajal ya xc'oex soc te Diose —xi'.

Jeremías 22:23

Ta ora to jun nax awo'tan ta apechech ta yolilal te cedroetic ich'bilic tel ta Líbano; ja'uc me to, ya awaiybey swocolil te c'alal ya xtal te xc'uxule, jich xc'uxulil bit'il ya x'alaj ants —xi' te Cajwaltique.

Salmos 22:26

We'anic, ja'ex te tenbilex ta uts'inele, ja' to me c'alal ya xnoj ta lec te ach'ujt'ique; albeyaic yutsil sc'oplal Cajwaltic ja'ex te ya aleique, cuxinanic bayal ja'wil.

Génesis 3:21

Dios la spasbey sc'u' ta snujc'ulel chambalam te winique soc te yiname, la yac'bey slapic.

Génesis 3:23

Jich yu'un te Cajwaltic la sticun loq'uel ta awalts'unubil, te Edén sbiile, swenta yu'un ya x'at'ej ta lumq'uinal te ja' nix pastajem ae.