Génesis 3:20 - Bible in Tzeltal de Oxchuc y Tenejapa

²⁰ Te winique la slebey sbiil te yiname, Eva sbiil c'ot yu'un, yu'un ja' me'il c'ot yu'un spisil yantic.

Bible in Tzeltal Bachajón

²⁰ Te Adán la ya'be sbihil Eva te yihname, yu'un ha nanil c'oht yu'un spisil mach'atic cuxajtic.

Génesis 3:20 Referans Kwoze

San Mateo 1:23

“Ay me jtul tec'tojom ach'ix te ya yic' alale. Ya x'ayin squerem-al, Emanuel ya xc'ot te sbiile”, te xie. Te bit'il Emanuel xi' te sbiile, “Sjoinejotic te Diose”, xi' c'oem.

Génesis 2:23

Jich la yal te Adán: “Ja' jbaquel soc ja' jbaq'uetal in to; ants sbiil ya xc'ot, melel chicnaj ta winic”, xi'.

Génesis 5:29

Noé sbiil c'ot yu'un te snich'ane, yu'un jich la yal: “Scaj te la yac' bolobuc sc'oplal lumq'uinal te Diose, ja' ay jwocoltic ta at'el ta jc'abtic yu'un. Te alale ya me yac'botic cux co'tantic”, xi' sc'oplal yu'un.

Génesis 2:20

Jich te Adán la slebey sbiil spisil ta jchajp chambalametic; ja'uc me to, ma wejt' snujp' stuquel te Adán te ya xju' ya scoltay sba soque.

Hechos 17:26

“Ta swenta jtul nax winic, Dios la xchicnantes spisil ta jchajp ants-winiquetic, swenta yu'un ya x'ainic ta spamal te balumilale. Xjajch'ibal to chajbanbil yu'un Dios te yorailic ta cumulcum soc ta banti ay te smojonil sq'uinalique.

San Mateo 1:21

Ya me x'ayin squerem-al. Jesús sbiil ya xc'ot awu'un te yale. Jich ay te sbiile, yu'un ya me scoltay ta lajel yu'un smulic te lum yu'une —xi' te ch'ul abate.

1 Samuel 1:20

Tey ora ayix jilel yal a te Ana. La sta yorail, ayin te yale. Samuel sbiil la yac'bey, ja' yu'un te ja' sc'anojbey te Cajwaltique.

Éxodo 2:10

C'alal muc'ub, ba yac'bey te yantsil-nich'an faraón. Jich c'ot ta yo'tan te bit'il mero yal. Moisés c'ot yu'un te sbiile: —Melel la jloq'ues tel ta ja' —xi'.

Génesis 35:18

C'alal nopol ya xlajix a te Raquel, la slebey jilel sbiil te yale: Benoni sbiil la yac'bey jilel. Yan te state, Benjamín sbiil la yac'bey stuquel.

Génesis 16:11

Melel awic'ojix awal, soc ya me x'alajat. Te querem ya x'ayin, Ismael sbiil ya xc'ot awu'un, yu'un yaiyoj stojol te Cajwaltic te bit'il ay awocole.

2 Corintios 11:3

Ja'uc me to, ya xiw co'tan teme ay mach'a ya slo'layex, jich te bit'il laj ta lo'layel yu'un sp'ijil sc'op chan te Evae. Ya jxi' teme ay bit'il ya xyanaj awo'tanic, soc te jich ma junuquix awo'tanic ta stojol te Cristoe.

1 Timoteo 2:13

Melel ja' neel la yich' pasel yu'un Dios te Adane, patil la yich' pasel te Evae.

Génesis 3:21

Dios la spasbey sc'u' ta snujc'ulel chambalam te winique soc te yiname, la yac'bey slapic.