Génesis 3:16 - Bible in Tzeltal de Oxchuc y Tenejapa

¹⁶ Te Diose jich la yalbey te antse: —Ya me xtoy awocol ta alajel, ay me xc'uxul ya x'alajat. Te bila ya sc'an te abaq'uetale, ja' me ay ta swenta te amamlale, ja' me ya ach'uunbey smandal stuquel —xi' sc'oplal.

Bible in Tzeltal Bachajón

¹⁶ Hich la yalbe te antse: Ya cac' tohyuc awocol ta alajel; ay awocol ya x'alajat. Ya xc'oht ta stojol amamalal te sc'anojel awo'tan, soc ha ya scuentahinat, xchi sc'oblal.

Génesis 3:16 Referans Kwoze

Tito 2:5

soc te lecuc ya xc'opojique, te ma'yuc mulil ta yo'tanique, te ya sna'ic scanantayel te snaique, te ay yutsil yo'tanique, soc te jun yo'tan ya xch'uunbeyic smandal te smamlalique, swenta yu'un ma'yuc ta toybac'optayel te sc'op Diose.

Colosenses 3:18

Antsetic te nujbinemexe, ich'aic ta muc' te amamlalique, jich te bit'il ya sc'an te Cajwaltique.

1 Corintios 11:3

Ja'uc me to, ya jc'an te ya ana'ic stojol te ja' jolol yu'un spisil winiquetic te Cristoe, soc ja' jolol te winic yu'un te antse, soc ja' jolol yu'un Cristo te Diose.

1 Timoteo 2:15

Ja'uc me to, ya me xcolic te antsetic teme lequil me'il ya yac' sbaique, teme jc'axel ay xch'uunjel yo'tanic, soc teme ay xc'uxul yo'tanic, soc teme ch'ultesbil yo'tanique, soc teme lamal te yo'tanique.

1 Corintios 14:34

te antsetic awu'unique ma me xc'opojic tey a ta banti atsoboj abaique. Melel ma xju' ya xc'opojic stuquelic, jich te bit'il ya yal te mandalile.

1 Corintios 7:4

Te antse ma ba yu'uninej sba soc te sbaq'uetale, ja' yu'uninej te smamlale. Ja' nanix jich uuc te winique, ma ba yu'uninej sba soc te sbaq'uetale, ja' yu'uninej uuc te yiname.

San Juan 16:21

Jich bit'il jtul ants te yorailix ya x'alaje. Bayal ya smel yo'tan yu'un te jajch'ix xc'uxul te swocole, melel la staix yorail. Ja'uc me to, c'alal ayinemix a te yale, ma ba ya sna'ix xan xc'uxul te swocole, yu'un bujts'najix yo'tan yu'un te ayinemix squerem-ale.

Génesis 4:7

Te yu'unuc lec te awat'ele, ¿ma bal lecuc ac'oplal ya xc'oat yu'un te jichuque? Yan teme ma lecuc te awat'ele, ja' me ya yabatinat te mulile. Ja'uc me to, ya xju' awu'un scomel te mulil te jichuque —la yut.

Jeremías 6:24

Te ants-winiquetic ta Jerusalén jich ya yalic: —La caiytiquix stojol sc'oplal, ma'yuquix quiptic yu'un te xiwele; ay mel-o'tan ya caiytic soc xc'uxul, jich bit'il ya x'alaj te antse.

Números 30:13

“Te smamlale ya xju' ya snup'inbey sc'oplal, o ya slajinbey sc'oplal, te bila xchapoj te yinam te yaloj ta jamal ta stojol Dios, te ya sujot ta scomel swe'el yu'une.

1 Tesalonicenses 5:3

Yu'un te c'alal ay jich ya yalic te ants-winiquetique: “Lamal q'uinal, ma'yuc bi chican”, te xiic ta yalele, ja'uc me to, ajc' nax ora ya xtal lajel ta stojolic, jich te bit'il ajc' nax ora ya xjajch' swocol jtul ants yu'un te ya x'ayinix te yale. Jich ma xju' ya scoltay sbaic loq'uel tey a.

Ester 1:20

Te mandalil yu'un te muc' ajwalil ya me sc'an te ya yich' puquel ta alel ta bay c'alal swentainej mandalteswanej te muc' ajwalile, swenta yu'un spisil antsetic ya me yich'ic ta muc' te smamlalique, pajal me te mach'atic muc' sc'oplalic soc mach'atic peq'uel sc'oplalic —xi'.

Jeremías 22:23

Ta ora to jun nax awo'tan ta apechech ta yolilal te cedroetic ich'bilic tel ta Líbano; ja'uc me to, ya awaiybey swocolil te c'alal ya xtal te xc'uxule, jich xc'uxulil bit'il ya x'alaj ants —xi' te Cajwaltique.

Jeremías 13:21

“¿Bi ya awal, Jerusalén, c'alal ya awich' wentainel yu'un winiquetic te ja'at nix la ap'ijubtese? Ya me yac'beyex xc'uxul, jich bit'il te ants te ya x'ayin yale.

Isaías 21:3

Ya xnijc' te jbaq'uetale, ya yac'bon jwocol te xc'uxule, jich bit'il swocol ta alajel te antse. Te mel-o'tan ma xyac'bonix caiy stojol c'op, te muc'ul xiwel ma xyac'bonix quil q'uinal.

Isaías 13:8

ayic me ta xiwel ta spisilic. Ya me xtal woclajel, soc muc' xc'uxul ya xc'ot ta stojolic, jich me te bit'il ya xwoclaj ants yu'un te ya x'alaje. Juju-jtul jchajp nax me q'uinal ya yaiy te ya yil sbaique, ya me stsajub yelawic yu'un q'uexlal.

Jeremías 49:24

Te Damasco, ma'yuquix yipic, jich ya yac' sbaic bael ta anel. Ya x'u'uninot yu'un xiwel, mel-o'tan soc xc'uxul, jich bit'il ya x'alaj ants.

Jeremías 4:31

Ya caiy stojol awetic yu'un xc'uxul, jich bit'il yajc'an ants te ya x'ayin te sba yale; ja' te awetic yu'un te lum Sión, te ya x'ajc'anaj, ya xbejch'ulay sc'ab yu'un xc'uxul. Jich ya yal: “Obol jba, ya smilonic te jmilawaletique”, xi' me —xi' te Cajwaltique.

Isaías 53:11

Te c'alal c'axix yu'un a te bayal swocole, ya me yil te saquil q'uinale, soc bin nax me yo'tan yu'un. Te tojil abat yu'un Cajwaltic, bayal mach'atic ya yac' ta libre, melel ja' ya scuchbey smulic stuquel.

Salmos 48:6

Jc'axel u'uninotic yu'un xiwel: la sts'otilay sbaic yu'un xc'uxul, jich bit'il ants ya x'ayinix yal;

1 Timoteo 2:13

Melel ja' neel la yich' pasel yu'un Dios te Adane, patil la yich' pasel te Evae.

1 Crónicas 4:9

Te Jabes, ja' mero toyol sc'oplal c'ot yu'un a te yermanotaque. Te sme' la yac'bey sbiilin Jabes yu'un la yal: “Melel bayal xc'uxul la caiy te c'alal la calataye”, xi'.