Génesis 3:15 - Bible in Tzeltal de Oxchuc y Tenejapa

¹⁵ Ya me cac' te contro ya awil aba soc te antse, soc te ats'umbale contro ya yil sba soc te sts'umbale. Ja' me ya yejch'entesbat ajol te patil alnich'an yu'une, yan te ja'ate yit nax yacan ya awejch'entesbey atuquel —xi' sc'oplal yu'un.

Bible in Tzeltal Bachajón

¹⁵ Soc ya cac' te contra yac awil aba soc te antse, soc te ats'umbal contra ya yil sba soc te sts'umbale; ha ya yehchentesbat ajol, yan te ha'ate yit nax yoc yac awehchentesbe stuquel, xchi sc'oblal.

Génesis 3:15 Referans Kwoze

Romanos 16:20

Te Dios yu'un lamal q'uinal, nopolix te ya yac'beyex apech'ic ta teq'uel te Satanase. Te yutsil yo'tan cu'untic te Cajwaltic Jesucristoe, ac'a me sjoinex ta apisilic.

1 Juan 3:8

Yan te mach'a yat'elinej sleel te smule, ja' yu'un te pucuje. Melel te pucuje stalel yat'elinej sleel smul ta xjajch'ibal to tel. Melel ja' swentail te xtaluc ta balumilal te Snich'an Diose, yu'un tal slajinbey sc'oplal te bila yat'elinej spasel te pucuje.

Apocalipsis 12:17

Jich te muc'ul chane c'axem to xan ilin yo'tan ta stojol te antse. Jich ba yaiy guerra soc te jich yipal te sts'umbal xane, ja' bi, ja' te mach'atic yat'elinejic xch'uunel smandal te Diose soc te jun yo'tan yich'ojic ta muc' te testigo-c'op yaloj te Jesucristoe.

Isaías 7:14

Jich yu'un, ja' nix me te Cajwaltic te ya yac'beyex awilic señail: Te ach'ixe yic'ojix yal, ya me x'ayin jtul squerem-al, Emanuel, sbiil ya xc'ot yu'un.

Gálatas 4:4

Ja'uc me to, te c'alal la sta yorail yu'un te Diose, la sticun tel ta balumilal te Snich'ane. Alatayot yu'un jtul ants soc swentainot yu'un te mandalile.

San Juan 8:44

Te ja'exe, ja' atatic te pucuje, soc ya sc'an awo'tanic ya apasic te bila ya sc'an yo'tane. Te pucuje milawal ta xjajch'ibal to tel stuquel. Ma'yuc stuul ta yo'tan te bila smelelile, yu'un ma'yuc bila melel te ay ta yo'tane. Te c'alal ya spas lote, ja' ya yal te bila stalel ay ta yo'tane. Melel jpas-lot nanix stuquel a, soc ja' static spisil te jpas-lotetique.

San Mateo 1:23

“Ay me jtul tec'tojom ach'ix te ya yic' alale. Ya x'ayin squerem-al, Emanuel ya xc'ot te sbiile”, te xie. Te bit'il Emanuel xi' te sbiile, “Sjoinejotic te Diose”, xi' c'oem.

San Mateo 13:38

In te q'uinale, ja' swolol te balumilale. Te lequil awalile, ja' te alnich'anetic yajwalinejic te Dios te ay ta ch'ulchane. Te cizaña-ac ja' te mach'atic yajwalinejic te pucuje.

1 Juan 3:10

Chican ta ilel te mach'atic yal-snich'an te Diose, soc chican ta ilel te mach'atic yal-snich'an te pucuje. Melel te mach'a ma ja'uc yat'elinej spasel te bila leque soc te ma c'uxuc ya yaiy ta yo'tan te yermanoe, ma ja'uc yu'un Dios abi.

San Lucas 10:19

Jo'on la cac'beyex tulan awat'elic ta xpech'el ta teq'uel te chanetique soc te tsequetique, soc cac'ojbeyex te ya xju' awu'unic stsalel spisil yu'el te cajcontrotique. Jich ma'yuc bila ya yuts'inex xan xujt'uc.

Salmos 132:11

Te Cajwaltic ay bila mero jc'axel yaloj ta stojol David, mero jc'axel yaloj te ma xju' ya sujt'es sc'op:

Apocalipsis 20:10

Te pucuj te lo'layotic yu'une, la yich' ch'ojel ochel ta muc' pamal c'ajc' te yac ta tilel soc azufre, ta banti yich'ojix ch'ojel te muc'ul chambalam te xi'bantic sbae soc te lotil j'alwanej yu'une. Tey me ya xc'ax swocolic a ta c'aal ajc'ubal ta sbajt'el q'uinal.

Colosenses 2:15

C'alal laj ta cruz te Cristoe, tey la slajinbey yat'elic a te mach'atic ich'bilic ta muq'ue soc te mach'atic ay yu'elique. Soc la yac' ta ilel ta comonsitil te bit'il peq'uel a jilic ta spisilic te c'alal la yaiy tsalaw te Cristoe.

Hechos 13:10

Jich la yalbey: —Te ja'ate lo'laywanejat, nojel ta awo'tan spisil te bila amen ta pasele. Ja' snich'anat te pucuje, acontroinej spisil te bila lec ta pasele. ¿Jc'axel bal ma x'acom aba ta smacbel sbe te Cajwaltique?

Apocalipsis 2:10

Ma me xiwat yu'un te bit'il ya xc'ax bayal awocole. Melel te pucuje ya me yaq'uex ta chucjibal swenta yu'un jich me ya yilbeyex awo'tanic ta apisilic. Tey me ya xc'ax awocolic lajuneb c'aal a. Ja'uc me to, junuc me awo'tan ta jtojol, manchuc teme ya xlajat tey a. Jich me ya cac'bat acorona swenta cuxlejal.

Isaías 53:12

Jich yu'un te Dios ya yac'bey yawil ta yolilic te mach'a ich'bilic ta muq'ue; soc ya sjoin ta yaiyel tsalaw te mach'atic ay yipique. Melel la yac' sba ta lajel stuquel, soc la sjoin ta ajtayel te mach'atic amenique. Ta smelelil, la scuchbey smulic tsobol ta jtul, soc c'opoj yu'un te jmulawiletique.

Miqueas 5:3

Te Cajwaltic ya yijq'uitay yo'tic te mach'atic ay yu'une, ja' to me te c'alal ya x'ayin yal te ants yac ta smaliyel te yale. Ja' yu'un jich me ya stsob sbaic soc slumalic te israeletic te pujq'uemic ta yan lum.

Jeremías 31:22

¿Bi ora ya xlaj awo'tan te bayuc ya xbaate, te jich jowejemat te bit'il jtul ach'ix te jowejeme? Jo'on Ajwalilon, ay bila jchicnantesej yach'il ta balumilal: Ay jtul ants ya xba sta xan sba soc te smamlale —xi'.

1 Juan 5:5

¿Mach'a a te ya stsal te balumilale? Ja' te mach'a xch'uunej yo'tan te ja' Snich'an Dios te Jesuse.

Hebreos 2:18

In te bit'il c'ax swocol yu'un ta ilel yo'tane, ta ora to ya xju' yu'un ya scoltay te mach'atic ayic ta ilel yo'tanique.

Efesios 4:8

Ja' swentail te jich la yal ta Sjun te Diose: “Mo bael ta ch'ulchan, yic'oj bael jchuqueletic soc la yac'bey majt'aniletic te ants-winiquetic”, te xie.

Apocalipsis 13:7

Soc ac'bot permiso te ya spas guerra soc te mach'atic ch'ul lum yu'un te Diose, ja' to teme la stsale. Soc ac'bot yich' yat'el ta stojol spisil ta jchajp sts'umbal te ants-winiquetique soc spisil ta jchajp lum te yanyantic sc'opique soc te yanyantic nacionetique.

Hebreos 5:7

Te jayeb c'aal ay ta balumilal te Cristoe, ma la scom sba ta sc'oponel Dios. Bayal la yoq'uetay sba ta yalel wocol ta stojol, te yacuc xju' ya xcoltayot ta yu'el te manchuc ya x'ac'ot ta lajele. Dios aiybot stojol sc'op yu'un, melel jun nax yo'tan yich'oj ta muc'.

San Lucas 22:53

Melel jujun c'aal la joinex ta templo. Ma ba yal ac'abic ta jtojol. Ja'uc me to, la staix yorail te ya xju' awu'unic soc yip te ijc' q'uinale —xi' te Jesuse.

San Mateo 23:33

“¡Ts'umbalex jti'awal chanetic! ¿Bit'il c'an acoltay abaic ta castigo ta infierno? ¿Bit'il c'an colanic loq'uel tey a?

San Mateo 12:34

Te ja'exe sts'umbalex jti'awal chanetic, ¿bit'il c'an lecuc te ac'opique?, melel amen te awo'tanique. Ta swenta ac'opic chican te bila nojel ta awo'tanique.

San Mateo 3:7

Te Juane la yil te tsobol fariseoetic soc saduceoetic te talemic yu'un te ya yac' sbaic ta ich'ja'e. Jich la yalbey yaiyic: —Te ja'exe, ja' sts'umbalex c'oem te jti'awal chanetique. ¿Mach'a la yalbeyex awaiyic te ya xju' ya acoltay abaic loq'uel ta swenta te tulan castigo te nopol ayixe?

Romanos 3:13

Lomen muquenal ch'en te yeique; te yaquique, ya xlo'laywanic a. Svenenoil jti'awal chan te ay ta yeique.

San Lucas 1:76

In te ja'ate, ch'in jnich'an, j'alwanej ya xc'oat yu'un te Ch'ul Dios te mero toyol aye. Melel ya me xneelajat ta xchajbanel sbe te Cajwaltique.

San Marcos 16:18

soc ya me stsac ta sc'abic jti'awal chanetic, soc ya me yuch'ic te bila miljibale, ja'uc me to, ma ba ya xlajic yu'un, soc ya me scajanbey sc'abic ta sjol te jchameletic, jich me ya xcolic —xi' te Jesuse.

San Mateo 1:25

ja'uc me to, ma la sc'opon sba soc, ja' to c'alal ayin te sba yale. Jesús sbiil c'ot yu'un te yale.

Génesis 49:17

Jich ya xc'ot Dan te bit'il jti'awal chan te snac'oj sba ta ti'be; ya sti'bey yit yacan caballo c'oem, jich ya yac' yaluc coel te mach'a cajal a.

Daniel 9:26

C'alal ya xc'ax te cheb xchanwinic (62) semana, ya me smilic te ch'ul jwentainwaneje. Te Jerusalén ya me yich' lajinel soc ya me yich' lajinel uuc te templo, ja' me ya slajin te swinictac te muc' ajwalil ya xtale. Te slajibale ora me ya xc'ot ta pasel, jich me ya xtal te bit'il snojel ja'; ja' to me c'alal slajibal te guerra soc te jinele, ja' te chapal nix sc'oplal ae.

Amós 9:3

Teme ya snac' sba ta bay stoylejal switsul Carmelo, tey ya xba jle a; teme ya snac' sba ta jtojol ta bay sc'ubulil mar, tey ya jticun bael a te smuc'ul xchanul mar, yu'un ya xba sti'.

San Lucas 24:27

Jich jajch' xcholbey spisil te bila ts'ibubil jilel ta Sjun Dios te bit'il ay sc'oplal te Cristoe. Tey jajch' ta Moisés ja' to c'alal ta slajibal te namey q'uinal j'alwanejetic yu'un te Diose.