Génesis 29:8 - Bible in Tzeltal de Oxchuc y Tenejapa

⁸ Ja'uc me to, albot yu'unic: —Ma xju', ja' to teme ya stsob sbaic tel spisil ta jtsojp te chijetique, ja' to ya sloq'uesic te ton ay ta sti' te pozoe, ja' to ya cac'beytic yuch' ja' te chijetic abi —xiic.

Bible in Tzeltal Bachajón

⁸ Pero la yalic: Ma xhu', ha to teme ya stsob sbahic spisil te jchahp tuminchijetic soc teme ya yich' loq'uesel te ton ay ta sti'il te pozo, ha to ya ca'becotic yuch' ha' a te tuminchijetic abi, xchihic.

Génesis 29:8 Referans Kwoze

San Lucas 24:2

Balch'unbilix loq'uel c'o staic te ton macbil a te muquenale.

San Marcos 16:3

Jich la yalbey sbaic: —¿Mach'a ya xbalch'unbotic te muc'ul ton te macal sti' a te muquenale? —xiic.

Génesis 43:32

Ja'uc me to, parte parte we'ic. Parte ac'bot swe'el ta yan mesa te José. Ta yan mesa ac'bot swe'elic te sbanquiltaque, soc ta yan mesa ac'bot swe'elic te egipcioetic te ic'bilic tel yu'un te José. Melel te egipcioetic ma sc'an ya sjoinic ta we'el te hebreoetique, yu'un ma lecuc ya yaiyic te ya slac' sbaic soc ta we'ele.

Génesis 34:14

Jich yu'un la yalbeyic: —Ma xju' ya cac'bat te bit'il ma ba awich'oj circuncisión te ja'ate, yu'un ma lecuc ya caiytic te jo'otique.

Génesis 29:3

Ja'uc me to, te bi ora juliquix spisil ta jtsojp te chijetique, te jcanan-chijetic ya sloq'uesic te ton te macbil a, ya yac'bey ja' yuch' te xchijique, patil ya smaquic xan jilel.

Génesis 29:7

La yal te Jacob: —Olil to nax c'aal, ma to yorailuc te ya sc'an ya yich' tsobel tel te chijetique. Ac'beya yuch' ja' te chijetic, patil ya awiq'uic bael ta we'el ta aquiltic —la yut.

Génesis 29:9

Yac to ta c'op soc a, c'ot te Raquel soc te chijetic yu'un te stat te yacal ta scanantayele.

1 Samuel 9:11

Te c'alal yacalic ta moel ta stojol bael te lum, la staic ach'ixetic te yacalic ta beel ta sliquel tel ya'alic. La sjojc'obeyic: —¿Tey bal ay te mach'a ay bi ya sna' yalele? —la yutic.