Génesis 28:5 - Bible in Tzeltal de Oxchuc y Tenejapa

⁵ Jich ticunot bael c'alal ta Padan-aram yu'un Isaac te Jacob. Bajt' c'alal ta sna te Labán, ja' te yichane, te snich'an Betuel te arameo-winique. Te Labán ja' xi'lel te Rebeca te sme' Jacob soc Esaú.

Bible in Tzeltal Bachajón

⁵ Hich te Jacob ticonot bahel yu'un Isaac ta Padan-aram ta sna te Labán snich'an Betuel te arameo-winic, ha te sbanquil Rebeca te snan te Jacob soc Esaú.

Génesis 28:5 Referans Kwoze

Génesis 25:20

Cha'winic (40) ya'wilal a te Isaac te la yic' yinamin Rebeca, te yantsil-nich'an Betuel te arameo-winic te nainem ta Padan-aram. Ja' xi'lel te Labán sbiile.

Génesis 27:43

Jich yu'un cal, ch'uuna te bila ya calbate: Jajch'an, anan bael ta bay awichan Labán ta lum Harán.

Génesis 29:12

La yalbey yaiy te Raquel te bit'il ja' yichan te state, soc te ja' sme' te Rebeca. Jich yu'un te Raquel, animal ba yalbey yaiy te state.

Oseas 12:12

Te Jacob an bael ta q'uinal yu'un Aram. Tey at'ej ta scanantayel chijetic ta swenta stojel te yiname.

Génesis 22:23

Te Betuel ja' stat te Rebeca. Jich sbiilic te waxactul snich'nab Nacor te yijts'in te Abrahame. Te sme'ique ja' te Milca.

Génesis 24:54

Patil och ta we'el te winic soc te mach'a jayeb sjoinej tel, ta patil bajt'ic ta wayel. C'alal jajch'ic, la yal te winique: —Ya me awac'oniquix sujt'el bael ta sna te cajwale —xi'.

Génesis 28:2

Jajch'an, baan ta sq'uinal Padan-aram ta bay sna te amam Betuel, te stat te ame'e. Ja' x'awic' awinamin jtuluc yantsil-nich'an te awichan Labán, te xi'lel te ame'e.

Génesis 29:1

Been xan bael te Jacob, c'ot ta bay slumal te mach'atic talemic ta bay stojol sloq'uib c'aal.

Génesis 31:24

Ta ajc'ubal c'oponot yu'un Dios ta swaich te Labán, ja' te arameo-winique, te tey ya xc'o staix a te Jacob. Jich albot yu'un te Diose: —Tsajtaya me aba, ma me amenuc te bila ya xc'o awalbey te Jacob —xi' sc'oplal.

Génesis 35:27

Te Jacob ba yil te Isaac, ja' te state, te ay ta Mamre, te lum te ja' nix sbiilinej Arba soc Hebrón. Tey nix nain te Abraham soc te Isaac.

Deuteronomio 26:5

Te ja'ate jich me ya awal ta stojol te Cajwaltique: “Te antiguo jme'-jtate ch'in jtsojp arameoetic te puro ta beel beel ayic, te coic bael ta Egipto, tey jilic ta nainel a. Patil c'atp'ujic ta jun muc'ul nación, mero tsobolic soc bayal yipic.

Ezequiel 27:16

Te Edom tal yaiy manbajel chonbajel ta atojol, scaj te ay bayal te bila ya x'ain awu'une. Te manbajel chonbajel, ja' la ajel a te yaxal granate-ton, paq'uetic bonbil ta púrpura, buen ch'albil paq'uetic, paq'uetic pasbil ta lino, coral-ton, soc t'ujbil tsajal tonetic.