Génesis 28:4 - Bible in Tzeltal de Oxchuc y Tenejapa

⁴ Ac'a yac'bat soc jayeb ats'umbal te bendición la yalbey te Abraham, swenta yu'un jich me ya aq'uinalin te q'uinal ta bay nainemat te jich c'oemat te bit'il jyanlum li'to, melel la yal Dios te ya yac'bey te amam Abraham —xi'.

Bible in Tzeltal Bachajón

⁴ Ac'a ya'bat te bendición yu'un Abraham soc ats'umbal, scuenta yu'un yac aq'uinalin te q'uinal banti yacat melmonel, te a'bot yu'un Dios te Abraham, xchi.

Génesis 28:4 Referans Kwoze

Gálatas 3:14

Jich c'ot ta pasel te bit'il albot yu'un Dios te Abraham te ya xc'ot ta swentaic bendición uuc te jyanlumetic ta swenta Cristo. Soc ta swenta xch'uunjel co'tantic ya quich'tic te Espíritu te yaloj Dios te ya yac'botique.

Génesis 12:7

Te Cajwaltic la yac' sba ta ilel ta stojol Abram, jich la yalbey: —Ya me cac'bey sq'uinalin ats'umbal te q'uinale —xi' sc'oplal yu'un te Cajwaltique. Jich te Abram la spasbey scajtijib ta chiq'uel smajt'an tey a te Cajwaltic te bit'il tey la yac' sba ta ilel ta stojol a.

Efesios 1:3

Jelawen yutsil te Diose, te Stat te Cajwaltic Jesucristoe, te la yac'botiquix spisil ta jchajp bendición te ay ta ch'ulchan ta swenta te Cristoe.

Salmos 39:12

“Cajwal, aiybon te jc'ope, aiybon te coq'uele. Ma me yacuc nax awilbon te ya'lel jsite, Cajwal. Te jo'one jyanlumon ta atojol, jichon te bit'il jbeom ja'mal mut, jich nix bit'il c'axic te anima jme'-jtate.

Gálatas 3:8

Melel namey chicnaj ta Sjun Dios te bit'il toj ya x'ilot yu'un Dios te jyanlumetic ta swenta bit'il ya yac' xch'uunjel yo'tanique. Dios la yal ta neelal to ta stojol Abraham te lec yach'il c'ope, ja' bi: “Ya me staic bendición spisil nacionetic ta awenta”, te xie.

Salmos 72:17

Te sbiil te muc' ajwalil sbajt'eluc me q'uinal ay; jich ac'a jalajuc sc'oplal te bit'il ya xjalaj te c'aale. Ac'a c'otuc bendición ta stojolic spisil te nacionetic ta balumilal ta swenta stuquel. Ac'a me yalbeyic yutsilal spisil te nacionetic.

Génesis 15:8

La yal te Abrame: —Cajwal Dios ¿bit'il ya jna' stojol teme jo'on ya jq'uinalin te q'uinale? —xi'.

Génesis 27:33

Cham nax la yaiy te Isaac, bayal jajch' ta nijq'uel yu'un, la yalbey: —¿Ja'xan te mach'a loq'uel to bael te la smilbon tel ti'bal jti'e? Lajel to co'tan ta sti'el sti'bal a te c'alal talate. Ja' la jc'anbeyix bendición stuquel, puersa ja' me ya xc'ot ta swenta te bendicione —xi'.

Génesis 37:1

Te Jacob nain ta sq'uinal Canaán, te bay nix nain te state.

Éxodo 6:4

La jpas trato soc, ja' te ya cac'bey sq'uinalinic te sq'uinal Canaán. Ja' nix te q'uinal te banti c'axic tel ta neelale.

1 Crónicas 29:15

Jich c'oemotic ta atojol te bit'il jyanlum te c'axel nax aye, jich c'oemic tel spisil te antiguo jme'-jtatique. Te jcuxlejaltic tey ta sba balumilal, jich nax c'oem te bit'il axinal, mero ma'yuc bi ayotic ta smaliyel.