Génesis 28:3 - Bible in Tzeltal de Oxchuc y Tenejapa

³ Ac'a yac'bat bendición te Dios te Spisil ya xju' yu'une, soc ac'a yac esmajucat, bayaluc me ta jmil ac'a c'otuc ats'umbal, swenta yu'un ay me bayal ta jchajp lum ya xc'ot ta awenta.

Bible in Tzeltal Bachajón

³ Ac'a ya'bat bendición te Dios te spisil ya xhu' yu'un, soc ac'a p'ohlucat, bayeluc me ats'umbal ya xc'oht ha to c'alal bayel ta chahp pueblohetic ya xc'ohat.

Génesis 28:3 Referans Kwoze

Génesis 48:3

la sc'opon xan te José: —Te Dios te Spisil ya xju' yu'une, la yac' sba ta ilel ta jtojol ta lum te Luz sbiile te ay ta Canaán, soc la yac'bon bendición:

Génesis 35:11

Dios la yalbey xan: —Jo'on Dioson te Spisil ya xju' cu'une; esmajan, ayuc me bayal ats'umbal. Muc'ul nación ya xc'oat, bayal me ta jpam lum ya xc'oat ta loq'uel a, bayal ta jtul ajwaliletic ya xloc' a te ats'umbale.

Génesis 13:16

Jich me yipal ats'umbal ya xc'oat cu'un te bit'il ts'ubil lume. Ma xju' ta ajtayel te ts'ubil lum, soc ja' nix jich ma xju' ta ajtayel te ats'umbale.

Génesis 9:1

Dios la yac'bey bendición te Noé soc te snich'nabe, jich la yalbey: —Esmajanic, nojesaic xan te q'uinale.

Génesis 1:28

Dios la yac'bey bendición, jich la yalbey: —Esmajanic ta lec, nojesaic ta spamal te balumilale, tuuntesaic te q'uinale. Ja' me ya awentainic xchayul ja'etic soc te mutetique, soc spisil te chambalametic te ya xbeenic ta lumq'uinal —xi'.

Génesis 43:14

Te Dios te Spisil ya xju' yu'une, ac'a scoltayex, ac'a stijbey yo'tan te ajwalil te yacuc xc'uxtayexe, yacuc scoltaybotic tel te abanquilic chucul jilele, soc te manchuc ya yuts'inbotic te Benjamín. Teme spisil ya xpojboton te jnich'nabe, jich nanix, bi c'an cal —xi' te mamal Israele.

Génesis 41:52

Te xchebal snich'ane, Efraín sbiil c'ot stuquel, yu'un la yal te José: “Dios la yac'bonix jnich'nab li' ta lum to te banti ay jwocol ta neelale”, xi'.

Génesis 24:60

La sc'anbeyic bendición ta stojol Rebeca: —Ja'at quijts'in-ach'ixat, ja'ucat me sme'at tsobol ta jmil, ac'a yu'uninbeyic slumal yajcontro te ats'umbal baele —xiic.

Apocalipsis 21:22

Ma'yuc templo la quil tey a ta bay te muc'ul lume. Melel te Cajwaltic Dios te Spisil ya xju' yu'une soc te Alalchije, ja' templo yu'un te lume.

2 Corintios 6:18

Jo'on me Atatonic ya xc'oon, te ja'exe cal-jnich'nab ya xc'oex, xi' te Cajwaltic te Spisil ya xju' yu'une”, te xie.

Salmos 127:3

Te cal-jnich'antic ya x'ayinic, ja' jc'ulejaltic te ya yac'botic te Cajwaltique.

Éxodo 6:3

Cac'oj jba ta ilel ta stojol Abraham, Isaac soc Jacob. Soc la cac'bey sna' te jbiile: “Dios te Spisil ya xju' yu'une”, xi' te jbiile. Ja'uc me to, ma ja'uc la cac' ta na'el te mero jbiile: “Jo'on Ajwalilon”, te xie.

Salmos 127:1

Tojol me ya yac' swocolic te jpas-naetique, teme ma ja'uc Cajwaltic te jich ya sc'ane; tojol me ya yac' swocolic ta jcanan-lum te jcananetic, teme ma ja'uc Cajwaltic te ya scanantaye.

Génesis 17:20

Ja'uc me to, jich me ay sc'oplal cu'un stuquel te Ismael: Ya me cac'bey bendición uuc: ya me x'esmaj bayal. Te lajchaytul snich'nabe ajwaliletic ya xc'otic, buen muc'ul lum ya xc'ot cu'un.

Génesis 26:4

Ya me cac' esmajuc ats'umbal, jich yipal ya xc'otic te bit'il eq'uetic ta ch'ulchan. Soc ya me cac'bey sq'uinalin spisil in q'uinal to te ats'umbale. Ta swenta ats'umbal ya me x'ac'bot bendición ta spisil ta jchajp mach'atic ayic ta balumilal.

Génesis 26:24

C'alal c'ot ta Beerseba, Dios la yac' sba ta ilel ta ajc'ubal ta stojol, jich la yalbey: —Jo'on Dioson yu'un te atat Abraham. Ma me xiwat, joinejat spisil ora. Ta swenta bit'il c'ux ta co'tan te cabat Abraham, ya me cac'bat bendición, ya me cac' esmajuc ats'umbal —xi'.

Génesis 27:33

Cham nax la yaiy te Isaac, bayal jajch' ta nijq'uel yu'un, la yalbey: —¿Ja'xan te mach'a loq'uel to bael te la smilbon tel ti'bal jti'e? Lajel to co'tan ta sti'el sti'bal a te c'alal talate. Ja' la jc'anbeyix bendición stuquel, puersa ja' me ya xc'ot ta swenta te bendicione —xi'.

Génesis 48:4

Jich la yalbon: “Ya me cac' esmajuc te ats'umbale, bayal ta jchajp nación ya xc'otic ta loq'uel. Soc ya me cac'bey yu'unin ats'umbal in q'uinal to. Ja' me yu'unic sbajt'el q'uinal”, la yuton te Diose.

Génesis 49:25

Wocol la yal te Dios cu'un te atatone, ja' me ya scoltayat, ja' te Dios te Spisil ya xju' yu'une, ya me yac'bat bayal bendición. Ja' te bendición ta swenta ch'ulchan te toyole, ja' te bendición ta swenta te mar te buen c'ubul coele, ja' te bendición ta swenta bit'il ya x'esmaj te awal-anich'nabe.

Éxodo 1:7

Ja'uc me to, bayal esmajic te israeletique, c'axem to xan esmajic ta jyalel, mero bayal yipic a c'ot. Noj yu'unic te sq'uinal Egipto.

Rut 2:4

Te Booz jich nix yorail loc' tel ta Belén, tal yil te cebadail. La spatbey yo'tanic te abatetic yu'une: —Ac'a sjoinex te Cajwaltique —xi' ta spatbeyel yo'tanic. La sjaq'uic: —Ac'a yac'bat bendición te Cajwaltique —xiic ta spisilic.