Génesis 28:19 - Bible in Tzeltal de Oxchuc y Tenejapa

¹⁹ Betel sbiil c'ot yu'un te yawil te tone. “Sna Dios” xi' c'oem te c'asesbile; ja'uc me to, Luz sbiil ta neelal te lume.

Bible in Tzeltal Bachajón

¹⁹ Bet-el sbihil c'oht yu'un te lugar, aunque Luz sbihil ta nahil to te pueblo.

Génesis 28:19 Referans Kwoze

Génesis 48:3

la sc'opon xan te José: —Te Dios te Spisil ya xju' yu'une, la yac' sba ta ilel ta jtojol ta lum te Luz sbiile te ay ta Canaán, soc la yac'bon bendición:

Génesis 35:1

C'oponot yan buelta yu'un Dios te Jacob: —Jajch'an, beenan, moan bael ta Betel, nainan tey a. Tey me ya xc'o apas scajtijib ta chiq'uel jmajt'an a ta bay la cac' jba ta ilel ta atojol te jo'on Dioson, te c'alal loc'at ta anel ta stojol te abanquil Esaú —xi' sc'oplal.

Oseas 4:15

“Teme ya apas mulwej ja'at, Israel; ja'uc me to, te manchuc ya sle smul stuquel te Judá. Ma me xbaex ta Gilgal te ja'exe, ni ma me xmoat bael ta Bet-avén, ni ma me x'ata ta alel te cuxul Diose.

1 Reyes 12:29

Jich jun la yac' ta Betel, yan la yac' ta Dan.

Génesis 12:8

C'ax xan bael te Abram, c'ot ta witstiquil ay ta stojol sloq'uib c'aal yu'un lum Betel. Tey la stejc'an snailpac' a, ay ta stojol smalib c'aal c'ot te Betel, ay ta stojol sloq'uib c'aal c'ot te Hai. Tey la spasbey yan scajtijib ta chiq'uel smajt'an a te Cajwaltique. La smilbey jcojt' chij ta stojol, jich la yalbey wocol a te Cajwaltique.

Génesis 28:11

Ay banti c'ot ta comel ta beel te Jacob, jich way tey a te bit'il malix te c'aale. La sle tel ton sts'anjolin, la smejts'an sba ta wayel.

Génesis 31:13

Jo'on Dioson te chicnajon ta atojol ta Betel, te bay la atejc'anbon ta jtojol te ton soc la amalbon aceite ta sba, soc te la awalbon ta jc'axel te bila ya apasbon ta jtojole. Jajch'an ta beel jiche, loc'an, sujt'an bael ta alumal ta bay awermanotac”, la yuton —xi' te Jacob.

Génesis 35:6

Te Jacob soc spisil te mach'atic sjoineje, c'otic ta lum Luz te ay ta sq'uinal Canaán, te Betel yan sbiile.

Génesis 35:14

Jich yu'un te Jacob la stejc'an balal ton ta bay c'oponot yu'un te Diose. La smalbey vino soc aceite ta sba ta swenta xch'ultesel.

Génesis 35:15

Te banti c'oponot yu'un Dios te Jacob, Betel sbiil c'ot yu'un.

Josué 8:12

Te Josué la snac' jo'mil (5,000) soldadoetic ta bay olil yiloj sba soc lum Betel te lum Hai, ta bay smalib c'aal yu'un te lume.

Josué 18:13

Bajt' xan c'alal ta Luz (Betel yan sbiil) ta jejch' bael ta stojol sur. Co bael c'alal Atarot-adar ta wits te ay ta stojol sur yu'un Bet-horón ta Alan.

1 Samuel 7:16

Ta jujun ja'wil ya xbajt' ta lum Betel, Gilgal soc Mizpa, swenta yu'un ya xba xchajban te c'opetic yu'unic te israeletic ta spisil te juju-jtsojbe.

1 Samuel 10:3

Soc ya me xc'ubat bael. C'alal ya xc'oat ta jijte' yu'un Tabor, ya me xjul tel ta atojol oxeb winiquetic te yacalic ta moel bael ta Betel ta xch'uunel Dios. Te jtule yic'oj oxeb tentsunetic, te xchebale yich'oj oxeb pan, te yoxebale yich'oj jun nujc'ul vino.

Génesis 35:7

Tey c'o spasbey scajtijib ta chiq'uel milbil smajt'an a te Diose. El-betel sbiil c'ot yu'un te q'uinal te bit'il Dios la yac' sba ta ilel ta stojol tey a, te c'alal loq'uem tel ta anel ta stojol sbanquil a.

Josué 16:2

Ta Betel, (Luz te yan sbiile), c'ax ta sq'uinal arquitaetic c'alal ta lum Atarot;

Jueces 20:26

Jich yu'un ta spisil te soldadoetic yu'un Israel soc spisil te lume, cha'bajt'ic ta Betel ta oq'uel ta stojol te Cajwaltique. Sjunal c'aal c'ax yu'unic, ma ba we'ic, soc la yac'beyic majt'anil la xchic'beyic Cajwaltic, soc la smilic majt'anil swenta lamal-o'tanil.

2 Reyes 2:2

Te Elías jich la yalbey te Eliseo: —Jilan li' to yu'un ya sticunon bael ta Betel te Cajwaltique —xi'. Pero te Eliseo jich la yal: —Jc'axel ya cal ta jamal ta stojol Cajwaltic, soc nix ta atojol, te ma ba ya quijq'uitayat atuquel —xi'. Jich la sjoin bael c'alal ta Betel.

2 Crónicas 13:19

Te Abiam soc te soldadoetic yu'une la snutsic bael te Jeroboam soc te soldadoetic yu'une. Ay la yochintay lumetic, ja' te Bet-el, Jesana, Efraín, soc te ch'in lumetic yu'unique.