Génesis 28:10 - Bible in Tzeltal de Oxchuc y Tenejapa

¹⁰ Te Jacob loc' ta Beerseba, been bael ta sbelal lum Harán.

Bible in Tzeltal Bachajón

¹⁰ Te Jacob loc' ta Beerseba, behen bahel ta sbehlal Harán.

Génesis 28:10 Referans Kwoze

Hechos 7:2

Te Esteban jajch' ta c'op: —Lec ay, jme'-jtat, quermanotac, ya calbeyex awaiyic. Te Dios te ay xojobil yutsilale, la yac' sba ta ilel ta stojol te jtatic Abraham te c'alal ay to ta Mesopotamia, te c'alal ma to xba ainuc ta lum Harán.

Génesis 32:10

Bayal awac'ojbon quil yutsil awo'tan, bayal quich'oj coltayel awu'un, te melel ja' nax quich'oj a te jnabate' te c'alal c'axon bael ta jejch' ja' Jordán, pero cha'chajp loq'uemonix yo'tic a.

Génesis 11:31

Te Taré la yic' bael te snich'ane, ja' te Abram, soc te xch'in mam, ja' te Lot te snich'an Harán, soc te yalibe, ja' te Sarai te yinam Abram. Loq'uic bael ta Ur te ay ta sq'uinal caldeoetic, c'an bajt'uquic ta sq'uinal Canaán. Ja'uc me to, ja' nax c'otic ta lum Harán, tey c'otic ta nainel a.

Oseas 12:12

Te Jacob an bael ta q'uinal yu'un Aram. Tey at'ej ta scanantayel chijetic ta swenta stojel te yiname.

Hechos 25:13

Bayal c'aal ta patil talic ta lum Cesarea te muc' ajwalil Agripa soc te Berenicee. Tal spatbeyic yo'tan te Festoe.

Génesis 12:4

Jich loc' bael ta lum Harán te Abram, jich nix bit'il albot yu'un te Cajwaltique. Ja' la sjoin bael te Lot. Ay jo'lajuneb xchanwinic (75) ya'wilal te Abram c'alal loc' tel ta lum Harán te bajt' ta sq'uinal Canaán.

Génesis 12:5

Te Abram la yic' bael te yiname ja' te Sarai, soc te snich'an yijts'in te Lot sbiile, soc spisil sbiluc tsobajem yu'un, soc spisil mach'a och ta swenta ta lum Harán. Loq'uic tel tey a, bajt'ic ta sq'uinal Canaán.

Génesis 26:23

Ta patil bajt' ta Beerseba te Isaac.

Génesis 27:43

Jich yu'un cal, ch'uuna te bila ya calbate: Jajch'an, anan bael ta bay awichan Labán ta lum Harán.

Génesis 29:4

Te Jacob la sjojc'obey yaiy: —Tatic, ¿ban talemex? —la yut. —Talemotic ta Harán —xiic.

Génesis 46:1

Jich a loc' bael te mamal Israel, soc la yich' bael spisil sbiluc. C'ot ta lum Beerseba sbiil, tey c'o yac'bey smajt'an a te Dios yu'un te state, ja' te Isaaque.

Éxodo 33:1

Te Cajwaltic, jich la yalbey te Moisese: —Baan, loc'an bael soc te lum te la aloq'ues tel ta Egipto. Tey xbaex ta bay q'uinal calojbey te Abraham, Isaac soc Jacob, te ja' te ya cac'bey yu'uninic soc ja'ex te sts'umbalexe.

Génesis 35:1

C'oponot yan buelta yu'un Dios te Jacob: —Jajch'an, beenan, moan bael ta Betel, nainan tey a. Tey me ya xc'o apas scajtijib ta chiq'uel jmajt'an a ta bay la cac' jba ta ilel ta atojol te jo'on Dioson, te c'alal loc'at ta anel ta stojol te abanquil Esaú —xi' sc'oplal.

Génesis 35:7

Tey c'o spasbey scajtijib ta chiq'uel milbil smajt'an a te Diose. El-betel sbiil c'ot yu'un te q'uinal te bit'il Dios la yac' sba ta ilel ta stojol tey a, te c'alal loq'uem tel ta anel ta stojol sbanquil a.