Génesis 28:1 - Bible in Tzeltal de Oxchuc y Tenejapa

¹ Jich yu'un te Isaac la sticun ta iq'uel te Jacob. La sc'anbey bendición, soc la yalbey tulan mandal: —Ma me teyuc xale awinam ta bay yal-snich'anic te cananeoetique.

Bible in Tzeltal Bachajón

¹ Ha yu'un te Isaac la sticon ta iq'uel te Jacob, la ya'be bendición soc la spas ta mandar, hich la yalbe: Ma me xawic' awihnamin yantsil-nich'nab te cananeohetique.

Génesis 28:1 Referans Kwoze

Génesis 24:3

ya me awalbon ta stojol te Cajwaltic, te Dios yu'un ch'ulchan soc balumilal, te bit'il ma ba tey ya alebon yinam jnich'an te bay yantsil-nich'anic te cananeoetic te ayon ta yolilique.

Génesis 27:46

Te Rebeca la yalbey te Isaac: —Ma smulan co'tan te antsetic sts'umbal Het te yic'oj te Esaú. Teme ja' nix ya xba yic' yinamin Jacob te sts'umbal Het, jich bit'il te cheb calibtique, ja' me lec te manchuc cuxulucon to abi —xi'.

Génesis 24:37

Soc la yac'bon cal ta jamal ta stojol te Diose: “Ma me teyuc xalebon yinam te jnich'an ta bay te yantsil-nich'anic te cananeoetic, te ayon ta yolilique.

Génesis 6:2

te mach'atic yal-snich'an Dios la stsaic ta bay buen t'ujbilic te yantsil-nich'nab te ants-winiquetique, jich la yic' yinaminic te bay la smulanique.

Josué 22:7

Te olil sts'umbal Manasés, te Moisés la yac'beyix sq'uinalic ta sq'uinal Basán. Te yan olil sts'umbal Manasés, te Josué la yac'bey sq'uinalic ta bay yantic israeletic, ta stojol smalib c'aal yu'un muc'ja' Jordán. Te mach'atic ay sq'uinalic ta jejch' ja', la sc'anbey bael bendición, soc la sticun sujt'el,

Deuteronomio 33:1

Te c'alal nopol ya xlajix a te Moisés, ja' te swinic Dios, la yalbey yutsil sc'oplal te israeletic,

Génesis 49:28

Jich sc'oplalic te lajchaychajp israeletic. Jich ay sc'oplalic yu'un static te c'alal c'anbot bendición ta stojolic yu'une, chican te bila bendición la sc'anbey ta stojol juju-jtul.

Génesis 48:15

Jich te mamal Israel la sc'anbey bendición ta stojol José: —Te Dios te jun yo'tan la xch'uunic te jmam Abraham soc te jtat Isaac, ja' te Dios te scanantayejon c'alal ora yo'tic,

Génesis 34:16

Jich to me ya xju' ya awic'botic te cantsileltique, soc jich to me ya xju' ya quic' jbajtic soc te awantsilelique. Jich me ya xnainotic ta awolilic, soc jun me ya xc'ootic.

Génesis 34:9

Soc ja' lec ya cac'bey jbajtic cantsileltic.

Génesis 27:4

Pasbon me buen bujts'an ti'bal jti', jich nix bit'il ya smulan co'tan. Ich'bon tel jwe'elin, jich me ya jc'anbat jilel bendición te bit'il ma to xlajone —la yut.

Génesis 24:4

Ya me xbaat c'alal ta jlumal ta bay te quermanotac, tey me xc'o alebon yinam a te jnich'an Isaac —la yut.

Génesis 28:6

Te Esaú la yil te bit'il la sc'anbey bendición Jacob te state, soc te bit'il la sticun bael ta Padan-aram, swenta yu'un tey ya sle yinam a. Soc la yaiy stojol bit'il tulan mandal albot yu'un te state, te bit'il: “Ma me xale awinam ta bay yal-snich'anic te cananeoetic”, te xi' sc'oplale.

Génesis 38:2

La yil tey a te yantsil-nich'an jtul cananeo-winic te Súa sbiile, la yic' yinamin.

Jeremías 29:6

Nujbinanic me tey a, soc ayuc me bayal anich'nabic queremetic ach'ixetic, soc ya me xnujbinic soc ayuc me snich'nabic. Ac'a me toyuc awajtalulic tey a, ma me sts'uj awajtalulic.