Génesis 27:42 - Bible in Tzeltal de Oxchuc y Tenejapa

⁴² Jich yu'un te Rebeca la sticun ta iq'uel te Jacob, la yalbey yaiy te bi la yal te Esaú: —Aiya awaiy stojol, te abanquil Esaú snopoj me ta yo'tan te ya smilate.

Bible in Tzeltal Bachajón

⁴² Halbot ya'iy te Rebeca te bin la yal te Esaú te sba-al, ha yu'un la sticon ta iq'uel tal Jacob te ihts'inal, hich la yalbe: A'iya awa'iy, te abanquil Esaú ha smuc'ul yo'tan te snopoj te ya smilat.

Génesis 27:42 Referans Kwoze

Proverbios 2:14

te bin nax yo'tanic yu'un te ya xju' yu'unic uts'inwaneje, te q'uin c'oem yu'unic te bila amen ya spasique,

Salmos 64:5

Ja'ic nix ya yac'bey sba yip yo'tanic ta spasel te bila amene; ya xchapic yu'un ya xchajbanic pejts' te ma xchicnaj ta ilele. Ya scuyic te ma'yuc mach'a ya xju' ya x'ilotic yu'un;

1 Samuel 30:5

Jich nix baem ta chuquel xchebal te antsetic yu'un David, ja' te Ahinoam te talem ta Jezreel, soc te Abigail te me'ba ants yu'un Nabal ta lum Carmel.

Génesis 27:41

Jich yu'un te Esaú la slab-o'tantay te Jacob yu'un te bit'il ja' c'anbot bendición yu'un static stuquel. La yal ta yo'tan: “Teme laj te jtate, ya me jmil te quijts'in Jacob”, xi'.

Génesis 27:43

Jich yu'un cal, ch'uuna te bila ya calbate: Jajch'an, anan bael ta bay awichan Labán ta lum Harán.

Génesis 32:3

Te Jacob la sneeltes bael abatetic yu'un ta bay sq'uinal Seir sbiil, te Edom yan sbiile, swenta yu'un ya xba yutsil-c'oponbeyic te sbanquile, ja' te Esaú.

Génesis 32:11

Ora yo'tic coltayawon loq'uel ta sc'ab te jbanquil Esaú, yu'un ya jxi', ma me xtal smilon soc te alaletic cu'un soc te sme'ique.