Génesis 27:40 - Bible in Tzeltal de Oxchuc y Tenejapa

⁴⁰ Ja' me ya acoltay aba a te apuñale, pero ya me yabatinat te awijts'ine; ja'uc me to te bi ora awich'ojix awip a, ya me acoltay aba loq'uel ta abatinel yu'un —xi' sc'oplal yu'un te state.,

Bible in Tzeltal Bachajón

⁴⁰ Ta scuenta te espada awu'un ya xcuxajat, soc yac awac' aba ta a'batinel yu'un te awihts'ine; pero te bin ora awich'ojix awip a, yac aloq'ues ta anuc' te yugo yu'une, xchi.

Génesis 27:40 Referans Kwoze

Génesis 25:23

Albot yu'un: —Cha'chajp nación ya xloc' a te alaletic awic'oje, cha'chajp lum te ay to ta ach'ujt' a te scontroinej sbaique. Te jtule c'ax jich ya xju' yu'un te bit'il te yane, te banquilale abatil ya xc'ot yu'un te ijts'inale —xi' sc'oplal yu'un te Cajwaltique.

2 Crónicas 21:10

Ja'uc me to, te lum Edom ju' yu'unic te la yac' sbaic ta libre ta stojol Judá, asta c'alal ora yo'tic. Ja' nix jich sc'aalelal la spijt'es sba loq'uel te lum Libna, melel te Joram yijq'uitayejix jilel ta yo'tan te Cajwaltic, te Dios yu'un te antiguo sme'-state.

2 Samuel 8:14

Ora la yac' ochel soldadoetic ta scanantayel ta spisil sq'uinal Edom; jich ta spisil te edometic ochic ta sc'ab David. Jich te David ac'bil ta tsalaw yu'un Cajwaltic ta bayuc ya xbajt'.

Salmos 60:8

te Moab ja' vasija swenta spojquil c'abal cu'un; ta stojol Edom ya me jch'oj bael te jxanab; ya me x'awunon swenta bit'il la caiy tsalaw ta stojol te filisteoetique”, xi' te Diose.

2 Crónicas 21:8

C'alal ay ta ajwalil te Joram, te Edom la stoy sba loq'uel ta stojol Judá. La sle muc' ajwalil yu'unic ta parte stuquelic.

2 Crónicas 28:17

Melel te mach'atic talemic ta Edom, cha'talic xan ta stsalel te Judá, ay la yiq'uic bael ta chuquel.

2 Reyes 14:10

Puersa ya quich' ta muc' te bit'il la atsalix te edometique. Teme ja' ya atoy aba yu'une, lec ay, toya aba. Pero ja' lec ainan ta ana. ¿Bi yu'un te ja'at nix ya ale te awocole, soc te ya alebey swocol te Judá?” xi' sc'oplal.

2 Reyes 14:7

Te Amasías la smil lajunmil (10,000) edom-winiquetic ta Spamlej Xatal Q'uinal yu'un Ats'am. Soc la yu'unin te lum Sela, Jocteel sbiil la yac'bey, jich nix sbiilinej c'alal ora.

Génesis 32:6

Sujt'ic tel te abatetic ticunotic bael yu'un te Jacob, jul yalbeyic: —La jc'opontiquix te abanquil Esaú, jich yu'un ya xtal staatix ta be, ya laj sjoin tel jbajc' ta jtul swinictac —xiic julel.

San Mateo 10:34

“Ma me xacuyic te tal cac' lamajuc q'uinal ta balumilal. Tal cac'bey scontroin sbaic.

Génesis 27:29

Spisil ants-winiquetic ac'a yac' sbaic ta abatinel awu'un, soc spisil ta jchajp lum ac'a squejan sbaic ta atojol. Pasa ta mandal te awermanotaque, ac'a squejan sbaic ta atojol. Ma'yuc bendición ta stojol te mach'a ya scontroinate, ja' nax me ay bendición ta stojol te mach'a lec yo'tan awu'une, —xi'.

Génesis 33:9

La sjac' te Esaú: —Quijts'in, ma niwan ya jtsacbat, ay tsobol cu'un. Ich'a nix te bit'il ja'at awu'une —la yut.