Génesis 27:14 - Bible in Tzeltal de Oxchuc y Tenejapa

¹⁴ Jich bajt' te Jacob, la stsac cha'cojt' alal tentsun, la yic' tel yac'bey te sme'e. Jich te sme'e la spasbey te bujts'an ti'bal te mulanbil yu'un te state.

Bible in Tzeltal Bachajón

¹⁴ Hich baht te Jacob, la stsac tal tentsunetic, la ya'be te snane. Hich te snan la spasbe ti'bal te mulambil yu'un te state.

Génesis 27:14 Referans Kwoze

San Lucas 21:34

“Tsajtaya me abaic, ma me xawac' te ya xbic'taj awo'tanic yu'un te yacubele soc spisil te bitic biq'uit nax o'tanil yu'une, soc te bitic ay ta pasel jujun c'aal ta balumilal. Yu'un ma me ch'ayemuc atsaic a te ya sta yoraile.

Salmos 141:4

Ma me xtal ta co'tan te bitic ma lecuc ta pasel; ma me xawac' xnoptsajon a te bitic amen ta pasele, ma me xawac' te ya join ta we'el swenta sq'uinic te mach'atic amen yat'elique.

Génesis 27:31

Spasojbey tel buen bujts'an ti'bal uuc te state. Och yac'bey, jich la yalbey: —Jajch'an, jtat. Ti'bon awaiy te jti'bal te anich'anone, swenta yu'un ya me ac'anbon bendición —xi'.

Génesis 27:17

La yac'bey bael te Jacob te buen bujts'an ti'bal soc waj te la xchajbane.

Génesis 27:9

Baan ta bay te ch'in chambalametic cu'untic, tsaca tel cha'cojt'uc jujp'en alal tentsunetic, ic'bon tel, ya jpasbey te buen bujts'an ti'bal ya smulan te atate.

Génesis 27:7

“Baan lebon tel ti'bal jti', pasbon tel buen bujts'an ti'bal ya jti', jich me ya jc'anbat bendición ta stojol Dios te bit'il ma to xlajone”, la yut.

Génesis 27:4

Pasbon me buen bujts'an ti'bal jti', jich nix bit'il ya smulan co'tan. Ich'bon tel jwe'elin, jich me ya jc'anbat jilel bendición te bit'il ma to xlajone —la yut.

Génesis 25:28

Te Isaac ja' c'ux ta yo'tan te Esaú, yu'un ya x'ac'bot ti'bal sti' yu'un. Yan te Rebeca ja' c'ux ta yo'tan te Jacob stuquel.

Génesis 27:13

La sjac' te sme': —Cal, jo'on ac'a c'otuc ta jwenta te castigo ya awale. Yan te ja'ate ch'uunbon te bila la calbate, baan ic'bon tel te alal tentsunetique —la yut.

Génesis 27:15

Soc la yich'bey tel buen lequil sc'u'-spac' te Esaú te banquilale, melel te Rebeca sq'uejojbey ta sna. Ja' la yac'bey slap te Jacob, te ijts'inale.