Génesis 26:34 - Bible in Tzeltal de Oxchuc y Tenejapa

³⁴ Cha'winic (40) ya'wilal a te Esaú te la yic' cheb yinam, Judit sbiil te jtule, yantsil-nich'an Beeri, te heteo-winic, soc Basemat sbiil te yane, yantsil-nich'an Elón te heteo-winic nixe.

Bible in Tzeltal Bachajón

³⁴ C'alal ay cha'winic (40) ya'bilal a te Esaú la yic' yihnamin Judit yantsil-nich'an Beeri te heteo-winic, soc Basemat yantsil-nich'an Elón te ha nix heteo-winic.

Génesis 26:34 Referans Kwoze

Génesis 36:2

Ja' la yic' yinamin te yantsil-nich'nab cananeoetique: Ada sbiil te jtule, te yantsil-nich'an Elón te hitita-winique, soc te yane, Aholibama sbiil, ja' te yantsil-nich'an te Aná, te ja' smam te Zibeón, te heveo-winique.

Éxodo 34:16

Soc repente ya yac'beyex yantsil-nich'nabic te ya yic' sbaic soc te aquerem-nich'nabique. Jich yu'un, te c'alal ya xba yaiyic mulwej ta xch'uunel te diosetic yu'unic te yinamique, tey me ya yac' sbaic ta pejc'anel uuc te anich'nabique.

Génesis 36:13

Te snich'nab Reuel jich sbiilic: Nahat, Zera, Sama soc Miza. Ja' yal-snich'nab te Basemat te yan yinam Esaú.

Génesis 36:5

Te snich'nab Esaú soc te Aholibama ja' te Jeús, Jaalam soc Coré. Ja' snich'nab Esaú te ayinic ta sq'uinal Canaán.

Génesis 28:9

Jich yu'un te Esaú loc' bael, ba sc'opon te Ismael te snich'an Abraham. La yic'bey yinamin te yantsil-nich'ane, ja' te Mahalat sbiil, te yijts'in Nebaiot, soc yic'oj nix te yantic antsetique.

Génesis 24:3

ya me awalbon ta stojol te Cajwaltic, te Dios yu'un ch'ulchan soc balumilal, te bit'il ma ba tey ya alebon yinam jnich'an te bay yantsil-nich'anic te cananeoetic te ayon ta yolilique.

Hebreos 12:16

Ma me ayuc jtuluquex te ya xyalex ta mulile, soc te ma'yuc sc'oplal ta awo'tanic te bila ch'ultesbile, jich bit'il Esaú te ma'yuc sc'oplal ta yo'tan te bit'il ba alale. Melel la sjel ta jun nax buelta swe'el te bendición te sc'oplal ya yich'e.

1 Corintios 7:2

Ja'uc me to, scaj te ay yalel ta mulile, jich yu'un juju-jtul ayuc me yinam te winique soc ayuc me smamlal te antse.

Génesis 27:46

Te Rebeca la yalbey te Isaac: —Ma smulan co'tan te antsetic sts'umbal Het te yic'oj te Esaú. Teme ja' nix ya xba yic' yinamin Jacob te sts'umbal Het, jich bit'il te cheb calibtique, ja' me lec te manchuc cuxulucon to abi —xi'.

Génesis 28:8

Te Esaú la sna' bit'il ma lecuc yo'tan stat yu'un te cheb cananea-antsetic yic'oje.

1 Samuel 26:6

Te David la sc'opon te Ahimelec, te hitita-winique, soc te Abisai te yal Sarvia, sbanquil Joab, la sjojc'obey: —¿Mach'a jich yo'tan ya sjoinon coel ta campamento yu'un Saúl, ya me xnoptsajotic bael c'alal ta sts'eel? —xi'. —Jo'on ya joinat coel —xi' te Abisai.