Génesis 26:31 - Bible in Tzeltal de Oxchuc y Tenejapa

³¹ Sab jajch'ic, la yalic ta stojol Dios te bit'il jc'axel c'ux ya yaiy sbaique. Jich la sc'oponic xan jilel te Isaac, jun yo'tan bajt'ic.

Bible in Tzeltal Bachajón

³¹ Ta sab hahchic soc ay bin jamal la yalbe sbahic. Te Isaac la yac'ticlan bahel, hich lamal yo'tanic a suhtic bahel.

Génesis 26:31 Referans Kwoze

Hebreos 6:16

Jich bit'il te ants-winiquetique, teme ay bi bayal sc'oplal ta yo'tanic te bila ya yalique, ja' ya yac' ta testigo te mach'a cajal ay yu'unique. Swenta yu'un mero melel ya xc'ot te bila ya yale.

1 Samuel 30:15

Te David la sjojc'obey: —¿Ya bal ac'an ya awic'on bael tey c'alal ta banti ayic te jpoj-biluquetic ya awale? —xi'. La sjac' te egipcio-winic: —Teme ya awal ta jamal ta stojol Dios te ma ba ya amilone, soc teme ma ba ya awac'on ta sc'ab te cajwale, ya quic'at bael tey c'alal ta banti ayique —xi'.

Génesis 31:44

Ja' lec ya jchajbantic ta jchebaltic nax, ya jpastic trato, ya cac'tic ta ilel seña —xi' soc te Jacob.

Génesis 25:33

La yal te Jacob: —Albon ta jamal ta stojol Dios te bit'il puersa ya awac'bone —la yut. Jich yu'un la yal ta jamal ta stojol Dios te Esaú te bit'il ya yac'bey Jacob te bitic ay ta swenta yich'ele.

1 Samuel 20:3

Pero te David c'opoj xan: —Te atat sna'oj te lec awo'tan cu'une. Ma sc'an ya yalbat awaiy, yu'un ya xi' ya x'ilinat yu'un. Pero ya calbat ta jamal ta stojol te Cajwaltic soc ta atojol, te mero tec' xanix ta acanil quiloj jba soc te lajele —xi'.

1 Samuel 14:24

Pero te israeletic mero ma'yuquix yipic, melel ma'yuc mach'a swe'oj ni jxujt'uc we'elil, scaj te ay bi jc'axel la yal ta stojol Dios te Saule. Jich yaloj: “Jc'axel ch'aybil ya xc'ot te mach'a ay bi ya swe' te c'alal ma to x'ijc'ub q'uinal, teme ma to ayuc bi jpasojbey te jcontroe”, xi'.

Génesis 31:55

Sacub q'uinal, jajch' te Labán, la sbujts'iy jilel te yantsil-nich'nab soc te smamataque, la sc'anbey bendición ta stojolic. Jich bajt' te Labán, sujt' bael ta slumal.

Génesis 22:3

Jich yu'un te Abraham buen sab a jajch' ta yan c'aal, la xchajban sburro. La yic' bael te snich'ane, ja' te Isaac, soc la sjoin bael cheb abatetic yu'un. La xch'uybey bael si'il te milbil smajt'an te Diose. Jajch'ic ta beel, bajt' ta banti albot yu'un te Diose.

Génesis 21:23

Jich yu'un albon ta stojol Dios te bit'il spisil ora ma me xacontroinon, soc jnich'nab, soc te jts'umbal ta patil baele. Te bit'il la jc'uxtayat te ja'ate, ja' ni me jich ya ac'uxtayon soc spisil te mach'atic nainemic tey ta q'uinal te banti nainemate —xi'.

Génesis 21:14

Ta buen sab jajch' te Abrahame. La yich' tel we'elil, soc jun yawil ja' nojel ta ya'lel te pasbil ta nujc'ul, la yac'bey xcuch bael te Agare. Soc la yac'bey ta sc'ab te yale, la sticun bael soc. Jich a bajt' te Agar, loc' bael ta melmonel ta jochol taquin q'uinal ta nopol Beerseba.

Génesis 19:2

jich la yal: —Jtatiquetic, ya cal wocol ta atojolic te ya me xbaex ta jna te awabatone. Tey me ya xc'o apoc awacanic a, soc tey me ya xwayex a. Sab pajel ya xjajch'ex, ya xbaex —la yut. Ja'uc me to, albot yu'un: —Manchuc, wocol la awal. Tey ya xwayotic ta calle yo'tic —xiic.

Génesis 14:22

Te Abram la sujt'esbey sc'op te muc' ajwalil yu'un Sodoma: —Jc'axel la calix ta stojol Dios te toyol ay stuquele, te la spas te ch'ulchan balumilal,

Génesis 21:27

Jich te Abraham la yic' tel chijetic soc wacaxetic, la yac'bey smajt'anin te Abimeleque. Jich la spasic trato ta xchebalic.

Génesis 26:32

Nax to nax bajt'ic a te tal te abatetic yu'un te Isaac, jul yalbeyic bit'il c'ot te pozo yacalic ta sjoq'uel: —La jtatiquix ja' —xiic julel.