Génesis 26:28 - Bible in Tzeltal de Oxchuc y Tenejapa

²⁸ Jich la sjaq'uic: —Yu'un quilojtic te bit'il ajoinej te Diose. Jich yu'un la caltic: “Conic, jpastic trato soc”, xootic tel,

Bible in Tzeltal Bachajón

²⁸ Hich la sjaq'uic: Yu'un quilojcotic te sjoquinejat te Jehová; ha yu'un la jcalcotic: Ya sc'an te ay bin ya caltic ta jamal ta atojol soc ta jtojolcotic, xchihotcotic. Ac'a jchap jc'optic,

Génesis 26:28 Referans Kwoze

Isaías 61:9

Te sts'umbale muc' me sc'oplal ya xc'ot yu'un te nacionetique; spisil mach'atic ya yilic, ya me sna'ic stojol te ja' te lum yac'ojbey bendición te Cajwaltique.

Isaías 45:14

Te Cajwaltic ya yalbey te Israel: —Te mach'atic ya x'at'ejic ta q'uinal ta Egipto, te mach'atic jchonbajeletic ta Etiopía, soc te yajwal Sabá, te toyolic ta jyalele, ya me xtal yac' sbaic ta atojol. Abatetic me ya xc'ot awu'un; ayic me ta cadena ya st'unat bael. Ya me squejan sbaic soc ya me yalic wocol ta atojol: “Ta smelelil ay me ta awolilic te Diose, soc ma'yuc tsobol te Diose, ma'yuc yan”, xiic me ta yalel —xi' te Cajwaltique.

Josué 3:7

Te Cajwaltic la yalbey te Josué: —Yo'tic ya me cac' te ya xmuc'ub ac'oplal ta sitic te israeletique. Tey me ya yilic a te joinejat, jich bit'il la join te Moisese.

Génesis 39:5

Te c'alal och ta swenta José spisil sbiluc, soc spisil sna te yajwale, jich chicnaj bendición ta stojol te egipcio-winic ta swenta bit'il sjoinej te José. Ta sna soc ta sq'uinal ay bendición ta stojol yu'un te Cajwaltique.

Hebreos 13:5

Ma me ja'uc xbajt' ta awo'tanic te c'ulejalile. Junuc me awo'tanic yu'un te bila ay awu'unique, melel jich yaloj te Diose: “Xujt' ma ba ya jpijt'esat soc ma ba ya quijq'uitayat”, te xie.

Hebreos 6:16

Jich bit'il te ants-winiquetique, teme ay bi bayal sc'oplal ta yo'tanic te bila ya yalique, ja' ya yac' ta testigo te mach'a cajal ay yu'unique. Swenta yu'un mero melel ya xc'ot te bila ya yale.

1 Corintios 14:25

Jich ya xchicnantesbot te bila muquen ay ta yo'tanique, soc jich me ya squejan sbaic ta yalel wocol ta stojol te Diose. Ya me yalic ta jamal te melel ja' Dios te ay ta awolilique.

Isaías 61:6

Ya me yich' alel te sacerdoteex yu'un te Cajwaltique; soc ya me yich' alel te yabatex te Dios cu'untique. Ya me awaiybeyic lec yutsilal sc'ulejal te yantic nacionetique; ya me ach'al abaic soc te xojobil yutsilalique.

Isaías 60:14

Te snich'nab te mach'atic la stenex ta uts'inele, ya me xtalic ta bic'tajel ta atojol; soc spisil mach'atic la yilayat ta yo'tanic, ya me xtal squejan sbaic ta awacan. Ya me yalbeyex: “Lum yu'un te Cajwaltique”, xi' me ac'oplal, soc: “Sión yu'un te Ch'ul Dios yu'un Israel”, xiic me.

2 Crónicas 1:1

Te Salomón snich'an David la sta yip te yat'el ta muc' ajwalil te la yich' coltayel yu'un te Cajwaltique, mero c'ax muc'ub ta jyalel te yat'ele.

Génesis 24:41

Teme c'oat tey a ta bay te quermanotaque, teme ma sc'an yo'tanic te ya yac'bat te ach'ixe, ma awentauc ya xc'ot te bila la cac'bat awal ta jamal ta stojol Dios”, la yuton.

Génesis 24:3

ya me awalbon ta stojol te Cajwaltic, te Dios yu'un ch'ulchan soc balumilal, te bit'il ma ba tey ya alebon yinam jnich'an te bay yantsil-nich'anic te cananeoetic te ayon ta yolilique.

Romanos 8:31

¿Bi ya caltic yu'un in to? Teme ja' ay ta jtojoltic te Diose, ¿ay bal mach'a ya xju' te ya scontroinotique?.

Génesis 31:44

Ja' lec ya jchajbantic ta jchebaltic nax, ya jpastic trato, ya cac'tic ta ilel seña —xi' soc te Jacob.

Génesis 39:3

Te yajwal la sna' stojol te joinbil yu'un Cajwaltic te José, jich yu'un lec a c'ot ta loq'uel ta spisil te bila la spase.

1 Samuel 11:1

Nahas, muc' ajwalil yu'un Amón, bajt' ta Jabes-yu'un-Galaad, c'o xchajban te soldadoetic yu'une swenta yu'un ya me yac'beyic guerra te lum Jabes. Pero te yajwal te lum Jabes jich la yalbeyic: —Jpastic trato, jich me ya cac' jbajtic ta ac'ab —xiic.

1 Samuel 18:28

Pero c'alal la yil te Saúl soc la sna' ta lec te joinbil yu'un Cajwaltic te David, soc te mero c'ux ta o'tanil yu'un te yantsil-nich'ane, ja' te Mical,

2 Crónicas 15:9

Ta patil la stsob spisil te yajwal Judá soc te Benjamín soc nix te mach'atic q'uejel talemique, ja' te ay talemic ta Efraín, Manasés soc ta Simeón, melel bayal c'axemic tel israeletic ta stojol Asa, yu'un la yilic te sjoinejic te Cajwaltic Dios yu'une.