Génesis 26:24 - Bible in Tzeltal de Oxchuc y Tenejapa

²⁴ C'alal c'ot ta Beerseba, Dios la yac' sba ta ilel ta ajc'ubal ta stojol, jich la yalbey: —Jo'on Dioson yu'un te atat Abraham. Ma me xiwat, joinejat spisil ora. Ta swenta bit'il c'ux ta co'tan te cabat Abraham, ya me cac'bat bendición, ya me cac' esmajuc ats'umbal —xi'.

Bible in Tzeltal Bachajón

²⁴ Te Jehová tey la yac' sba ta ilel ta ahc'abal ta stojol, hich la yalbe: Ho'on Dioson yu'un te atat Abraham, ma me xiwat, yu'un joquinejat, ya ca'bat bendición, ya cac' p'ohluc ats'umbal ta scuenta bin ut'il c'ux ta co'tan te ca'bat Abraham, xchi.

Génesis 26:24 Referans Kwoze

Éxodo 3:6

Soc la yal xan te Diose: —Jo'on Dioson yu'un te antiguo ame'-atate, Dioson yu'un Abraham, Isaac soc Jacob —xi'. Te Moisés la smac yelaw, yu'un la xi' sc'abuyel te Diose.

Génesis 17:7

Soc jc'axel ya jpas trato ta atojol ja'at soc jayeb ats'umbal ta patil. Swenta sbajt'el q'uinal te trato cu'un: te jo'on Dioson awu'un, soc Dioson yu'un jayeb ats'umbal ta patil.

Génesis 15:1

Patil te Abram c'oponot yu'un Dios te chicnaj ta sit yilel, jich albot: —Ma xiwat, Abram, jo'on jcanantaywanejon awu'un, muc' me amajt'an ta bay nax c'alal —xi' sc'oplal.

Hechos 7:32

“Jo'on Dioson yu'un te antiguo ame'-atatique, jo'on Dioson yu'un te Abrahame, Dioson yu'un te Isaaque, Dioson yu'un te Jacobe”, xi' la yaiy. Te Moisés jajch' ta nijq'uel yu'un. La xi' yilel.

Génesis 24:12

La sc'opon Dios te abat: —Cajwaltic, te Diosat yu'un te cajwal Abrahame, ya calbat wocol te yacuc acoltayon yo'tic soc yacuc ac'uxtaybon te cajwal Abrahame.

Apocalipsis 1:17

Te c'alal la quile, t'uxajon coel ta yacan. Jich c'oon te bit'il animae. Ja'uc me to, la scajanbon swa'el sc'ab ta jol. Jich la yalbon: —Ma me xiwat. Jo'on ayon ta xjajch'ibal soc ta slajibal.

Génesis 28:13

Soc la yil te Dios teq'uel ta sts'eel, c'oponot yu'un: —Jo'on Dioson, Dioson yu'un te amam Abraham, Dioson yu'un te atat Isaac. Te lumq'uinal te bay metselate ya me cac'bat aq'uinalin soc ats'umbal.

Génesis 13:16

Jich me yipal ats'umbal ya xc'oat cu'un te bit'il ts'ubil lume. Ma xju' ta ajtayel te ts'ubil lum, soc ja' nix jich ma xju' ta ajtayel te ats'umbale.

Hebreos 13:6

Jich me jun co'tantic ya caltic: “Te Cajwale, ja' Jcoltaywanej cu'un; jich ma ba ya jxi' te bila ya sc'an spasbon te ants-winiquetique”, xootic yu'un.

San Lucas 12:32

“Ma me xiwex ja'ex te chijex cu'un te ma tsoboluquexe. Melel te Jtatique bin nax yo'tan ya yaq'uex tey a ta banti ay ta ajwalinel te Diose.

San Mateo 22:32

“Jo'on Dioson yu'un te Abrahame te Isaaque te Jacobe”, te xie. Te Diose, ma ja'uc Dios yu'un te mach'atic lajemique. Ja' Dios yu'un te mach'atic cuxulique —xi' te Jesuse.

Isaías 44:2

Jo'on Ajwalilon te jchicnanteswanejon awu'un te la jchicnantesat te c'alal ma to x'ayinat a, jo'on la jcoltayatix. Ma xiwat, Jesurún, lumat yu'un Jacob, cabatat te jtsaojate.

Isaías 41:10

Ma me xiwat, joinejat me; ma me xnijc' awo'tan, melel jo'on te Dioson awu'une. Jo'on ya cac'bat awip, jo'on ya jcoltayat; ja' me jtsacojat ta jc'ab te jtsalwanejone.

Isaías 12:2

Ja' Dios te ya scoltayone, ja' smuc'ulinej co'tan, ma xiwon. Te Cajwale, ja' anjibal cu'un soc ja' me quip, ja' jcoltaywanej cu'un —xaex me.

Génesis 31:5

La yalbey yaiyic te Jacob: —Ma jichuquix yo'tan cu'un ya quil te atatic te bit'il ta neelal toe. Ja'uc me to, sjoinejon te Dios yu'un te jtate.

Isaías 51:12

Ya yal te Cajwaltic: —Jo'on nix me ya jmuc'tesbat awo'tan. ¿Mach'a ya awaiyic a te ya axi'e? ¿Ja' bal te winiquetique? ¿Ja' bal te winiquetic ya xlajic, te jich nax c'oemic te bit'il aque?

Isaías 51:7

“Aiybon awaiyic stojol ja'ex, te ya ana'ic te bila toje, te ay sc'oplal ya xc'ot ta awo'tan te p'ijubtesel cu'une. Ma me x'axi'ic te bolc'optayel yu'un te ants-winiquetique; ma xawac' abaic ta pejc'anel yu'un te yixta-c'opique.

Génesis 22:19

Jich yu'un te Abraham sujt' bael ta bay jilem te abatetic yu'une. Jajch'ic ta beel, jich la sjoin sbaic bael, bajt'ic ta Beerseba, tey nain a te Abrahame.

Hebreos 11:16

Ja'uc me to, ja' yantayejic te slumalic te c'axem to xan ay yutsilal stuquele, ja' bi ja' te ch'ulchane. Ja' swentail te ma xq'uexaw Dios yu'un te ja' Dios yu'unique, melel xchajbanejbey muc'ul lum te ya yac'bey slumalinique.

Génesis 17:8

Ya cac'bat aq'uinalin soc jayeb ats'umbal te q'uinal ta bay beenemate, ja' spamal sq'uinal te Canaán, awu'un ya xc'ot soc ats'umbal ta sbajt'el q'uinal, soc Dioson awu'unic ya xc'oon —xi'.

Génesis 21:17

Ja'uc me to, Dios la yaiybey yoq'uel. Jich te ch'ul abat yu'un Dios la yawtay te Agar c'alal ta ch'ulchan: —¿Bi la apas, Agar? Ma xamel awo'tan, Dios la yaiybeyix sc'op te quereme.

Génesis 22:17

jich yu'un jelawen to xan ya cac'bat esmajuc bendición ta atojol. Jelawen to xan ya cac' esmajuc ats'umbal, jich yipal ya xc'otic te bit'il sji'al mar, soc te ats'umbale ya me stsal spisil yajcontro.

Génesis 28:3

Ac'a yac'bat bendición te Dios te Spisil ya xju' yu'une, soc ac'a yac esmajucat, bayaluc me ta jmil ac'a c'otuc ats'umbal, swenta yu'un ay me bayal ta jchajp lum ya xc'ot ta awenta.

Génesis 28:15

Ya me joinat spisil ora, soc ya me jcanantayat bayuc ayucat, soc ya me quic'at sujt'el li' ta bay q'uinal to. Ma ba ya jpijt'esat, ja' to teme c'ot ta pasel cu'un spisil te bila calojbate —xi' sc'oplal yu'un.

Génesis 30:27

La sjac' te Labán: —Teme c'uxon ta awo'tan, joinawon xan. Yu'un la quil ta swenta seña te bit'il ja'at ta awenta te yac'ojbon bendición te Cajwaltique.

Génesis 46:1

Jich a loc' bael te mamal Israel, soc la yich' bael spisil sbiluc. C'ot ta lum Beerseba sbiil, tey c'o yac'bey smajt'an a te Dios yu'un te state, ja' te Isaaque.

Deuteronomio 13:17

“Ma me ayuc ya awich'ic jilel te bitic ayic ta swenta lajel, jich me ma'yuc bi ora ya x'ilin ta atojolic a te Cajwaltique. Ya me sna'beyex yo'bolil abaic, ya me yac' esmajuquex, jich nix te bit'il jc'axel yalojbey te antiguo ats'umbalique,

Génesis 39:2

Ja'uc me to, te Cajwaltic sjoinej te José. Jich mero lec a c'ot ta loq'uel te ay ta sna te yajwal te egipcio-winique.

Génesis 39:3

Te yajwal la sna' stojol te joinbil yu'un Cajwaltic te José, jich yu'un lec a c'ot ta loq'uel ta spisil te bila la spase.

Éxodo 14:13

Te Moisés la sjac': —Ma me xiwex, junuc me awo'tanic. Ya me awilic yo'tic te bit'il ya scoltayotic te Cajwaltique. Ma me ayuc bi ora ya awilic xan te egipcioetic te ya awilic yo'tique.

Levítico 26:42

Jich me ora ya jna' te trato cu'un soc Jacob, Isaac, Abraham, soc ya me jna' te lumq'uinal awu'unique.

Levítico 26:45

Melel ma ba ya xch'ay cu'un, ya me jna' te bila trato la jchap soc te antiguo ame'-atatique, te ja' la jchap soc te c'alal la quic' loq'uel tel ta Egipto ta comonsitil ta stojol te nacionetique, swenta yu'un jo'on Dioson yu'unic ya xc'oon. Jo'on te Ajwalilone.” Jich me ya xc'o awal ta stojolic —xi' te Cajwaltique.

Deuteronomio 31:6

Ma me xiwex, soc ayuc me yip awo'tanic. Ma me xnijc' awo'tanic soc ma me xpejc'aj q'uinal awaiyic te c'alal ya atsac abaic soque, melel te Cajwaltic Dios sjoinejex me, ma ba ya yijq'uitayex soc ma ba spijt'esex —xi' te Moisese.

Rut 3:11

Lec ay jiche, ma me xiw awo'tan. Spisil ya sna' te jlumal te t'ujbil te awat'ele.

1 Reyes 17:13

Albot yu'un te Elías: —Ma xiwat. Baan chajbana te bi la awalixe. Pero sbabial ya apasbon jpejch'uc ch'in waj a te harina ay awu'une, ya me awich'bon tel, patil ya me apas xan yan, yu'un ya awe', soc yu'un ya swe' te awale.

Lamentaciones 3:57

Te bi c'aalil ya quic'ate, ya xtalat ta jtojol, soc ya awalbon: “Ma xiwat”, xaat me.