Génesis 26:22 - Bible in Tzeltal de Oxchuc y Tenejapa

²² Jich la yijq'uitay jilel te Isaac, c'ubul ba spas yan pozo. Ma'yuquix guerra c'ot yu'un stuquel. Jich yu'un, “Libre ayotic” xi' sbiil c'ot, yu'un la yal te Isaac: —Dios la scoltayotic te bay te q'uinale, li' me ya x'esmaj te jbiluctique —xi' yu'un.

Bible in Tzeltal Bachajón

²² Loc' bahel tey a te Isaac, la spas yan pozo; mayuquix yutambahul c'oht stuquel, la ya'be sbihilin Rehobot, yu'un hich la yal: Jehová yac'oj te lec c'ohotiquix, ya xp'ohlix te jbiluctique, xchi.

Génesis 26:22 Referans Kwoze

Éxodo 1:7

Ja'uc me to, bayal esmajic te israeletique, c'axem to xan esmajic ta jyalel, mero bayal yipic a c'ot. Noj yu'unic te sq'uinal Egipto.

Génesis 17:6

Ya cac' esmajuc bayal ats'umbal, soc bayal ta jchajp ants-winiquetic ya xc'oat ta loq'uel cu'un, soc bayal ta jtul ajwaliletic ya xchicnaj ta awenta.

Salmos 118:5

Te c'alal ayon ta wocol, la jc'opon te Cajwale; la yaiybon stojol jc'op stuquel, jich la yac'on ta libre.

Génesis 41:52

Te xchebal snich'ane, Efraín sbiil c'ot stuquel, yu'un la yal te José: “Dios la yac'bonix jnich'nab li' ta lum to te banti ay jwocol ta neelale”, xi'.

Salmos 18:19

La yac'on ta libre; la scoltayon, melel c'uxon ta yo'tan.

Salmos 4:1

Dios cu'un, jcoltaywanej cu'un, tsacbon jc'op te c'alal ya jc'oponate. Te c'alal ayon ta wocole, ja'at la awac'bon lamajuc q'uinal ta jtojol. Jich yu'un na'bon yo'bolil jba, tsacbon te jc'ope.

Génesis 28:3

Ac'a yac'bat bendición te Dios te Spisil ya xju' yu'une, soc ac'a yac esmajucat, bayaluc me ta jmil ac'a c'otuc ats'umbal, swenta yu'un ay me bayal ta jchajp lum ya xc'ot ta awenta.

Génesis 26:21

Patil la spasic yan pozo. Ja' nix jich ay guerra c'ot yu'un. “Controinel” sbiil c'ot.

Isaías 54:2

Muc'tesa te nailpac' awu'une, ma x'axi' slimel xan bael te pac' te nainemat a; najt'esbeya bael te xch'ajnule, ts'apa ta lec te estacaetic yu'une.

Isaías 54:3

Melel ya me xpujc' bael te anich'nab ta awa'el ta aq'uexen; te awalataque ya me yu'unin bayal nacionetic, soc ya me snojesic te lumetic te jochol yo'tic to.

Salmos 119:32

Ya me jsuj jba ta spasel te mandaliletic awu'un, melel ya anojesbon yutsil co'tan.