Génesis 26:14 - Bible in Tzeltal de Oxchuc y Tenejapa

¹⁴ Bayal me xchij, bayal swacax, bayal swinictac, asta bic'tal-o'tantayot yu'un te filisteoetique.

Bible in Tzeltal Bachajón

¹⁴ Ay bayel tuminchijetic, wacaxetic soc a'batetic yu'un; hahch ta ti'ti'o'tantayel yu'un te filisteohetique.

Génesis 26:14 Referans Kwoze

Génesis 37:11

Te José lab-o'tantayot yu'un sbanquiltac ta scaj te swaiche. Yan te state bayal bi la snop yu'un.

Eclesiastés 4:4

La quil te bayal ya x'at'ejotique, te bayal ya x'esmaj jbiluctic swenta bit'il muc' at'el ya jchajbantique, talel c'axel ya xjajch' bic'tal-o'tantay jbajtic yu'un. Ja' nix jich mero tojol ta jyalel, soc te ja' pajal soc te yacuc jtsactic te iq'ue.

Proverbios 27:4

Te ilimba ya yac' wocol, te sc'ajc'al-o'tanil ya xjinawan; pero ma xju' ta comel te paichale.

Proverbios 10:22

Te bendición yu'un Cajwaltic ya yac' jc'ulejaltic, te ma'yuc mel-o'tan yu'une.

Salmos 112:3

Ta sna ma me p'isbiluc sc'ulejal, soc spisil ora ay yutsil yo'tan.

Job 42:12

Ac'bot bayal bendición yu'un Dios te Job ta slajibalix bael te jayeb ja'wil cuxine. Bayal xan bitic esmaj yu'un a te bit'il ay yu'un ta neelal to, melel esmaj xan chanlajunmil (14,000) chijetic, wacmil (6,000) camelloetic, jmil (1,000) ta jchajp wacaxetic te ya sjoq'uic lum ta arado, soc jmil (1,000) me' burraetic.

Job 5:2

Teme ya awac' aba a te ilimbae, o teme ya awac' aba a te bic'tal-o'tanile, ta scaj te ma x'ana' q'uinal te ya yac'at bael ta lajele.

Job 1:3

Ay esmaj jucmil (7,000) chijetic yu'un, oxmil (3,000) camelloetic, jo'winic xcha'bajc' (500) ta jchajp j'at'el-wacaxetic, soc jo'winic xcha'bajc' (500) ta jcojt' me' burraetic yu'un. Ay mero bayal manbil abatetic. Mero jc'ulej te winique, c'ax jich a te bit'il yantic te ainemic ta stojol sloq'uib c'aale.

1 Samuel 18:9

Jich ora jajch' ti'tonel yo'tan ta stojol David te Saule.

Génesis 13:2

Ay bayal sc'ulejal te Abram, ay bayal xchamsbalam, soc ay bayal oro soc plata yu'un.

Génesis 12:16

Te faraón la xc'uxtay te Abram ta swenta Sarai. La yac'bey ta majt'anil tsobol chijetic, wacaxetic, burroetic soc tsobol winiquetic antsetic te ac'bot smozoine, soc tsobol camelloetic.

Salmos 112:10

Te mach'a amen yo'tan ya xc'ajc'ub yo'tan ta yilel; ya xc'ux ye, yu'un ma'yuc bi ya xju' yu'un. Te mach'atic amen yo'tanic ya xch'ayic soc te sbic'tal yo'tanique.

Génesis 24:35

Bayal ac'bil bendición yu'un Dios te cajwal, jc'ulej yu'un: ay bayal xchij; ay bayal swacax; ay bayal oro soc plata yu'un; ay bayal manbil abatetic winiquetic soc antsetic yu'un; soc ay bayal camelloetic soc burroetic yu'un.

Génesis 25:5

Ja'uc me to, te Abraham ja' la yac'bey jilel Isaac spisil te bitic ay yu'une.

Génesis 30:43

Jich bayal esmaj sc'ulejal te Jacob. Ay tsobol xchij, soc ay bayal manbil winiquetic soc antsetic, soc ay bayal scamello, soc ay bayal sburro.