Génesis 25:8 - Bible in Tzeltal de Oxchuc y Tenejapa

⁸ Mero mamalix a te Abraham te laje. Mamalub ta lec soc ac'bot najt' yorail. Jich ba sjoin te mach'atic neel lajemic yu'une.

Bible in Tzeltal Bachajón

⁸ Quehchaj yich'bel ic', cham te Abraham, mamalubenix ta lec, bayelix ya'bilal a; la sjoquin ta muquenal te sme'state.

Génesis 25:8 Referans Kwoze

Génesis 49:33

Te c'alal laj yo'tan ta stac'uyel te snich'nabe, te Jacob la stoy moel ta swayib te yacane, jich laj bael.

1 Crónicas 29:28

Lamal nax q'uinal ta stojol, mero mamalix a laj, jelawen to xan te ya'wilal, te sc'ulejal soc te ich'el ta muq'ue. Ja' la sjelolin ta muc' ajwalil te snich'ane, ja' te Salomón.

Génesis 15:15

Yan te ja'ate mamalatix a te ya xlajate, jun awo'tan ya xbaat ta muquel soc te antiguo ame'-atate.

Génesis 25:17

Te Ismael juclajuneb sjucwinic (137) ja'wil cuxin ta balumilal c'alal laj, jich ba sjoin te mach'atic neel lajemic yu'une.

Hechos 13:36

Melel te David la yac' sba ta abatinel ta stojol te mach'atic pajal c'ax ta q'uinal soque, jich nix te bit'il ay sc'anjel yo'tan ta neelal to te Diose. Patil way sbaq'uetal. Bajt' ta muquenal ta bay mucul te sme'-state. Tey c'a' sbaq'uetal a.

Proverbios 20:29

Te bila toyol nax q'uinal ya yaiyic yu'un te jch'ieletique, ja' te yipique; te yutsilalic te mamaletic, ja' te saquix sjolique.

Job 5:26

Ay to awip a te c'alal ya xmamalubat, jichat me te bit'il jtom trigo te staoj syijil ta leque.

Jueces 8:32

Mamalub te Gedeón, laj bael. La smuquic ta bay smuquenal Joás, ja' te state, ay ta lum Ofra, te lum yu'un sts'umbal te Abiezer.

Génesis 25:7

Te jayeb ja'wil cuxin te Abraham, jo'lajuneb sbalunwinic (175) ja'wil.

Hechos 5:10

Te antse ora jawts'uj bael ta yacan te Pedroe, laj uuc. Te c'alal och tel te jch'iel winiquetique, lajemix la staic. Jich la sq'uechic bael. Ba smuquic ta bay nix smuquenal te smamlale.

Génesis 49:29

Te Jacob jich mandal albotic yu'un: —Ya xlajonix, ya xboonix ta bay te jme'-jtatique. Tey me x'amuconic a ta bay mucul te jme'-jtatic ta ch'en ay ta sq'uinal Efrón, ja' te heteo-winique.

Hechos 12:23

Ta ora nax tal jtul ch'ul abat yu'un te Cajwaltique, la yejch'entes te Herodese, scaj te ma ja'uc la yac' ta ich'el ta muc' te Diose. Jich laj ta ti'el yu'un yalja. Jc'axel laj yu'un.

Hechos 5:5

Te c'alal la yaiy stojol in to te Ananiase, laj ta ora, jawts'uj bael. Spisil te mach'atic la yaiybeyic stojol sc'oplale, bayal xiwic yu'un.

Jeremías 6:11

Cajwal, nojelix co'tan yu'un ya caiy te awilimbae, ma xcujch'ix cu'un ya caiy —xoon. Te Cajwaltic la yalbon: —Mala bael te quilimba ta stojol te alaletic ta calle, ta stojol tsojboltsojp queremetic. Ya me x'ic'otic bael ta chuquel te winiquetic soc te yinamique, soc te mamaletic te bayalix ya'wilalique.

Jueces 2:10

Lajic ta spisil te israeletic te ayiquix ta q'uinal a te c'alal cuxul to a te Josué. Ja' yu'un te mach'atic ayinic xan ta patil, ma la sna'beyiquix sba te Cajwaltic, soc spisil te bitic la spas ta xc'uxtayel te Israele.

Números 27:13

Ta patil te c'alal ya xlaj awo'tan ta yilel te q'uinale, ya me xlajat, ya me xba atsob aba soc te ame'-atat te lajemiquixe, jich bit'il te abanquil Aarón.

Números 20:24

—Te Aarón ya me xlajix. Ma ba ya x'och bael ta bay q'uinal ya cac'bey te israeletic, melel te ja'ex ma la ach'uunbonic jmandal ta sloq'uibja' Meriba.

Génesis 35:18

C'alal nopol ya xlajix a te Raquel, la slebey jilel sbiil te yale: Benoni sbiil la yac'bey jilel. Yan te state, Benjamín sbiil la yac'bey stuquel.

Génesis 37:35

Tal ta muc'tesel q'uinal yaiy yu'un te snich'nabe; ja'uc me to, ma ba muc'ub q'uinal la yaiy yu'un. La yal: —Mero ma xcom te jmel-o'tan ya caiy yu'un te jnich'ane, ja' to teme ba join ta bay mach'atic lajemique —xi'. Jich yu'un jujun c'aal ay ta oq'uel te state.

Deuteronomio 32:50

Tey ta wits te banti ya xmoat baele, tey me ya xc'oat ta lajel a, ya me xba atsobix aba soc te mach'atic ay awu'un, jich nix te bit'il abanquil Aarón te laj ta wits Hor, ba stsob sba soc te mach'atic ay yu'une.

Génesis 50:13

Te snich'nabe, ich'bot bael sbaq'uetal yu'un ta bay sq'uinal Canaán, tey c'o smuquic a ta muquenal nailch'en, Macpela sbiil, te la sman te Abraham swenta muquenal, te chonbot yu'un te Efrón, te heteo-winique. Ay ta nopol Mamre ta stojol sloq'uib c'aal.

1 Crónicas 23:1

Te bit'il mero mamalix te David, jelawenix te ya'wilale, la yac' ta ajwalil yu'un Israel te snich'ane, ja' te Salomón,

2 Crónicas 24:15

Ja'uc me to, te Joiada mamalub, c'ax bayal ta jyalel te ya'wilale. Te bi ora laj, ay lajuneb sjucwinic (130) ya'wilal a.

Job 41:32

Ta ja' ya yac' chicnajuc sbul te ya xbajt'e, pajal soc najt'il saquil tsotsil jolol.