Génesis 24:7 - Bible in Tzeltal de Oxchuc y Tenejapa

⁷ Melel te Cajwaltic Dios te ay ta ch'ulchan, te la yic'on loq'uel tel ta sna te jtat ta jlumal soc ta slumal te quermanotaque, ja' la sc'oponon, jich la yalbon: “Ya cac'bat soc ats'umbal in q'uinal to”, te la yutone. Ja' me ya sneeltes bael ch'ul abat yu'un te bit'il tey ya xc'o alebey yinam a te jnich'ane.

Bible in Tzeltal Bachajón

⁷ Te Jehová, te Dios yu'un te ch'ulchan, te la yic'on loq'uel tal ta sna te jtat soc ta slumal te quermanotac, te la sc'oponon soc te hich la yalbon ta jamal: Ya ca'be ats'umbal te q'uinal ini, te xchihe, ya sticon te ch'ul a'bat yu'un te ya xnahilij bahel awu'un, yu'un tey ya xc'oht alehbe yihnam a te jnich'ane.

Génesis 24:7 Referans Kwoze

Hebreos 1:14

Melel te ch'ul abatetique, abat nax yu'un te Diose. Ya xticunotic yu'un Dios ta scanantayel te mach'atic ya yich'ic coltayel yu'une.

Salmos 34:7

Te ch'ul abat yu'un Cajwaltic ya scanantay soc ya scoltay te mach'atic ya yich'ic ta muc' te Cajwaltique.

Éxodo 33:2

Ya me jticun tel te ch'ul abat cu'une, ja' me ya yic'at bael. Ya me jticun loq'uel te cananeoetic, amorreoetic, hititaetic, ferezeoetic, heveoetic soc te jebuseoetique.

Génesis 13:15

Melel spisil te q'uinal te chican ta asit ya awile, ya me cac'bat aq'uinalin soc ats'umbal ta sbajt'el ora.

Salmos 73:24

La atojteson ta swenta ac'op; ta slajibal ya awic'on ta atojol soc awutsilal.

Salmos 32:8

Te Cajwaltic ya yal: “Cac'oj jsit ta atojol. Jo'on ya cac'bat p'ijubtesel, ya cac'bat tojtesel, ya cac'bat awil te be te ya sc'an ya at'une.

Éxodo 32:13

Na'a me te abatetic awu'un, ja' te Abraham, Isaac soc Israel. Te melel ja'at nix jamal la awalbey ta stojolic: “Ya cac' esmajuc ta lec te ats'umbale, jich me ya xc'ot te bit'il eq'uetic ta ch'ulchan”, te xaate. Soc la awal xan: “Spisil te q'uinal calojbeyex, ya me cac'beyex, awu'unic me sbajt'el q'uinal”, melel xaat —xi' te Moisés.

Génesis 15:18

Jich yorail a te Abram albot yu'un te Cajwaltic ta swenta trato: —Yu'un ats'umbal ya xc'ot cu'un in q'uinal to c'alal ta beja' yu'un Egipto, c'alal ta muc'ja' Éufrates,

Apocalipsis 11:13

Ora nax a tal tulan nijq'uel. Jin xejt' ta slajunxejt'el te muc'ul lume, soc jucmil (7,000) ta jtul ants-winiquetic laj yu'un te tulan nijq'uele. Jich te ants-winiquetic te cuxulic jilele, och xiwel ta yo'tanic yu'un. Caj yalbeyic yutsilal te Dios te ay ta ch'ulchane.

Hebreos 11:9

Ta swenta xch'uunjel yo'tan te Abrahame, jun yo'tan nain tey a ta bay ma slumaluc te ja' nix te q'uinal te albot yaiy yu'un Dios te ya sq'uinaline. Tey la snain nailpac' a, soc tey nix la snain nailpac' uuc te Isaaque soc uuc te Jacobe, te jich nix albot yaiyic yu'un Dios uuc te ya sq'uinalinique.

Hechos 7:5

Pero ma ba ac'bot yu'unin jxejt'uc te q'uinale, ni ayuc yawil sna. Ja'uc me to, jamal albot yu'un Dios te ya x'ac'bot sq'uinalinic te q'uinale, soc te c'alal ya xlaje, ja' ya yu'unin te snich'nabe, manchuc teme ma'yuc snich'an chican a te c'alal albot jiche.

Daniel 2:44

Te c'alal ay yat'elic ta muc' ajwalil ae, te Dios ta ch'ulchan ya me yac' ochel jtul jmandalteswanej te sbajt'el q'uinal ma ba ya xlaje, soc te ma'yuc bi ora ya x'u'uninot yu'un yan nación. Ja' me ya slajin ta jyalel te yantic ajwaliletique, ja' nax me muc' ajwalil ya xjil ta sbajt'el q'uinal stuquel.

Salmos 103:20

Albeyaic yutsil sc'oplal Cajwaltic ja'ex ch'ul abatetic te tulan ay awat'elique. Ja'ex te ya ach'uunic spasel te bila ya yalbeyexe, melel awat'elinejic xch'uunel smandal.

Josué 1:6

Ma xiwat, pasa tulan, yu'un ja'at me ya x'och ta awenta spuquel sq'uinal te lume, ja' te la calbey ame'-atatic ta namey te ya cac'beye.

Deuteronomio 34:4

Jich albot yu'un te Cajwaltique: —Ja' in to, ja' te lumq'uinal la calbey ta jamal te Abraham, Isaac soc Jacob, te ya cac'bey te patil alnich'anetic yu'unique. La sc'an co'tan te la cac'bat awil ta asite, manchuc me ma ba ya x'ochatix bael tey a —xi' sc'oplal.

Deuteronomio 1:8

Jo'on ya cac'beyexix awu'uninic te q'uinale. Baanic, ich'a ta awentaic, u'uninaic te q'uinal, te jo'on Ajwalilon awu'unic jc'axel la cal ta jamal te ya cac'bey te antiguo ame'-atatic, ja' te Abraham, Isaac soc Jacob, soc te patil alnich'anetic yu'unique”, xi' te Cajwaltique —xi' te Moisese.

Números 32:11

“Te mach'atic loq'uic tel ta Egipto te ayic ta jtab ya'wilalic baele, ma me x'ac'bot yilic te q'uinal te mero muc' sc'oplal calojbey te Abraham, Isaac soc Jacob, melel ma junuc yo'tanic la xch'uunbonic jc'op.

Números 14:30

Ja' nax cuxul ya xjil stuquel te Caleb soc te Josué, ni jtuluc te ja'ex ya x'ochex ta q'uinal te c'an ba aq'uinalinic te jichuque.

Números 14:16

“Te Yajwalique, ma ju' yu'un te ya yac' ochel bael ta q'uinal te yalojbey ta jamal te ya yac'beye. Ja' swentail te la smil jilel ta jochol taquin q'uinal”, xiic me.

Éxodo 13:5

Jich yu'un ja' ni me te u te ya apasic q'uin yu'un sna'jibal te la yiq'uex bael Cajwaltic ta q'uinal te bay ya ataic te ya x'oquin leche soc chab c'oeme, te bay sq'uinal te cananeoetic, hititaetic, amorreoetic, heveoetic soc te jebuseoetique. Ja' te albil yu'un Cajwaltic te antiguo jme'il-tatiletic te ja' ya xc'otix ta awentaic te ja'exe.

Génesis 26:24

C'alal c'ot ta Beerseba, Dios la yac' sba ta ilel ta ajc'ubal ta stojol, jich la yalbey: —Jo'on Dioson yu'un te atat Abraham. Ma me xiwat, joinejat spisil ora. Ta swenta bit'il c'ux ta co'tan te cabat Abraham, ya me cac'bat bendición, ya me cac' esmajuc ats'umbal —xi'.

Génesis 17:8

Ya cac'bat aq'uinalin soc jayeb ats'umbal te q'uinal ta bay beenemate, ja' spamal sq'uinal te Canaán, awu'un ya xc'ot soc ats'umbal ta sbajt'el q'uinal, soc Dioson awu'unic ya xc'oon —xi'.

Jonás 1:9

La sjac' te Jonás: —Te jo'one hebreoon. Ja' quich'oj ta muc' te Cajwaltic te Dios ta ch'ulchan, te la spas te mar soc te lumq'uinale —xi'.

Isaías 63:9

yu'un spisil te swocolique. Ma yu'unuc yan mach'a la sticun tel te tal ta coltaywaneje; ja' nix tal stuquel te Cajwaltique. Ta swenta xc'uxul yo'tan la yac' ta libre soc yutsil yo'tan, la sjach, la stsac ta sc'ab. Jich la spas spisil ora.

Esdras 1:2

“Ciroon muc' ajwalilon yu'un Persia, ya cal ta jamal in to: Te Ajwalil te Dios ta ch'ulchane, la yac'bonix ta jc'ab spisil q'uinaletic yu'un te ajwaliletic ta balumilale. La yac'bon ta jwenta spasel templo ta Jerusalén te ay ta sq'uinal Judá.

Jueces 2:1

Te ch'ul abat yu'un Cajwaltic loc' ta Gilgal, bajt' ta Boquim. Jich la yalbey te israeletic: —Jo'on la jloq'uesex tel ta Egipto, la quiq'uex tel ta bay in q'uinal to te la calbey te antiguo ame'-atatique: “Ma'yuc bi ora ya jlajinbey sc'oplal te trato cu'un ta atojolic te ja'exe”, xoon.

Génesis 16:7

Taot yu'un te ch'ul abat yu'un Dios ta jochol taquin q'uinal, nopol ta sloq'uibja' ay ta sbelal Shur.

Génesis 21:17

Ja'uc me to, Dios la yaiybey yoq'uel. Jich te ch'ul abat yu'un Dios la yawtay te Agar c'alal ta ch'ulchan: —¿Bi la apas, Agar? Ma xamel awo'tan, Dios la yaiybeyix sc'op te quereme.

Génesis 22:11

Ja'uc me to, c'opoj te ch'ul abat yu'un te Cajwaltic ta ch'ulchan: —¡Abraham! ¡Abraham! —xi' sc'oplal. La sjac' te Abraham: —Li' ayon to, Cajwal —xi'.

Génesis 24:3

ya me awalbon ta stojol te Cajwaltic, te Dios yu'un ch'ulchan soc balumilal, te bit'il ma ba tey ya alebon yinam jnich'an te bay yantsil-nich'anic te cananeoetic te ayon ta yolilique.

Génesis 24:40

La yalbon: “Te Dios te jun co'tan ayon ta stojole, ya me sneeltes bael ch'ul abat yu'un ta atojol, ya me stojtesat bael. Tey me ya xc'o alebon yinam a te jnich'an ta bay quermanotac ta sna te jtate.

Números 11:12

¿Yu'un bal jo'on staton, o sme'on bal te ya ac'anbon te ya jpet bael c'oem, jich bit'il alaletic te ayic ta chu'e? ¿Yu'un bal jich ya sc'an te ya jpet bael c'alal ta lumq'uinal te awalojbey sc'oplal te antiguo jme'-jtat soque?

Josué 24:3

La quic' Abraham, soc la cac' beenuc ta spamal sq'uinal Canaán. La cac' esmajuc,

Salmos 136:26

¡Albeyaic wocol te Dios ay ta ch'ulchan, melel sbajt'el q'uinal ay te xc'uxul yo'tane!