Génesis 24:60 - Bible in Tzeltal de Oxchuc y Tenejapa

⁶⁰ La sc'anbeyic bendición ta stojol Rebeca: —Ja'at quijts'in-ach'ixat, ja'ucat me sme'at tsobol ta jmil, ac'a yu'uninbeyic slumal yajcontro te ats'umbal baele —xiic.

Bible in Tzeltal Bachajón

⁶⁰ La ya'beyic bendición te Rebeca, hich la yalic: Ha'at quihts'inatcotic, ha'uc me nanil ya xc'ohat yu'un tsobol ta mil, soc te ats'umbal ya yu'untaybeyic spuertahul te scontratac, xchihic.

Génesis 24:60 Referans Kwoze

Génesis 22:17

jich yu'un jelawen to xan ya cac'bat esmajuc bendición ta atojol. Jelawen to xan ya cac' esmajuc ats'umbal, jich yipal ya xc'otic te bit'il sji'al mar, soc te ats'umbale ya me stsal spisil yajcontro.

Génesis 17:16

Ya me cac'bey bendición, soc ay me awal-anich'an ya xc'oat soc. Melel me xcal, ya me cac'bey bendición. Sme' bayal ta jchajp nacionetic ya xc'ot, ya xchicnaj ta swenta bayal ta jtul ajwaliletic —xi' sc'oplal.

Génesis 28:3

Ac'a yac'bat bendición te Dios te Spisil ya xju' yu'une, soc ac'a yac esmajucat, bayaluc me ta jmil ac'a c'otuc ats'umbal, swenta yu'un ay me bayal ta jchajp lum ya xc'ot ta awenta.

Génesis 9:1

Dios la yac'bey bendición te Noé soc te snich'nabe, jich la yalbey: —Esmajanic, nojesaic xan te q'uinale.

Génesis 1:28

Dios la yac'bey bendición, jich la yalbey: —Esmajanic ta lec, nojesaic ta spamal te balumilale, tuuntesaic te q'uinale. Ja' me ya awentainic xchayul ja'etic soc te mutetique, soc spisil te chambalametic te ya xbeenic ta lumq'uinal —xi'.

Levítico 25:46

Ya xju' ya awijq'uitaybeyic yu'unin awal-anich'nabic te c'alal ya xlajexe, spisil ora ya xju' ya yabatinic. Pero te ja'ex te israelex, ma me ayuc jtuluc alumal te ya apejc'anic soc te tulan ya awac' abaic ta stojolique, melel awermano abaic, jun ats'umbalic soc stuquelic.

Génesis 48:20

Jich la sc'anbey bendición ta stojol te cheb queremetique: —Te lum Israel ya me xtuun yu'unic ta sc'anel bendición, te jich ya yalic: “Ac'a spasbat jich ta atojol te bit'il la spasbey Efraín soc Manasés”, xiic me ta yalel —xi' te mamale. Jich te Israel muc' la yac' te Efraín, peq'uel la yac' te Manasés.

Daniel 7:10

jun muc'ul c'ajc' yac ta loq'uel tel jichuc ja' tey a. Bayal ta jmil te mach'atic ya yac' sbaic ta abatinel yu'une; bayal ta millón tec'ajtic ta stojol. Te jtsojp jchajbanwanejetic, jajch'ic ta at'el, la yich' jamel te libroetique.

Deuteronomio 21:19

te sme'-stat ya me yic' bael ta stojol ta chajbajibal yu'un mamaletic yich'oj yat'elic yu'un te slumale.

Génesis 14:19

Te Abram c'anbot bendición, jich albot yu'un: —Ja'at Abram, ac'a yac'bat bendición te Dios te toyol ay stuquele, ja' te mach'a la spas te ch'ulchan balumilal.

Génesis 24:61

Jajch' ta beel te Rebeca, soc la sjoinic bael te criadaetic yu'une. Moic ta spat camelloetic, ic'otic bael yu'un te winique. Jich bajt' soc te yabat Abraham te Rebeca.

Génesis 32:1

Te Jacob cha'jajch' xan ta beel; ja'uc me to, tal ta tael bael yu'un ch'ul abatetic yu'un te Diose.

Jeremías 29:6

Nujbinanic me tey a, soc ayuc me bayal anich'nabic queremetic ach'ixetic, soc ya me xnujbinic soc ayuc me snich'nabic. Ac'a me toyuc awajtalulic tey a, ma me sts'uj awajtalulic.