Génesis 24:59 - Bible in Tzeltal de Oxchuc y Tenejapa

⁵⁹ Jich la yaq'uic bael te Rebeca, soc te ants te ch'ijtesot tel ta yalalil yu'une, soc te yabat Abraham soc te sjo'tac ta beele.

Bible in Tzeltal Bachajón

⁵⁹ Hich la yaq'uic bahel te Rebeca te yihts'in soc te ants te coltesot ta yalalil to, te ya'bat Abraham soc te smohloltac.

Génesis 24:59 Referans Kwoze

Génesis 35:8

Tey laj a te Débora sbiil, te wentainot yu'un c'alal to ta yalalil te Rebeca. La smuquic ta yet'al jijte' ta nopol Betel. Te Jacob la yac'bey sbiil: “Jijte' swenta oq'uel”, xi'.

1 Tesalonicenses 2:5

Melel ana'ojic stojol te ma la jmonex ta lo'layel ta t'ujbil c'op. Soc ma la jle te bila ya xju' ya jlo'laybeyex ataq'uinic ae. Ja' testigo cu'un te Diose.

Números 11:12

¿Yu'un bal jo'on staton, o sme'on bal te ya ac'anbon te ya jpet bael c'oem, jich bit'il alaletic te ayic ta chu'e? ¿Yu'un bal jich ya sc'an te ya jpet bael c'alal ta lumq'uinal te awalojbey sc'oplal te antiguo jme'-jtat soque?

Génesis 24:60

La sc'anbeyic bendición ta stojol Rebeca: —Ja'at quijts'in-ach'ixat, ja'ucat me sme'at tsobol ta jmil, ac'a yu'uninbeyic slumal yajcontro te ats'umbal baele —xiic.

Génesis 24:53

Soc la sloq'ues bayal majt'aniletic pasbil ta oro, ta plata, soc c'u'il-pac'aletic, la yac'bey te Rebeca. Soc la yac'bey buen t'ujbil majt'aniletic te xi'lele soc te sme'e.

Génesis 24:50

La sjaq'uic te Labán soc te Betuel: —Yu'un nix jich ya sc'an a te Cajwaltique. Ma xju' bi ya caltic yu'un te jo'otique.

Génesis 24:54

Patil och ta we'el te winic soc te mach'a jayeb sjoinej tel, ta patil bajt'ic ta wayel. C'alal jajch'ic, la yal te winique: —Ya me awac'oniquix sujt'el bael ta sna te cajwale —xi'.

Génesis 24:58

Jich la yiq'uic tel te Rebeca, la sjojc'obeyic: —¿Ya bal ac'an ajoin bael te winic? —la yutic. La sjac' te ach'ixe: —Yacuc, ya join bael jiche —xi'.