Génesis 24:49 - Bible in Tzeltal de Oxchuc y Tenejapa

⁴⁹ Jich yu'un te ja'exe, teme ya ac'uxtaybonic te cajwale, jamal me xawalbon caiy. Yan, teme ma xju' ya ac'uxtaybone, jamal me xawalbon caiy jiche. Jich me ya jnop te banti ya xboone —xi'.

Bible in Tzeltal Bachajón

⁴⁹ Ha yu'un te ha'exe, teme yac ac'uxultayic te cajwal, halbonic ca'iy ta jamal, pero teme ma'uque, jamal xawalbonic ca'iy hiche, yu'un hich ya jnop bin ya sc'an ya jpas, xchi.

Génesis 24:49 Referans Kwoze

Génesis 47:29

La sta yorail te la sna' stojol te mamal Israel te nopol ya xlajixe, jich yu'un la sticun ta iq'uel te snich'ane, ja' te José. Jich la yalbey: —Teme c'uxon ta awo'tane, ac'a tel ac'ab ta yanil ca', ya me awalbon ta stojol Dios te puersa me ya xc'ot ta pasel awu'un te bila ya calbate. Wocoluc, ma me x'amucon li'to ta bay Egipto.

Josué 2:14

La sjaq'uic: —Lec ay, jo'otic ya cac' jbajtic ta lajel ta awentaic teme ma jichuc ya xc'ote, ja' nax teme ma'yuc mach'a ya awalbey yaiy te bila swentail te talemotique. Te c'alal ya yac'botic ta jc'abtic Cajwaltic te q'uinale, ya me jc'uxtaytiquex —xiic.

Proverbios 3:3

Ma me xawijq'uitay te c'uxul-o'tanil soc ma me xch'ay ta awo'tan te bila smelelile; chuca me ta anuc' jichuc ualil spisil ora, ts'ibuya me ta yolil awo'tan.

Génesis 32:10

Bayal awac'ojbon quil yutsil awo'tan, bayal quich'oj coltayel awu'un, te melel ja' nax quich'oj a te jnabate' te c'alal c'axon bael ta jejch' ja' Jordán, pero cha'chajp loq'uemonix yo'tic a.

Deuteronomio 2:27

Jich la calbey: “Ya jc'an ya xc'axon ta aq'uinal, ja' ya jt'un te muc'ul be, ma ba ya x'ochon ta yutil aq'uinal.

Números 20:17

Ya jc'antic ta atojol te yacuc awac'otic c'axel ta aq'uinal. Ma ba ya xc'axotic ta bay aq'uinal te ay bila ts'unbile, soc ma xc'axotic bael ta ats'usubilic, soc ma xcuch'tic ya'lel te pozoetic awu'une. Tojotic nax ta muc'ul be, ma'yuc bay yan ya jt'untic, ja' to c'alal ya xloc'otic bael ta aq'uinale”, xi' ac'oplal cu'untic —xi' bael sc'op te Moisese.