Génesis 24:42 - Bible in Tzeltal de Oxchuc y Tenejapa

⁴² “Jich yu'un te naxe, te c'alal julon ta bay pozo, la jc'opon te Diose: “Cajwal te Diosat yu'un te cajwal Abraham, ya me atojteson yo'tic te banti ya sc'an ya xboone.

Bible in Tzeltal Bachajón

⁴² Ha yu'un nax hulon ta pozo, hich la jcal: Jehová, Diosat yu'un te cajwal Abraham, teme yac awac' te lec ya xc'oht te behel cu'une,

Génesis 24:42 Referans Kwoze

Nehemías 1:11

Ya calbat wocol jiche, Cajwal, te yacuc awich'bon ta wenta te jc'ope, soc te sc'opic te abatetic awu'une te yacalic ta yalel wocol ta atojol, te ja' nax bayal sc'oplal ta yo'tanic te ya x'ich'otat xan ta muq'ue. Soc ya jc'anbat te lecuc ya xc'oon ta stojol te muc' ajwalile, soc te yacuc atijbey yo'tan, te lecuc yo'tan ta jtojole —xoon ta sc'oponel Dios.

Romanos 1:10

Spisil ora ayon ta yalel wocol ta stojol Dios te yacuc xtal quilexe, teme jich ya sc'an yo'tan, soc te lecuc ya xc'oon ta loq'uel te banti ayexe.

Salmos 90:17

Ac'a c'otuc ta jtojoltic te yutsil yo'tan Cajwaltic, te Dios cu'untique. Staleluc ma xch'ay awu'un te cat'eltic, Cajwal; staleluc ma xch'ay awu'un, Cajwal.

Salmos 37:5

Ac'a aba ta sc'ab Cajwaltic soc acuxlejal; ja' me ac'a smuc'ulin awo'tan te Cajwaltique, ja' me ya xtal scoltayat stuquel.

Esdras 8:21

Patil la cal mandal ta comel we'elil ta sts'eel muc'ja' Ahava, swenta yu'un ya me caltic ta jamal te jmultic ta stojol te Dios cu'untique, soc yu'un ya jc'anbeytic te lecuc ya yic'otic bael jo'otic soc mach'atic ay cu'untic, soc bitic ay cu'untic.

Hechos 10:22

La yalic: —Ja' la sticunotic tel te Cornelio te centurión cu'untique te toj ta winiquile, soc te xi'oj te Diose, soc te lec sc'oplal yu'un spisil te judioetique. Ja' albot mandal yu'un te ch'ul abat te ya sticunat ta iq'uel te ya xbaat ta snae, swenta yu'un ya yaiy stojol te bila ya awalbeye —xiic.

Génesis 39:3

Te yajwal la sna' stojol te joinbil yu'un Cajwaltic te José, jich yu'un lec a c'ot ta loq'uel ta spisil te bila la spase.

Génesis 24:31

Jich c'o yalbey: —Conic ta jna ja'at te awich'oj bendición yu'un te Cajwaltique. ¿Bistuc q'uejel ayat? La jchajbanix te jnae, soc banti ya x'ain te camelloetic awu'une —la yut.

Génesis 24:11

C'alal c'ot ta ti'lum, tey c'o yac'bey xcux yo'tanic a te camello ta bay pozo. Malix c'aal a, yorail te bit'il ya xtalic ta yich'el ja' te antsetique.

Génesis 24:27

jich la yal: —Bin nax awutsil, Cajwal te Diosat yu'un te cajwal Abraham, te jun awo'tan la ac'uxtaybon te cajwale. La atojteson tel ta be, la awic'on tel li'to ta sna te yermanotac te cajwale —xi'.

1 Samuel 1:13

melel yac ta sc'oponel Dios ta yo'tan. Ma ba chican ta aiyel te bi yac ta yalele, ja' nax chican te ya stij sba te sti'il ye. Te Elí la scuy ta yu'un yacuben.

1 Samuel 9:6

La sjac' te abate: —Tey ta lum in to ay jtul j'alwanej te buen ich'bil ta muc' yu'unique, melel spisil te bila ya yal, mero jich nix ya xc'ot ta pasel a. Conic tey a, ya wan yalbotic banti beil ya sc'an ya xbootic —xi'.