Génesis 24:40 - Bible in Tzeltal de Oxchuc y Tenejapa

⁴⁰ La yalbon: “Te Dios te jun co'tan ayon ta stojole, ya me sneeltes bael ch'ul abat yu'un ta atojol, ya me stojtesat bael. Tey me ya xc'o alebon yinam a te jnich'an ta bay quermanotac ta sna te jtate.

Bible in Tzeltal Bachajón

⁴⁰ La sjac': Te Jehová, te mach'a behenemon ta stojol, ya me yac' sjoquinat te ch'ul a'bat yu'un soc ya yac' te lec ya xc'oht te behel awu'une. Ya me alehbon yihnam te jnich'an ta banti ay quermanotac ta sna te jtate.

Génesis 24:40 Referans Kwoze

Éxodo 23:20

“Aiya awaiy stojol ya jticunbat ch'ul abat cu'un ta atojol, swenta yu'un ya scanantayat ta be. Ja' me ya yic'at bael ta q'uinal te chajbanbilix cu'une.

Salmos 16:8

Spisil ora ay ta jtojol te Cajwale; ta swenta te bit'il ayon ta swa'el sc'ab, ma'yuc bila ya xju' syaleson.

Éxodo 33:2

Ya me jticun tel te ch'ul abat cu'une, ja' me ya yic'at bael. Ya me jticun loq'uel te cananeoetic, amorreoetic, hititaetic, ferezeoetic, heveoetic soc te jebuseoetique.

Génesis 17:1

Te c'alal balunlajuneb yo'winic (99) ya'wilal a te Abram, te Cajwaltic la yac' sba ta ilel ta stojol, jich la yalbey: —Jo'on Dioson te Spisil ya xju' cu'une, toj me xawac' aba ta jtojol, ma me xapas te bila ma lecuque.

Génesis 5:24

Sjoinej Dios te la spasbey sc'anjel yo'tan. C'ot yorail te ma chicanuc bay bajt', ic'ot bael yu'un Dios.

Apocalipsis 22:16

“Jo'on Jesuson te jticunej tel te ch'ul abat cu'une, tal yal ta testigo-c'op ta stojol te jch'uunjeletique. Jo'on smuc'ul yisimon te muc' ajwalil Davide soc sts'umbalon, soc jo'on te muc'ul ec' c'oemon te ya xloc' tel ta sacubel q'uinale”, xi' te Jesuse.

Hebreos 1:14

Melel te ch'ul abatetique, abat nax yu'un te Diose. Ya xticunotic yu'un Dios ta scanantayel te mach'atic ya yich'ic coltayel yu'une.

Daniel 3:28

Te Nabucodonosor c'opoj ta ora, jich la yal ta tulan: —Bin nax yutsil yu'el stuquel te Dios yu'un Sadrac, Mesac, Abed-nego, te la sticun tel ch'ul abat yu'un ta scoltayel te abatetic yu'un te jun yo'tanic ta stojole, te ja'ic te ma ba la xch'uunbonic jmandal jo'on te muc' ajwalilone, te la spas ta yo'tanic te manchuc me ya xlajic ta milel yu'un, pero ma ba la squejan sbaic ta xch'uunel yan dios te ma ja'uc te Dios yu'unique.

Salmos 91:11

Melel te Cajwaltic ya sticun tel ch'ul abatetic yu'un, ya scanantayat bayuc ya xbaat.

Salmos 1:3

Jich c'oem te bit'il te' te ts'unbil ta ti'muc'ja', te ya yac' sit ta yoraile soc te ma xlubaj te yabenale. Spisil te bila ya spase lec ya xc'ot ta loq'uel.

2 Reyes 20:3

—Cajwal, jo'on ya calbat wocol, te yacuc ana' te bit'il jun co'tan la cac' jba ta abatinel awu'une, soc spisil co'tan la jpasbat te bi la sc'an awo'tane —xi'. Och ta buen oq'uel.

1 Reyes 8:23

jich la yal: —Cajwal Dios yu'un Israel, ni ta ch'ulchan ni ta balumilal ay yan Dios jich te bit'il ja'at, te ya awac' c'otuc ta pasel te trato apasoje, soc te ya awac' ta ilel yutsil awo'tan ta stojol te mach'a jun yo'tan ya yac' sba ta abatinel ta atojole.

Génesis 48:15

Jich te mamal Israel la sc'anbey bendición ta stojol José: —Te Dios te jun yo'tan la xch'uunic te jmam Abraham soc te jtat Isaac, ja' te Dios te scanantayejon c'alal ora yo'tic,

Génesis 24:7

Melel te Cajwaltic Dios te ay ta ch'ulchan, te la yic'on loq'uel tel ta sna te jtat ta jlumal soc ta slumal te quermanotaque, ja' la sc'oponon, jich la yalbon: “Ya cac'bat soc ats'umbal in q'uinal to”, te la yutone. Ja' me ya sneeltes bael ch'ul abat yu'un te bit'il tey ya xc'o alebey yinam a te jnich'ane.

Génesis 6:9

Ja' sc'oplal te Noé. Toj yo'tan te Noé, spisil ora la xch'uunbey smandal te Diose. Ta spisil mach'atic ayic ta q'uinal, ja' nax lec yo'tan stuquel; ya spasbey sc'anjel yo'tan Dios ta spisil ora.

Génesis 5:22

Sjoy sba soc Dios te Enoc te la spasbey sc'anjel yo'tane. Patil jo'lajunwinic (300) xan ja'wil cuxin c'alal ayinemix a te Matusalén, soc ay yantic snich'nab, queremetic soc ach'ixetic.

Apocalipsis 22:8

Jo'on Juanon te la caiy stojol soc te la quil ta jsit spisil in to. Te c'alal la caiy stojol soc te la quile, la jpajc'an jba ta yacan te ch'ul abate, yu'un c'an jlajin jba ta stojol.

1 Reyes 2:3

Ac'a me c'otuc ta pasel awu'un te bila ya yalbat te Cajwaltic te Dios cu'untique, pasbeya me sc'anjel yo'tan. Ja' me xapasbey te bila ya yal spisil ta jchajp te mandaliletic yu'une, jich te bit'il ts'ibubil ta mandaliletic yu'un te Moisés. Jich me ay yutsil ya xc'ot ta spisil a te bila ya apas soc ta bayuc ya xbaat.

Génesis 24:56

Ja'uc me to, la yal te winique: —Ma me xju' ya ajalateson, te melel chajbajonix ta swenta te Cajwaltique. Ya me awac'bon quiq'uix bael ta sna te cajwale —la yut.

1 Reyes 3:6

La sjac' te Salomón: —Ja'at bayal la ac'uxtay te anima jtate, ja' te awabat David, ta swenta te bi yilel been ta atojole, ja' te jun yo'tan ain ta atojol soc te la spas te bila toj ta pasele, soc te toj yo'tan la yac' sba ta atojole. Ja' yu'un bayal la ac'uxtay, soc la sc'an awo'tan te jtul snich'an la awac' najc'ajuc ta smuc'ul nactijibe, jich te bit'il c'otix ta pasele.