Génesis 24:35 - Bible in Tzeltal de Oxchuc y Tenejapa

³⁵ Bayal ac'bil bendición yu'un Dios te cajwal, jc'ulej yu'un: ay bayal xchij; ay bayal swacax; ay bayal oro soc plata yu'un; ay bayal manbil abatetic winiquetic soc antsetic yu'un; soc ay bayal camelloetic soc burroetic yu'un.

Bible in Tzeltal Bachajón

³⁵ Bayel bendición a'bibil yu'un Jehová te cajwal, soc muc'ubtesbot sc'oblal yu'un; a'bot tuminchijetic, wacaxetic, plata soc oro, a'bat ants-winiquetic, camellohetic soc burrohetic.

Génesis 24:35 Referans Kwoze

Génesis 24:1

Mamalix a te Abraham, ac'bot najt' yorail yu'un te Cajwaltique, bayal a ac'bot bendición yu'un.

Génesis 13:2

Ay bayal sc'ulejal te Abram, ay bayal xchamsbalam, soc ay bayal oro soc plata yu'un.

Proverbios 10:22

Te bendición yu'un Cajwaltic ya yac' jc'ulejaltic, te ma'yuc mel-o'tan yu'une.

Salmos 107:38

Ya me x'ac'botic bendición yu'un Cajwaltic, ya me yac' esmajuc xan, soc ya yac' esmajuc xan te chambalametic yu'unique.

San Mateo 6:33

Ja' me xaleic neeluc te bit'il ay ta ajwalinel te Diose soc te bila toj ta pasel yu'une. Jich me ya yesmantesbeyex spisil te bila ya xtuun awu'unique.

Salmos 18:35

Ja'at ya acanantayon soc ya acoltayon, ya awac' ipajucon ta swa'el ac'ab; ta swenta te yutsil awo'tan te lec ayon.

Génesis 25:11

Lajemix a te Abraham, ac'bot bayal bendición yu'un Dios te Isaaque. Nain ta bay pozo: “Ya yilon te cuxul Dios”, te xi' sbiile.

Génesis 12:2

Muc'ul lum ya xc'oat cu'un, soc ya me cac'bat bendición, soc muc' ya xc'ot ac'oplal cu'un, soc ay me bendición ta stojol yantic ta awenta.

1 Timoteo 4:8

Melel ma'yuc lec swentail teme ay bila ya c'ajtes jbaq'uetaltic ta spasele. Yan teme ya c'ajtes jbatic ta xch'uunel te Diose, ja' ay bayal sc'oplal stuquel, te melel ya me xcuxinotic yu'un li'to ta balumilal soc ta sbajt'el q'uinal.

Salmos 112:3

Ta sna ma me p'isbiluc sc'ulejal, soc spisil ora ay yutsil yo'tan.

Job 1:3

Ay esmaj jucmil (7,000) chijetic yu'un, oxmil (3,000) camelloetic, jo'winic xcha'bajc' (500) ta jchajp j'at'el-wacaxetic, soc jo'winic xcha'bajc' (500) ta jcojt' me' burraetic yu'un. Ay mero bayal manbil abatetic. Mero jc'ulej te winique, c'ax jich a te bit'il yantic te ainemic ta stojol sloq'uib c'aale.

Génesis 49:25

Wocol la yal te Dios cu'un te atatone, ja' me ya scoltayat, ja' te Dios te Spisil ya xju' yu'une, ya me yac'bat bayal bendición. Ja' te bendición ta swenta ch'ulchan te toyole, ja' te bendición ta swenta te mar te buen c'ubul coele, ja' te bendición ta swenta bit'il ya x'esmaj te awal-anich'nabe.

Génesis 12:16

Te faraón la xc'uxtay te Abram ta swenta Sarai. La yac'bey ta majt'anil tsobol chijetic, wacaxetic, burroetic soc tsobol winiquetic antsetic te ac'bot smozoine, soc tsobol camelloetic.

Proverbios 22:4

Teme ya jpejc'an jbajtic ta stojol te Cajwaltique, soc teme ya quich'tic ta muq'ue, ya xtal jmajt'antic yu'un: ja' te c'ulejalil, te ich'el ta muc', soc te cuxlejale.

San Lucas 12:45

Yan teme ya xcaj yal ta yo'tane: “Te Cajwal ma xtal ta ora”, teme xie, soc teme ya xjajch' yuts'in te abatetic soc te criadaetique, soc teme ya xjajch' ta we'el-uch'ajel soc ta yacubel,

Génesis 12:3

Ya me cac'bey bendición mach'a jayeb te lec yo'tan awu'un. Te mach'a jayeb ma lecuc yo'tan awu'une, boloben me sc'oplal cu'un ya xc'ot. Ja'at me ta awenta te ya cac' bendición ta stojol spisil ants-winiquetic ta balumilal —xi' sc'oplal yu'un te Diose.

Génesis 25:5

Ja'uc me to, te Abraham ja' la yac'bey jilel Isaac spisil te bitic ay yu'une.

Génesis 30:43

Jich bayal esmaj sc'ulejal te Jacob. Ay tsobol xchij, soc ay bayal manbil winiquetic soc antsetic, soc ay bayal scamello, soc ay bayal sburro.