Génesis 24:3 - Bible in Tzeltal de Oxchuc y Tenejapa

³ ya me awalbon ta stojol te Cajwaltic, te Dios yu'un ch'ulchan soc balumilal, te bit'il ma ba tey ya alebon yinam jnich'an te bay yantsil-nich'anic te cananeoetic te ayon ta yolilique.

Bible in Tzeltal Bachajón

³ ya jc'an te yac awal ta jamal ta stojol Jehová, te Dios yu'un te ch'ulchan soc te Dios yu'un te bahlumilal, te ma ba yac alehbon yihnam te jnich'an ta stojol te yantsil-nich'nabic te cananeohetic te ayon ta yohlilique.

Génesis 24:3 Referans Kwoze

1 Corintios 7:39

Te ants te nujbineme, jun c'oem soc smamlal te jayeb c'aal cuxul te winique. Yan teme laj te smamlale, libre c'otix te ants te ya xnujbin soc yan. Chican te mach'a ya sc'ane, ja' nax teme ja' ta swenta te Cajwaltique.

Nehemías 13:25

La cut yu'un, soc la calbey te buen amenique. Ay la jmaj, soc la jbulbey stsotsil sjolic. La cac' puersa te jc'axel ya yalic ta jamal ta stojol Dios te ma'yuc bi ora ya yaq'uiquix permiso te ya xnujbin xan soc jyanlumetic te yantsil-nich'nabic; soc ma ba ya yiq'uic uuc te jyanlum-antsetique. Soc jich la calbey xan:

Génesis 28:8

Te Esaú la sna' bit'il ma lecuc yo'tan stat yu'un te cheb cananea-antsetic yic'oje.

Jeremías 10:11

(Ja'ex, israeletic, albeyaic te mach'atic ma'yuquic ta stojol te Diose: —Te diosetic, te ma ja'uc la spasic te ch'ulchan balumilal, ya me xch'ayic ta jc'axel ta balumilal; ni jtuluc ma xjilic ta yet'al ch'ulchan —xaex me.)

2 Reyes 19:15

Jich la yal: —Cajwal te Diosat yu'un te israeletique, te ay amuc'ul nactijib ta sba te querubinetique, ja'at nax atuquel Diosat te ya apas mandal ta stojol spisil te muc' ajwaliletic ta balumilale, ja'at la apas te ch'ulchan soc te balumilale.

Éxodo 34:16

Soc repente ya yac'beyex yantsil-nich'nabic te ya yic' sbaic soc te aquerem-nich'nabique. Jich yu'un, te c'alal ya xba yaiyic mulwej ta xch'uunel te diosetic yu'unic te yinamique, tey me ya yac' sbaic ta pejc'anel uuc te anich'nabique.

Nehemías 9:6

Te Esdras jich la yal: —Ja'at te Ajwalilat cu'untique, ma'yuc mach'a yan. Ja'at la apas ch'ulchan soc te mero stoyolile, soc ta spisil te eq'uetique. Ja'at la apas te lumq'uinale, soc spisil te bitic ay tey ae. Ja'at ya awac'bey xcuxlejal ta spisil te bitic aye. Ja' yu'un ya squejan sbaic ta atojol c'oem te eq'uetic ta ch'ulchane.

2 Crónicas 2:12

Soc la yal xan: “Bin nax me yutsil te Awajwal, te Dios yu'un lum Israel, te la spas te ch'ulchan soc te balumilale, melel la yac'bey jtul snich'an te muc' ajwalil David te ay sp'ijil yo'tan, te buen p'ijtesbil soc te ya sna' stsajtayel spisile. Ja' ya yac' ta pasel templo yu'un te Yajwal soc te muc'ul na yu'un te bit'il muc' ajwalile.

Josué 2:12

Jich yu'un ya me calbeyex wocol yo'tic te yacuc awalbon ta stojol te Awajwalic te ya quich' c'uxtayel awu'unic jich nix bit'il la awich'ic c'uxtayel cu'un te ja'exe, te yacuc ac'uxtayon soc spisil mach'a ay yu'un te jtate. Ya jc'an te yacuc awac'bon señail te jichuc ya xc'ot ta pasel awu'unique.

Deuteronomio 10:20

“Ich'aic ta muc' te Cajwaltic te Dios cu'untique, ch'uunaic ta mero stuquel nax, junuc me awo'tanic ta stojol. Teme ay bila jc'axel ya awalique, ja' me xachapic ta swenta stuquel.

Deuteronomio 6:13

Ch'uunaic me te Cajwaltic te Dios cu'untique, ja' nax me xawac' abaic ta abatinel yu'un stuquel. Teme ay bi ora ya ac'anic te ay bi jc'axel ya awalic ta jamale, ja' nax me xapasic ta swenta te Cajwaltique.

Números 5:21

jich yu'un te Cajwaltic ya yac'at ta seña ta stojol te lum te ya yac' sijt'uc te ach'ujt', soc ya xc'ax te awale.

Éxodo 23:13

“Ch'uunaic spasel spisil te bitic la calbeyexe, soc ma me x'ana'ulay yantic diosetic, soc ma me ayuc xujt'uc ya awal loq'uel ta awe te sbiilique.

Éxodo 20:7

“Ma me xatojoltabon ta alel jbiil te Ajwalilon te Dioson awu'une, melel te mach'a ya stojoltabon ta alel jbiil te Diosone, ya me cac'bey castigo yu'un.

Génesis 50:25

Te José jich la yalbey te yermanotaque: —Te Dios puersa ya yac'beyex awilic yu'el ta patil. Jich yu'un puersa me ya awalbonic caiy ta stojol Dios te bit'il ya awich'bonic loq'uel bael te jbaquele —la yut.

Génesis 27:46

Te Rebeca la yalbey te Isaac: —Ma smulan co'tan te antsetic sts'umbal Het te yic'oj te Esaú. Teme ja' nix ya xba yic' yinamin Jacob te sts'umbal Het, jich bit'il te cheb calibtique, ja' me lec te manchuc cuxulucon to abi —xi'.

Génesis 21:23

Jich yu'un albon ta stojol Dios te bit'il spisil ora ma me xacontroinon, soc jnich'nab, soc te jts'umbal ta patil baele. Te bit'il la jc'uxtayat te ja'ate, ja' ni me jich ya ac'uxtayon soc spisil te mach'atic nainemic tey ta q'uinal te banti nainemate —xi'.

Génesis 14:19

Te Abram c'anbot bendición, jich albot yu'un: —Ja'at Abram, ac'a yac'bat bendición te Dios te toyol ay stuquele, ja' te mach'a la spas te ch'ulchan balumilal.

Génesis 6:4

Te mach'atic najt'il winiquetic chicnajic ta balumilal te c'alal la yic' sbaic soc yantsil-nich'nab winiquetic te snich'nab te Diose. Soc chicnajic xan ta patil bael, ja'ic te mach'atic pujq'uem sc'oplalic te bit'il tulanic ta namey q'uinale.

Génesis 6:2

te mach'atic yal-snich'an Dios la stsaic ta bay buen t'ujbilic te yantsil-nich'nab te ants-winiquetique, jich la yic' yinaminic te bay la smulanique.

Hebreos 6:16

Jich bit'il te ants-winiquetique, teme ay bi bayal sc'oplal ta yo'tanic te bila ya yalique, ja' ya yac' ta testigo te mach'a cajal ay yu'unique. Swenta yu'un mero melel ya xc'ot te bila ya yale.

Sofonías 1:5

Ya jlajin te mach'atic ya xmoic ta sba sna te ya xch'uunic te eq'uetique, soc te mach'atic ya squejan sbaic te ay bila ya yalic ta jamal te ya stabonic ta alel jbiil a soc sbiil te lotil dios Milcom.

Jeremías 12:16

Ta smelelil la sp'ijubtesic te lum cu'un ta yalel sbiil te Baal. Pero ta ora yo'tic ya xju' xnajc'ajic ta yolil te lum cu'une, teme ya xch'uun yo'tanic ta melel te bi xch'uunejic te lum cu'une, soc teme ya stabonic ta alel te jbiile: “Cuxul te Cajwaltic”, teme xiique.

Jeremías 4:2

jich me ya xju' te ya atabon ta alel jbiil ta smelelil, ta stojil soc ta swenta bitic lequic ta pasele. Ta swenta jbiil ya me xc'ot bendición ta stojol te nacionetic, soc ya me yalbonic lec jc'oplal —xi' te Cajwaltique.

Isaías 65:16

Mach'auc a ta lumq'uinal te ya sc'an bendición, ja' me ya sc'anbey te Dios te jun yo'tan ta melele; soc mach'auc ta lumq'uinal te ya sta ta alel Dios a te bila ya xchape, ja' me jich ya spas ta swenta Dios te jun yo'tan ta melele. Te woclajeletic ta neelal to tele, ch'ayemix ta o'tanil, ch'ayiquix ta jc'axel ta jsit stuquel.

Isaías 48:1

“Aiya awaiyic stojol te bi ya cale, ja'ex te sts'umbalex Jacob, te ja' abiilinej te Israel, soc sts'umbalex Judá. Teme ay bila ya awalic ta jamal, ja' nax ya awalic ta swenta te Cajwaltique; ya ac'oponic te Dios yu'un Israel, manchuc me ma'yuc bila smelelil ni stojil ta awo'tanic.

Isaías 45:23

Jo'onix la jta jba ta alel jtuquel, la cal ta jamal te jo'on ya caiy tsalawe, te bila caloj ta jamal, ya me xc'ot ta pasel. La cal te ya me xtal squejan sbaic ta jtojol spisil te ants-winiquetique, soc ta spisilic ya me staonic ta alel.

Salmos 115:15

Te Cajwaltic te spasoj ch'ulchan balumilal, ac'a yac'beyex bendición ta atojolic.

1 Samuel 20:17

Pero te bit'il bayal c'ux ta yo'tan, jich te Jonatán la yalbey yaiy xan yan buelta te bi xchapojique, melel bayal c'ux ta yo'tan la yaiy David te Jonatán.

Levítico 19:12

“Ma me ayuc bila jc'axel ya awal ta jamal ta lot te ya atabon ta alel jbiil, melel ya me aboltesbon te yutsil jc'oplal te jo'on Dioson awu'une.

Éxodo 22:11

jich yu'un te spat-xujc' ya me yalbey ta jamal ta stojol Dios te ma ja'uc la yac' sc'ab stuquele. Jich me ya xc'ot ta yo'tan te yajwal chambalame, soc jich ma ba ya x'ac'bot stoj.

Génesis 14:22

Te Abram la sujt'esbey sc'op te muc' ajwalil yu'un Sodoma: —Jc'axel la calix ta stojol Dios te toyol ay stuquele, te la spas te ch'ulchan balumilal,

Génesis 24:7

Melel te Cajwaltic Dios te ay ta ch'ulchan, te la yic'on loq'uel tel ta sna te jtat ta jlumal soc ta slumal te quermanotaque, ja' la sc'oponon, jich la yalbon: “Ya cac'bat soc ats'umbal in q'uinal to”, te la yutone. Ja' me ya sneeltes bael ch'ul abat yu'un te bit'il tey ya xc'o alebey yinam a te jnich'ane.

Génesis 28:1

Jich yu'un te Isaac la sticun ta iq'uel te Jacob. La sc'anbey bendición, soc la yalbey tulan mandal: —Ma me teyuc xale awinam ta bay yal-snich'anic te cananeoetique.

Génesis 47:31

La yal te mamal Israel: —Jamal me xawalbon ta stojol Dios —la yut. La yal ta jamal ta stojol Dios te José te jich ya spase. Jich yu'un te mamal Israel la stinan sba ta sjol swayib.

Jueces 14:3

Ja'uc me to, te sme'-stat la yalbey: —¿Bi yu'un te ya xba ale awinam ta bay filisteoetic te ma'yuquic ta stojol te Diose? ¿Yu'un bal ma'yuc ach'ixetic yu'un quermanotactic soc ta spisil te israeletique? —xi'. Te Sansón la sjac': —Yu'un ya jmulan te ach'ix, soc ja' ya sc'an co'tan te ya quinamin —xi'.

Salmos 136:26

¡Albeyaic wocol te Dios ay ta ch'ulchan, melel sbajt'el q'uinal ay te xc'uxul yo'tane!

Génesis 34:9

Soc ja' lec ya cac'bey jbajtic cantsileltic.

Génesis 38:2

La yil tey a te yantsil-nich'an jtul cananeo-winic te Súa sbiile, la yic' yinamin.

1 Samuel 30:15

Te David la sjojc'obey: —¿Ya bal ac'an ya awic'on bael tey c'alal ta banti ayic te jpoj-biluquetic ya awale? —xi'. La sjac' te egipcio-winic: —Teme ya awal ta jamal ta stojol Dios te ma ba ya amilone, soc teme ma ba ya awac'on ta sc'ab te cajwale, ya quic'at bael tey c'alal ta banti ayique —xi'.

Esdras 5:11

Ja'uc me to la yalbotic te ja' xch'uunejic te Dios yu'un ch'ulchan balumilale, soc yacalic ta xcha'pasel xan te templo ayix bayal ja'wil te mero ju'em ta pasel yu'un te jtul mero muc' ajwalil yu'un te Israele.

Jeremías 29:6

Nujbinanic me tey a, soc ayuc me bayal anich'nabic queremetic ach'ixetic, soc ya me xnujbinic soc ayuc me snich'nabic. Ac'a me toyuc awajtalulic tey a, ma me sts'uj awajtalulic.