Génesis 24:27 - Bible in Tzeltal de Oxchuc y Tenejapa

²⁷ jich la yal: —Bin nax awutsil, Cajwal te Diosat yu'un te cajwal Abraham, te jun awo'tan la ac'uxtaybon te cajwale. La atojteson tel ta be, la awic'on tel li'to ta sna te yermanotac te cajwale —xi'.

Bible in Tzeltal Bachajón

²⁷ hich la yal: Bayel yutsil sc'oblal te Jehová te Dios yu'un te cajwal Abraham, te ma ba la yihquitay te sc'uxul yo'tan soc te smelelil sc'op ta stojol te cajwal, te la stojobteson tal ta sbehlal te sna yermanotac te cajwal, xchi.

Génesis 24:27 Referans Kwoze

Génesis 24:48

Soc la jquejan jba ta yalel wocol te Cajwaltique. La calbey bayal wocol te Dios yu'un te cajwal Abraham te bit'il la stojteson ta be, ja' nix te yantsil-nich'an te xchapomal te la yac'bon jc'anbey yinamin te snich'an te cajwale.

Salmos 98:3

Ma ba ch'ayem te xc'uxul yo'tan soc te bit'il jun yo'tan ta stojol te lum Israel yu'une. C'alal to ta slajibal bael balumilal, ilotix te bit'il jtsalwanej stuquel te Dios cu'untique.

Génesis 32:10

Bayal awac'ojbon quil yutsil awo'tan, bayal quich'oj coltayel awu'un, te melel ja' nax quich'oj a te jnabate' te c'alal c'axon bael ta jejch' ja' Jordán, pero cha'chajp loq'uemonix yo'tic a.

Génesis 24:12

La sc'opon Dios te abat: —Cajwaltic, te Diosat yu'un te cajwal Abrahame, ya calbat wocol te yacuc acoltayon yo'tic soc yacuc ac'uxtaybon te cajwal Abrahame.

1 Samuel 25:32

Jac'bot yu'un te David: —Bin nax yutsil te Cajwaltic te Dios yu'un te jlumaltic Israel te la sticunat atabelon ta be.

Rut 4:14

Te antsetic la yalbeyic te Noemí: —Bin nax yutsil te Cajwaltic, te melel ac'botix yal te awalib, ja' me ya scanantayat. Ayuc bit'il muc' ya xc'ot ta Israel.

Éxodo 18:10

Jich la yal: —Bin nax yutsil te Cajwaltic te la scoltayex ja'ex te israelexe. La sloq'uesex ta sc'ab faraón soc te egipcioetic te ma'yuc ac'oplal ta yo'tanique.

San Lucas 1:68

—Jelawen yutsil te Cajwaltic te Dios yu'un Israele. Yu'un tal scoltay ta libre te lum yu'une.

Proverbios 3:6

Ta spisil te bitic ya apase, ja'uc me ay ta awo'tan te Cajwaltique, ja' me ya yic'at bael ta tojil be stuquel.

Salmos 100:5

Melel te Cajwaltic mero lec yo'tan stuquel. Te xc'uxul yo'tane sbajt'el q'uinal ay; soc te bit'il jun yo'tan ta jtojoltic, ma'yuc slajibal yu'un.

2 Samuel 18:28

Te Ahimaas noptsaj bael ta stojol te muc' ajwalile. La stinan sba c'oel c'alal ta lum ta stojol te muc' ajwalil, soc jich la yalbey: —Bin nax yutsil te Cajwaltic te Dios awu'une, melel la yaq'uix ta c'abal te winiquetic te yal sc'abic ta atojol te muc' ajwalilat cu'untique —xi'.

1 Timoteo 1:17

Jich yu'un, ac'a ich'otuc ta muc' te muc' Ajwalil sbajt'el q'uinal, te stalel cuxul stuquel, te ma chicanuc ta ilel, te ja' nax Dios stuquel, soc te ay yutsilal ta sbajt'el q'uinal stuquel. Jichuc.

Efesios 1:3

Jelawen yutsil te Diose, te Stat te Cajwaltic Jesucristoe, te la yac'botiquix spisil ta jchajp bendición te ay ta ch'ulchan ta swenta te Cristoe.

San Juan 1:17

Melel ta swenta Moisés ac'bototic te mandalile. Yan te yutsil-o'tanile soc te bila melele, ja' chicnaj ta swenta stuquel te Jesucristoe.

Miqueas 7:20

Cajwal, junuc me awo'tan soc ayuc me xc'uxul awo'tan, te jich nix jamal la awal ta namey ta stojol te antiguo jme'-jtatic ja' te Abraham soc Jacob.

Proverbios 8:20

Te jo'on ya xboon ta toj be, ja' te sbelal te toj-o'tanile.

Salmos 68:19

Bayal me yutsil te Cajwaltic, te Dios cu'untic, ja' te jcoltaywanej cu'untique, te jujun c'aal ya yich'botic te quijc'atstique.

1 Samuel 25:39

C'alal la yaiy te David te lajix te Nabal, jich la yal: —Bin nax yutsil te Cajwaltic te la sutbeyix spacol te la yuts'inbon co'tan te Nabal. La scomon ta spasel te bila amene. Te sbolil yo'tan te Nabal, ja' nix sutbot ta swenta yu'un te Cajwaltique —xi'. Patil te David la sticun ta alel te Abigail teme ya sc'an ya xnujbin soc.

Éxodo 2:13

Cha'loc' bael ta yan c'aal, la yil te pajal hebreoetic yacal ta smajel sbaic. C'an scom te mach'a yac ta majawe, jich la yalbey: —Ma xamaj aba soc te awermanoe —xi'.

Éxodo 2:11

C'alal muc'ul winiquix a te Moisés, ay jun buelta loc' yaiy paxeal ta yilel te yermanotaque. Tey la yil a te ay bayal swocolic yu'un te at'ele. Soc tey la yil xan a te ay jtul egipcio yac ta smajel sba soc jtul hebreo.

Génesis 24:42

“Jich yu'un te naxe, te c'alal julon ta bay pozo, la jc'opon te Diose: “Cajwal te Diosat yu'un te cajwal Abraham, ya me atojteson yo'tic te banti ya sc'an ya xboone.

Génesis 24:21

Te winic ma ba c'opoj yu'un, bayal c'opoj yo'tan yu'un teme ja' te Dios te jich yac ta c'oel ta pasel yu'une.

Génesis 24:4

Ya me xbaat c'alal ta jlumal ta bay te quermanotac, tey me xc'o alebon yinam a te jnich'an Isaac —la yut.

Génesis 14:20

Bin nax yutsil te Dios te toyol ay stuquele, melel la yac'batix ta ac'ab te jayeb awajcontro —xi' sc'oplal. Ta spisil biluquetic te yich'oj sujt'el tel Abram, jun la yac'bey smajt'anin ta slajunebal te Melquisedec.

Génesis 13:8

Te Abram jich la yalbey te Lote: —Ma me jpas jbajtic ta contro, te melel quermano jbajtic. Ma me scontroin sbaic te jcanan-chambalametic cu'untique.

Génesis 9:26

Soc la yal xan: “Te Sem ac'a ac'botuc bendición yu'un te Cajwal te Dios cu'une, soc ja' me yabat Sem ya xc'ot te Canaán.

Génesis 32:11

Ora yo'tic coltayawon loq'uel ta sc'ab te jbanquil Esaú, yu'un ya jxi', ma me xtal smilon soc te alaletic cu'un soc te sme'ique.

Éxodo 34:6

C'ax ta stojol te Moisés, tulan a c'opoj: —¡Jo'on Ajwalilon! ¡Jo'on Ajwalilon! Jo'on te Dioson te ya jna'bat yo'bolil aba, soc t'ujbil yutsil co'tan. Ma orauc ya x'ilinon, soc mero muc' xc'uxul co'tan. Ma jpasat ta lot.