Génesis 24:21 - Bible in Tzeltal de Oxchuc y Tenejapa

²¹ Te winic ma ba c'opoj yu'un, bayal c'opoj yo'tan yu'un teme ja' te Dios te jich yac ta c'oel ta pasel yu'une.

Bible in Tzeltal Bachajón

²¹ Te winic xcham yo'tan yu'un te ach'ixe, ma ba c'opoj, yu'un la sc'an ya yil teme Jehová yac'oj te ay scuentahil te namal behel yu'une.

Génesis 24:21 Referans Kwoze

Salmos 107:43

Te mach'a ay sp'ijile ya sc'an te ay ta yo'tan ta spisil, soc te yacuc sna'beyic swentail te xc'uxul yo'tan te Cajwaltique.

Génesis 24:12

La sc'opon Dios te abat: —Cajwaltic, te Diosat yu'un te cajwal Abrahame, ya calbat wocol te yacuc acoltayon yo'tic soc yacuc ac'uxtaybon te cajwal Abrahame.

San Lucas 2:51

Te querem Jesús la sjoinic sujt'el ta Nazaret. Jun yo'tan la xch'uun mandal ta stojolic. Te sme'e la sna'ulay ta yo'tan spisil te bila c'ot ta pasele.

San Lucas 2:19

Yan te Mariae spisil ora la sna'ulay soc la snopilay ta yo'tan.

Salmos 107:15

Albeyaic wocol te Cajwaltique. Albeyaic wocol yu'un te xc'uxul yo'tan te Cajwaltic, ja' te bila lec ya spas ta stojol te ants-winiquetique.

Salmos 107:8

Albeyaic wocol te Cajwaltique. Albeyaic wocol yu'un te xc'uxul yo'tan te Cajwaltique, ja' te bila lec ya spas ta stojol te ants-winiquetique.

Salmos 107:1

Albeyaic wocol te Cajwaltique, melel lec yo'tan stuquel; te xc'uxul yo'tane sbajt'el q'uinal ay.

Génesis 24:56

Ja'uc me to, la yal te winique: —Ma me xju' ya ajalateson, te melel chajbajonix ta swenta te Cajwaltique. Ya me awac'bon quiq'uix bael ta sna te cajwale —la yut.

Génesis 24:20

Ora ba scojc'anbey ta yuch'oja' chambalam, animal ba slic tel yan ta pozo. La yich'bey tel ja' yuch'ic spisil te scamelloe.

Génesis 24:27

jich la yal: —Bin nax awutsil, Cajwal te Diosat yu'un te cajwal Abraham, te jun awo'tan la ac'uxtaybon te cajwale. La atojteson tel ta be, la awic'on tel li'to ta sna te yermanotac te cajwale —xi'.