Génesis 24:15 - Bible in Tzeltal de Oxchuc y Tenejapa

¹⁵ Ma to xlaj yo'tan ta sc'oponel Dios a, la yil yac ta talel te Rebeca, te yantsil-nich'an Betuel sq'uechoj tel ta snejq'uel te sq'uibe. Te Betuel ja' yal te Milca te yinam Nacor, te Nacor ja' yijts'in te Abrahame.

Bible in Tzeltal Bachajón

¹⁵ Ma to xlaj yo'tan ta sc'oponel Dios a, yac ta loq'uel tal te Rebeca te yantsil-nich'an Betuel, ha te yal te Milca te yihnam Nacor, te yihts'in Abraham, sq'uechoj tal ta snehquel te sq'uibe.

Génesis 24:15 Referans Kwoze

Génesis 11:29

Te Abram nujbin soc te Sarai. Te Nacor nujbin soc te Milca. Ja' yantsil-nich'nab Harán te Milca soc te Isca.

Isaías 65:24

Ma to bay ya yawtayonic a, te ya jac'bey te sc'opique; ma to bay ya xlaj yo'tanic ta c'op a, te ya caiybeyix stojol sc'opique.

Génesis 24:45

Ma to xlaj co'tan ta sc'oponel Dios a, te la quil yac ta talel te Rebeca, sq'uechoj tel sq'uib ta snejq'uel. Co bael ta pozo ta sloq'uesel te ya'ale. La calbey: “Yacuc awac'bon awa'al cuch'”, la cut.

Isaías 58:9

Jich yu'un teme ya awic'one, ya me jac'bat ac'op; teme ya awawtayon ta sc'anel acoltayele, jich me ya calbat: “Li' ayon to”, xoon me. Teme ya awac' xch'ay bael spisil uts'inel, teme ma ba ya awixtac'optay yantic, teme ma xlewanat ta c'op,

Salmos 65:2

melel ya awaiy te jc'optique. Spisil mach'atic ayic ta balumilal ya xtalic ta atojol.

Salmos 34:15

Te Cajwaltic ya scanantay te mach'atic toj yo'tanique, soc ya yaiybey stojol sc'opic te c'alal ya yawtayique.

Éxodo 2:16

Te Reuel, sacerdote yu'un te madianetic, ay juctul yantsil-nich'nab. Bajt'ic ta sloq'uesel ja' ta bay pozo. Ja' ba snojesic ta bay ya yuch'ic ja' te chijetique, jich ya yac'beyic ja' yuch'.

Rut 2:17

Te Rut la stsob xan ta lec cebada, ja' to c'alal mal te c'aale. La smaj ta te'. Te jayeb loq'ue, c'axem jtebuc ta jtab kilo.

Rut 2:2

Te Rut la yalbey te Noemí: —Ac'awon bael te banti yacalic ta set'el cebada. Ya xba quil teme ay mach'a ya xc'uxtayone, teme ya yac'bon jtam ta bay yacal ta jilel yu'un te mach'atic ya set'ic loq'uel te cebadae —xi'. —Baan jiche —xi' te yalib-me'ele.

Génesis 29:9

Yac to ta c'op soc a, c'ot te Raquel soc te chijetic yu'un te stat te yacal ta scanantayele.

Génesis 24:24

La yal te ach'ixe: —Jo'on yantsil-nich'anon Betuel, te Milca sbiil te sme'e, Nacor sbiil te state.

Génesis 11:27

Jich ay te lista yu'un te sts'umbal Taré: ja' snich'nab Taré te Abram, Nacor soc te Harán. Ja' snich'an Harán te Lot sbiile.

Proverbios 31:27

Ja' ya xbajt' ta yo'tan sna'el teme lec chapal te mach'atic ay yu'un ta sna; ma'yuc bi ora ya swe' te bila ma ja'uc sleoje.

Génesis 21:14

Ta buen sab jajch' te Abrahame. La yich' tel we'elil, soc jun yawil ja' nojel ta ya'lel te pasbil ta nujc'ul, la yac'bey xcuch bael te Agare. Soc la yac'bey ta sc'ab te yale, la sticun bael soc. Jich a bajt' te Agar, loc' bael ta melmonel ta jochol taquin q'uinal ta nopol Beerseba.

Génesis 24:14

te mach'a ach'ixil te ya calbey: “Wocoluc, cojt'esbon te aq'uibe, yu'un ya jc'anbat cuch' te awa'ale”, teme ya cute, “Uch'a jiche, soc ya cac'bey yuch'ic te acamelloe”, teme xie, ja'uc me te mach'a tsabil awu'un te ja' yinam ya xc'ot te awabat Isaaque. Jich me ya jna' stojol te yu'un nix ya ac'uxtaybon a te cajwale —xi'.

Génesis 25:20

Cha'winic (40) ya'wilal a te Isaac te la yic' yinamin Rebeca, te yantsil-nich'an Betuel te arameo-winic te nainem ta Padan-aram. Ja' xi'lel te Labán sbiile.

1 Samuel 9:11

Te c'alal yacalic ta moel ta stojol bael te lum, la staic ach'ixetic te yacalic ta beel ta sliquel tel ya'alic. La sjojc'obeyic: —¿Tey bal ay te mach'a ay bi ya sna' yalele? —la yutic.

Génesis 29:5

Jich yu'un la sjojc'obey yaiy: —¿Ya bal ana'beyic sba te Labán, te sts'umbal Nacor? —la yut. —Yac, ya jna'beytic sba —xiic.