Génesis 24:14 - Bible in Tzeltal de Oxchuc y Tenejapa

¹⁴ te mach'a ach'ixil te ya calbey: “Wocoluc, cojt'esbon te aq'uibe, yu'un ya jc'anbat cuch' te awa'ale”, teme ya cute, “Uch'a jiche, soc ya cac'bey yuch'ic te acamelloe”, teme xie, ja'uc me te mach'a tsabil awu'un te ja' yinam ya xc'ot te awabat Isaaque. Jich me ya jna' stojol te yu'un nix ya ac'uxtaybon a te cajwale —xi'.

Bible in Tzeltal Bachajón

¹⁴ Ac'a te mach'a ach'ixil te ya calbe: Awocoluc, cohtesa aq'uib yu'un ya cuch'bat awa'al, teme ya cute, teme ya sjac': Uch'an hiche, soc ya ca'be yuch' ha' te camellohetic awu'un, teme xchihe, ha'uc me te mach'a atsahojix yu'un te awa'bat Isaac. Hich ya jna' a te yac ac'uxultaybon te cajwal, xchi.

Génesis 24:14 Referans Kwoze

Jueces 6:37

ya jlich' te snujc'ulel chij ta bay smajibal trigo. Teme buen ajch'em te stsotsil snujc'ulel chij ta sab yu'un te ts'ujul ta ajc'ubale, teme taquin te lumq'uinale, tey me ya jna' a te melel ya awabatinon ta scoltayel te jlumal, jich te bit'il awalojbone —xi' te Gedeón.

Jueces 6:17

Jich te Gedeón la yal: —Teme yu'un lecon ta asit ya awile, ac'bon junuc prueba quil teme melel te ja'at te ya ac'opone.

Génesis 15:8

La yal te Abrame: —Cajwal Dios ¿bit'il ya jna' stojol teme jo'on ya jq'uinalin te q'uinale? —xi'.

Isaías 7:11

—C'anbeya te Cajwaltic te Dios cu'untique, ac'a spas jchajp at'elil ta swenta señail ta atojol, chican teme alan ta mero yet'al balumilal, o ja' to ta mero toyol —xi'.

Proverbios 19:14

Ta swenta sme'-stat ya yich' sna soc sc'ulejal te quereme; soc ta swenta Cajwaltic te ya x'ac'bot yinamin te ants te ay sp'ijile.

2 Samuel 5:24

Te c'alal ya awaiy ay mach'atic ya xbeenic ta sba te'tiquil, ora me xawochintay. Melel ja' me ya yac' ta na'el te jo'on ya xneelajon awu'un, swenta yu'un ya me yich' ejch'entesel ta swenta lajel te soldado-filisteoetique —xi' sc'oplal.

Jueces 18:5

Jich yu'un la yalbeyic: —Jojc'obotic ta stojol Dios teme lec ya xbeenotic baele, swenta yu'un ya me jna'tic stojol —xiic.

Romanos 1:10

Spisil ora ayon ta yalel wocol ta stojol Dios te yacuc xtal quilexe, teme jich ya sc'an yo'tan, soc te lecuc ya xc'oon ta loq'uel te banti ayexe.

2 Samuel 20:9

Te Joab la sjojc'obey te Amasa: —¿Lec bal ayat hermano? —la yut. La stsacbey ta yisim ta swa'el c'ab, la sbujts'i.

1 Samuel 20:7

“Lec ay jiche”, teme xie, tic' me ya jna' a te lec yo'tan cu'une, tey me ya senaj co'tan a. Pero teme toj ilinel yu'une, tic' me ya ana' a te yu'un xchapoj te ay bi amen ya spasbone.

Génesis 24:44

teme ya yalbon: ‘Yacuc, uch'a, soc ya me jloq'uesbey tel ja' yuch'ic te acamello’, teme xie, ja'uc me te mach'a tsabil awu'un te ya awac'bey yinamin te snich'an cajwale”, xoon ta sc'oponel Dios a.

Génesis 24:13

Te bit'il ayonix ta pozo ta banti ya xtalic ta yich'el ja' te ach'ixetic li' ta lum to,

Génesis 24:15

Ma to xlaj yo'tan ta sc'oponel Dios a, la yil yac ta talel te Rebeca, te yantsil-nich'an Betuel sq'uechoj tel ta snejq'uel te sq'uibe. Te Betuel ja' yal te Milca te yinam Nacor, te Nacor ja' yijts'in te Abrahame.

Génesis 24:18

La sjac' te ach'ix: —Yacuc, tatic, uch'a —xi'. Ora la scojt'es te sq'uibe, la yac'bey yuch' te ja'e.

Génesis 24:19

Laj yo'tan ta yuch'el, te Rebeca la yalbey: —Ya xba jloq'uesbey tel ja' yuch' uuc te acamello, chican jich yipal ya sc'an yuch'ic ta spisil —xi'.

Génesis 24:43

Teq'uelonix ta pozo. Jich yu'un teme ay ach'ix ya xtal ta yich'el ja', teme ya calbey: ‘Ac'bon cuch'bat jtebuc awa'al’, teme ya cute,