Génesis 24:12 - Bible in Tzeltal de Oxchuc y Tenejapa

¹² La sc'opon Dios te abat: —Cajwaltic, te Diosat yu'un te cajwal Abrahame, ya calbat wocol te yacuc acoltayon yo'tic soc yacuc ac'uxtaybon te cajwal Abrahame.

Bible in Tzeltal Bachajón

¹² Hich la yal: Jehová, Diosat yu'un te cajwal Abraham, ya calbat wocol te yacuc acoltayon yo'tic, soc yacuc ac'uxultaybon te cajwal Abraham.

Génesis 24:12 Referans Kwoze

Génesis 24:27

jich la yal: —Bin nax awutsil, Cajwal te Diosat yu'un te cajwal Abraham, te jun awo'tan la ac'uxtaybon te cajwale. La atojteson tel ta be, la awic'on tel li'to ta sna te yermanotac te cajwale —xi'.

2 Reyes 2:14

Ora la smaj ta ja' te smeyil nujc'ul, jich la yal: “¿Banti ay te Cajwaltic, te Dios yu'un Elías?” xi'. Yac to ta smajel a te ja', ora la sjam sba ta juju-jejch'. Te Eliseo cha'c'ax xan tey ta slumil te ja'e.

Éxodo 3:15

Te Dios la yalbey xan te Moisés: —Albeya xan te alumale: “Te Cajwaltic te Dios yu'un te antiguo jme'-jtatique, ja' te Dios yu'un Abraham, Isaac soc te Jacob, ja' la sticunon tel ta atojolic”, uta me. Ja' me te jbiile. Sbajt'el q'uinal ay, ma ba ya xch'ay sbajt'el q'uinal te jbiile.

Éxodo 3:6

Soc la yal xan te Diose: —Jo'on Dioson yu'un te antiguo ame'-atate, Dioson yu'un Abraham, Isaac soc Jacob —xi'. Te Moisés la smac yelaw, yu'un la xi' sc'abuyel te Diose.

Génesis 26:24

C'alal c'ot ta Beerseba, Dios la yac' sba ta ilel ta ajc'ubal ta stojol, jich la yalbey: —Jo'on Dioson yu'un te atat Abraham. Ma me xiwat, joinejat spisil ora. Ta swenta bit'il c'ux ta co'tan te cabat Abraham, ya me cac'bat bendición, ya me cac' esmajuc ats'umbal —xi'.

Génesis 24:48

Soc la jquejan jba ta yalel wocol te Cajwaltique. La calbey bayal wocol te Dios yu'un te cajwal Abraham te bit'il la stojteson ta be, ja' nix te yantsil-nich'an te xchapomal te la yac'bon jc'anbey yinamin te snich'an te cajwale.

Génesis 24:42

“Jich yu'un te naxe, te c'alal julon ta bay pozo, la jc'opon te Diose: “Cajwal te Diosat yu'un te cajwal Abraham, ya me atojteson yo'tic te banti ya sc'an ya xboone.

Filipenses 4:6

Ma me ayuc bila ya awac' woclajuc awo'tanic yu'un xujt'uc. Ja' ya sc'an ya ac'oponic Dios yu'un ta spisil. C'anbeyaic Dios te bila ya sc'an te awo'tanique, soc albeyaic me wocol yu'un.

San Mateo 22:32

“Jo'on Dioson yu'un te Abrahame te Isaaque te Jacobe”, te xie. Te Diose, ma ja'uc Dios yu'un te mach'atic lajemique. Ja' Dios yu'un te mach'atic cuxulique —xi' te Jesuse.

Proverbios 3:6

Ta spisil te bitic ya apase, ja'uc me ay ta awo'tan te Cajwaltique, ja' me ya yic'at bael ta tojil be stuquel.

Salmos 127:1

Tojol me ya yac' swocolic te jpas-naetique, teme ma ja'uc Cajwaltic te jich ya sc'ane; tojol me ya yac' swocolic ta jcanan-lum te jcananetic, teme ma ja'uc Cajwaltic te ya scanantaye.

Salmos 122:6

Te ja'ex alaic soc awo'tanic: “Lamaluc me q'uinal ta atojol, ja'at Jerusalén; binuc nax me yo'tanic ta nainel te mach'atic c'uxat ta yo'tane.

Salmos 118:25

Cajwal, wocoluc, coltayawotic. Cajwal, wocoluc, lecuc me ya xbeenotic awu'un.

Salmos 37:5

Ac'a aba ta sc'ab Cajwaltic soc acuxlejal; ja' me ac'a smuc'ulin awo'tan te Cajwaltique, ja' me ya xtal scoltayat stuquel.

Nehemías 2:4

—¿Bi ya xju' ya jpasbat ta awenta? —xi' ta sjojc'oyel te muc' ajwalile. La jc'opon ta co'tan te Dios ta ch'ulchane.

Nehemías 1:11

Ya calbat wocol jiche, Cajwal, te yacuc awich'bon ta wenta te jc'ope, soc te sc'opic te abatetic awu'une te yacalic ta yalel wocol ta atojol, te ja' nax bayal sc'oplal ta yo'tanic te ya x'ich'otat xan ta muq'ue. Soc ya jc'anbat te lecuc ya xc'oon ta stojol te muc' ajwalile, soc te yacuc atijbey yo'tan, te lecuc yo'tan ta jtojole —xoon ta sc'oponel Dios.

1 Reyes 18:36

C'alal la sta yorail te ya yich' aq'uel te chic'bil majt'anile, te j'alwanej Elías noptsaj bael, jich la yal: —Cajwal, Dios yu'un Abraham, Isaac soc Israel, ac'a ta na'el yo'tic te ja'at Diosat atuquel soc te jo'on awabaton, soc ac'a ta na'el te ja'at nix aticunejon ta spasel te bitic yacalon ta spasele.

Génesis 43:14

Te Dios te Spisil ya xju' yu'une, ac'a scoltayex, ac'a stijbey yo'tan te ajwalil te yacuc xc'uxtayexe, yacuc scoltaybotic tel te abanquilic chucul jilele, soc te manchuc ya yuts'inbotic te Benjamín. Teme spisil ya xpojboton te jnich'nabe, jich nanix, bi c'an cal —xi' te mamal Israele.

Génesis 32:9

Soc la sc'opon Dios te Jacob, jich la yal: —Cajwal, te Diosat yu'un te jmam Abraham, soc te Diosat yu'un te jtat Isaac, soc ja'at te la awalbon: “Sujt'an bael ta alumal, ta bay awermanotac, ya me jcoltayat”, te la awutone.

Génesis 31:42

Te manchuc ja'uc joinej te Dios yu'un te Abraham te ich'bil ta muc' yu'un te Isaac, jich nix ma'yuc bila la awac'bon quich' sujt'el te jichuque. Pero Dios la sna'bon jwocol, soc la yil bit'il bayal at'ejon, jich yu'un la scomat ta ajc'ubal te naxe —la yut.

Génesis 28:13

Soc la yil te Dios teq'uel ta sts'eel, c'oponot yu'un: —Jo'on Dioson, Dioson yu'un te amam Abraham, Dioson yu'un te atat Isaac. Te lumq'uinal te bay metselate ya me cac'bat aq'uinalin soc ats'umbal.

Génesis 27:20

Ja'uc me to, te Isaac la sjojc'obey te snich'ane: —¿Bit'il ay a te la ata ta ora te ti'bale, jnich'an? —xi'. La sjac' te Jacob: —Ja' te Cajwaltic, te Dios awu'une, la scoltayon ta sleel —xi' ta lot.

Génesis 27:10

Ya me awich'bey bael, ya me apajch'anbey sti'. Jich me ya sc'anbat bendición te bit'il ma to xlaje —la yut.

Génesis 15:1

Patil te Abram c'oponot yu'un Dios te chicnaj ta sit yilel, jich albot: —Ma xiwat, Abram, jo'on jcanantaywanejon awu'un, muc' me amajt'an ta bay nax c'alal —xi' sc'oplal.

Génesis 24:21

Te winic ma ba c'opoj yu'un, bayal c'opoj yo'tan yu'un teme ja' te Dios te jich yac ta c'oel ta pasel yu'une.

Génesis 32:10

Bayal awac'ojbon quil yutsil awo'tan, bayal quich'oj coltayel awu'un, te melel ja' nax quich'oj a te jnabate' te c'alal c'axon bael ta jejch' ja' Jordán, pero cha'chajp loq'uemonix yo'tic a.