Génesis 23:9 - Bible in Tzeltal de Oxchuc y Tenejapa

⁹ te yacuc xchonbon te nailch'en Macpela te ay ta sti'il te sq'uinale. Ya me cac'bey te mero stojole, jich me cu'un ya xc'ot te muquenal manchuc me ay ta awolilic —xi'.

Bible in Tzeltal Bachajón

⁹ te yacuc schombon te ch'en yu'un Macpela te ay ta sti'il te sq'uinale; te yacuc schombon ta mero stojol scuenta muquenal cu'un ta awohlilic, xchi.

Génesis 23:9 Referans Kwoze

Romanos 13:8

Ma me ayuc mach'a ay abet ta stojol. Ja' nax me quechel ta awentaic te talel c'axel c'ux ya awaiy abaique. Melel te mach'a c'ux ya yaiy ta yo'tan te spat-xujq'ue, jich ju'ix yu'un xch'uunel te bila ya yal te mandalile.

Romanos 12:17

Ma me xawac'bey stoj teme ay mach'a amen te bi ya spasbeyexe. Ac'a ta ilel te bila lec ta stojol spisil te ants-winiquetique.

Génesis 23:4

—Te jo'one q'uejel talemon, ma'yucon ta jlumal. Jich yu'un yacuc achonbon jtebuc aq'uinal te banti ya jmuc te mach'a lajem cu'une —xi'.

Génesis 23:8

Jajch' ta c'op: —Teme yu'un ya awac'bon permiso te ya jmuc te mach'a lajem cu'une, ya me ac'oponbon te Efrón jiche, ja' te snich'an Zohar,

Génesis 23:10

Ja'uc me to, te Efrón tey nix ay a te pajal sts'umbal sba soc Het. Jich yu'un te Efrón, te heteo-winique, la sjac'bey sc'op te Abrahame. La yaiyic stojol spisil te sts'umbal Het, soc te mach'a jayeb yacalic ta beel c'axel ta yochibal te lume.

Génesis 25:10

Ja' te q'uinal te chonbot yu'un sts'umbal Het te Abrahame. Tey mujc' a te Abraham te bay nix mucul te Sarae.

Génesis 49:29

Te Jacob jich mandal albotic yu'un: —Ya xlajonix, ya xboonix ta bay te jme'-jtatique. Tey me x'amuconic a ta bay mucul te jme'-jtatic ta ch'en ay ta sq'uinal Efrón, ja' te heteo-winique.

Génesis 50:13

Te snich'nabe, ich'bot bael sbaq'uetal yu'un ta bay sq'uinal Canaán, tey c'o smuquic a ta muquenal nailch'en, Macpela sbiil, te la sman te Abraham swenta muquenal, te chonbot yu'un te Efrón, te heteo-winique. Ay ta nopol Mamre ta stojol sloq'uib c'aal.

1 Crónicas 21:22

Jich yu'un te David la yalbey te Ornán: —Ac'bon te yawil swuyjibal spat atrigo, swenta yu'un tey ya jpasbey scajtijib smajt'an te Cajwaltique. Chonbon, ya jtojbat jich bit'il te mero stojole, swenta yu'un ya me xquejch'aj te milwal chamel ta stojol te lume —xi'.

1 Crónicas 21:24

Ja'uc me to, te muc' ajwalil David la sjac': —Wocol awal yu'un, puersa ya jman ta spisil te bit'il nix te stojole. Ma me jpojbat te bila ay awu'un, ma spas te ya cac'bey chic'bil smajt'an te Cajwaltic teme ma ba jtojoje —xi'.