Génesis 23:6 - Bible in Tzeltal de Oxchuc y Tenejapa

⁶ —Tatic, aiybon awaiy te bila ya calbat: Bayal ayat ta ich'el ta muc' cu'untic, chican banti ya amulan ya amuc ta muquenal cu'untic te mach'a lajem awu'une. Ma'yuc mach'a bi ya yalbat yu'un —xiic.

Bible in Tzeltal Bachajón

⁶ Tatic, a'iya awa'iy te bin ya calbatcotic. Ha'at ich'bilat ta muc' cu'uncotic; muca te mach'a chamen awu'un ta banti mero lequil muquenal cu'uncotic. Mayuc mach'a ya yal te ma ba ya ca'batcotic amuquenal, ma ba ya jcomatcotic te yac amuc te mach'a chamen awu'un, xchihic.

Génesis 23:6 Referans Kwoze

Génesis 24:35

Bayal ac'bil bendición yu'un Dios te cajwal, jc'ulej yu'un: ay bayal xchij; ay bayal swacax; ay bayal oro soc plata yu'un; ay bayal manbil abatetic winiquetic soc antsetic yu'un; soc ay bayal camelloetic soc burroetic yu'un.

Génesis 14:14

C'alal la yaiy stojol te Abram te bit'il ic'ot bael ta chuquel te yermano, la xchajbanbey yat'ejib te abatetic yu'un te ainemic ta snae, waxaclajuneb swaclajunwinic (318) ta jtul. La snutsic bael te muc' ajwaliletic, c'alal ta sq'uinal Dan.

Isaías 45:14

Te Cajwaltic ya yalbey te Israel: —Te mach'atic ya x'at'ejic ta q'uinal ta Egipto, te mach'atic jchonbajeletic ta Etiopía, soc te yajwal Sabá, te toyolic ta jyalele, ya me xtal yac' sbaic ta atojol. Abatetic me ya xc'ot awu'un; ayic me ta cadena ya st'unat bael. Ya me squejan sbaic soc ya me yalic wocol ta atojol: “Ta smelelil ay me ta awolilic te Diose, soc ma'yuc tsobol te Diose, ma'yuc yan”, xiic me ta yalel —xi' te Cajwaltique.

Éxodo 32:22

Te Aarón la sjac': —Cajwal cu'un, ma x'ilinat ta jtojol. Te ja'ate ya me ana'bey ta lec yo'tanic te lum, te ya smulanic spasel te bila ma lecuque.

Génesis 44:8

Melel te taq'uin la jtatic ta jcoxtaltic, la quich'tic tel c'alal talotic yan buelta ta sq'uinal Canaán, la jsujt'esbat. ¿Ja' to bal c'an quelc'antic bael plata soc oro ta sna te awajwale?

Génesis 44:5

Te cajwale, spisil ora ja' ya stuuntes te svasoe, yu'un ay bila ya sta ta na'el a. Mero ma lecuc te bila la apasbeyic te cajwale”, uta me —la yut bael te yabate.

Génesis 42:10

—Ma jichuc, cajwal. Ja' nax a talotic ta smanel trigo te awabatotique.

Génesis 32:18

“Ja' amajt'an yu'un te awabat Jacob, te la sticunbat tele te yajwalate, soc patil yac ta talel”, ya me awut —xi'.

Génesis 31:35

Te Raquel jich la yalbey te state: —Jtat, ma me x'ilinat yu'un te bit'il ma xjajch'one, yu'un yacon ta yilel jchamel —la yut. Jich te Labán la sle te yajcanane, pero ma ba la sta.

Génesis 24:18

La sjac' te ach'ix: —Yacuc, tatic, uch'a —xi'. Ora la scojt'es te sq'uibe, la yac'bey yuch' te ja'e.

Génesis 21:22

Te Abraham jich ora tal ta c'oponel yu'un te Abimelec soc jtul yabat, Ficol sbiil, te swentainejbey te soldadoetic yu'une. Te Abimelec la yalbey te Abraham: —Jna'oj stojol te ya scoltayat Dios ta spisil te bitic ya apase.

Génesis 18:12

Jich yu'un tse'ej nax la yaiy ta yo'tan te Sarae, jich la yal ta yo'tan: “Te bit'il me'elonix ¿ya to bal caiybey xan yutsilal, melel mamalix uuc te jmamlale?” xi' yu'un.

Génesis 13:2

Ay bayal sc'ulejal te Abram, ay bayal xchamsbalam, soc ay bayal oro soc plata yu'un.

Rut 2:13

La sjac' te Rut: —Tatic, bayal yutsil awo'tan ta jtojol, ya xmuc'ub q'uinal ya caiy yu'un te ac'ope. Lamal nax ya caiy te ac'ope, manchuc me ma abatucon awu'un —xi'.

Génesis 20:7

Jich yu'un ticuna sujt'el ta stojol smamlal te antse, te melel j'alwanej cu'un te Abrahame. Ya me xc'opoj awu'un ta jtojol, jich me ya xcuxinat. Yan teme ma x'aticun sujt'ele, jc'axel ya xlajat soc spisil mach'a ay awu'un —xi' sc'oplal yu'un te Diose.

Génesis 23:5

Jich yu'un te sts'umbal Het la sjac'beyic sc'op te Abraham:

Génesis 23:7

Jich yu'un te Abraham la stejc'an sba jajch'el, la stinan sba ta yalel wocol ta stojol te mach'atic nainemic tey a, ja' te sts'umbal Het.