Génesis 23:4 - Bible in Tzeltal de Oxchuc y Tenejapa

⁴ —Te jo'one q'uejel talemon, ma'yucon ta jlumal. Jich yu'un yacuc achonbon jtebuc aq'uinal te banti ya jmuc te mach'a lajem cu'une —xi'.

Bible in Tzeltal Bachajón

⁴ Ho'on jyanlumon soc jmelmonelon ta awohlilic. A'bon q'uinal yu'un muquenal, yu'un tey ya jmuc a te mach'a chamen cu'un, xchi.

Génesis 23:4 Referans Kwoze

Hebreos 11:9

Ta swenta xch'uunjel yo'tan te Abrahame, jun yo'tan nain tey a ta bay ma slumaluc te ja' nix te q'uinal te albot yaiy yu'un Dios te ya sq'uinaline. Tey la snain nailpac' a, soc tey nix la snain nailpac' uuc te Isaaque soc uuc te Jacobe, te jich nix albot yaiyic yu'un Dios uuc te ya sq'uinalinique.

1 Crónicas 29:15

Jich c'oemotic ta atojol te bit'il jyanlum te c'axel nax aye, jich c'oemic tel spisil te antiguo jme'-jtatique. Te jcuxlejaltic tey ta sba balumilal, jich nax c'oem te bit'il axinal, mero ma'yuc bi ayotic ta smaliyel.

Génesis 17:8

Ya cac'bat aq'uinalin soc jayeb ats'umbal te q'uinal ta bay beenemate, ja' spamal sq'uinal te Canaán, awu'un ya xc'ot soc ats'umbal ta sbajt'el q'uinal, soc Dioson awu'unic ya xc'oon —xi'.

Salmos 119:19

Jo'on jyanlumon ta q'uinal; ma me xanac' ta jtojol te mandaliletic awu'une.

Hechos 7:5

Pero ma ba ac'bot yu'unin jxejt'uc te q'uinale, ni ayuc yawil sna. Ja'uc me to, jamal albot yu'un Dios te ya x'ac'bot sq'uinalinic te q'uinale, soc te c'alal ya xlaje, ja' ya yu'unin te snich'nabe, manchuc teme ma'yuc snich'an chican a te c'alal albot jiche.

Salmos 39:12

“Cajwal, aiybon te jc'ope, aiybon te coq'uele. Ma me yacuc nax awilbon te ya'lel jsite, Cajwal. Te jo'one jyanlumon ta atojol, jichon te bit'il jbeom ja'mal mut, jich nix bit'il c'axic te anima jme'-jtate.

Levítico 25:23

“Te q'uinal ma me xju' ta chonel ta jc'axel. Melel te q'uinal jo'on cu'un; te ja'exe c'axel nax ayex, jich nax c'oemex te bit'il ula'il cu'une.

Génesis 49:30

Ja' te nailch'en te Macpela sbiile, ta nopol Mamre ta stojol sloq'uib c'aal ta sq'uinal Canaán, te manbil yu'un Abraham swenta muquenal, te chonbot yu'un te Efrón te heteo-winique.

1 Pedro 2:11

Quermanotac te c'uxex ta co'tane, ya calbeyex wocol, te jich c'oemex te bit'il jyanlum te beomal nax ayex li'to ta balumilale, ac'a jiluc awu'unic te bila mulanbil ta pasel yu'un te abaq'uetalique te ja' scontro te ach'ulelique.

Eclesiastés 12:7

Te c'alal ya xc'axe, te ts'ubil lume ya sujt' xan bael ta lum, jich nix te bit'il ay ta neelal to; te ch'ulelale ya sujt' xan bael ta stojol Dios, melel ja' nix la yac' a.

Eclesiastés 12:5

Ya me xiwat te ya xbeenat ta banti toyol, soc ay me xiwel ya awaiy te ya xbeenat ta bebetic. Ya me xjajch' ta sacubel te ajole. Ya xlaj yip te abaq'uetale, soc ma xtuun awu'un te poxile te ya yac' xan sbujts' q'uinal ya awaiy yu'une. Melel ya sta yorail te ya xbaat ta muquenal; ta calle ya me xchicnaj yoq'uel te mach'atic ya yoq'uetayate.

Eclesiastés 6:3

Te winique manchuc me jo'winic ta jtul snich'nab soc ya xcuxin bayal ja'wil, teme ma ba ya yaiybey yutsilal te bila leque, soc teme ma'yuc smuquenal ya yich' muquel a te c'alal ya xlaje, ta mero melel ja' lec to c'oem yu'un te c'axem alale.

Job 30:23

Ya jna'ix te ya ac'an ya awaq'uix lajucone, ja' te banti chapal sc'oplal ya xc'ot spisil te bitic cuxajtique.

Génesis 50:13

Te snich'nabe, ich'bot bael sbaq'uetal yu'un ta bay sq'uinal Canaán, tey c'o smuquic a ta muquenal nailch'en, Macpela sbiil, te la sman te Abraham swenta muquenal, te chonbot yu'un te Efrón, te heteo-winique. Ay ta nopol Mamre ta stojol sloq'uib c'aal.

Génesis 47:9

La sjac' te Jacob: —Lajunebix sjucwinic (130) ja'wil te cuxulon tel ta q'uinal. Ma to bayaluc ja'wil cuxulon, soc ay jwocol te sjayebalix ja'wil cuxulon tele. Ma to sta jich ca'wilal te bit'il cuxinic ta q'uinal te jme'-jtate —xi'.

Génesis 3:19

Buen chic' ya x'ac'botat te bit'il ya ata awe'ele, ja' to te c'alal ya sujt'at ta lumq'uinal, melel ta ts'ubil lum pastajat, ja' nix jich ts'ubil lum ya sujt'at —xi' te Diose.

Hechos 7:16

Soc ich'bot bael sbaq'uetalic ta banti Siquem. Tey la yich'ic muquel ta banti muquenal te la sman te Abrahame soc te la xch'acbey stojole, te chonbot yu'un te sts'umbal Hamor te ay ta Siqueme.

Génesis 23:5

Jich yu'un te sts'umbal Het la sjac'beyic sc'op te Abraham:

Éxodo 2:22

Ayin ch'in alal yu'unic. Gersón sbiil c'ot yu'un te Moisés, melel la yal: “Yu'un jyanlum winicon li'to”, xi'.