Génesis 23:2 - Bible in Tzeltal de Oxchuc y Tenejapa

² Tey laj ta Quiriat-arba, te Hebrón yan sbiil te ay ta sq'uinal Canaán. Te Abraham la yoq'uetay te Sara, bayal la smel yo'tan yu'un.

Bible in Tzeltal Bachajón

² Te Sara cham ta Quiriat-arba, (te Hebrón yan sbihil), te ay ta sq'uinal Canaán. Te Abraham tey la smel yo'tan soc tey la yoq'uetay a te Sara.

Génesis 23:2 Referans Kwoze

Génesis 23:19

Te Abraham tey la smuc a te yiname, ja' te Sara, ta nailch'en te ay ta ch'in sq'uinal Macpela ta nopol Mamre te ay ta stojol sloq'uib c'aale, ja' te Hebrón yan sbiil te ay ta sq'uinal Canaán.

Génesis 13:18

Jich te Abram la syantesbey yawil te scampamento, c'o ainuc ta jijte'eltic yu'un Mamre, te ay ta nopol lum Hebrón. Tey la spasbey scajtijib ta chiq'uel smajt'an Cajwaltic a te la yac'bey milbil smajt'an ta yalel wocol.

1 Crónicas 6:57

Jich te sts'umbal Aarón ac'botic te Hebrón, te lum yu'un anjibal, soc xan te ch'in lumetic yu'un, ja' te Libna, Jatir, Estemoa,

Jueces 1:10

Ba stsalic te cananeoetic ta lum Hebrón, te Quiriat-arba sbiil ta neelale, soc la stsalic Sesai, Ahimán soc Talmai.

Hechos 8:2

Te mach'atic jun yo'tanic xch'uunejic te Diose, la smucbeyic sbaq'uetal te Estebane. Bayal la yoq'uetayic.

San Juan 11:35

Oc' te Jesuse.

San Juan 11:31

Te judioetic te talemic smuc'tesbel q'uinal yaiyique la yilic te bit'il ora jajch' bael te María. Jich la sts'aclinic bael, yu'un la scuyic te ya xba oc'uc ta smuquenal te Lázaroe.

Jeremías 22:18

Te Cajwaltic ya yalbey sc'oplal te Joacim te snich'an Josías, te muc' ajwalil yu'un Judá: —Ma'yuc mach'a ya x'oc' yu'un te ya xlaje. Ma'yuc mach'a ya yoq'uetay, te jich ya yal ta oq'uel: “¡Ay, quermano! ¡Ay, quermana! ¡Ay, Cajwal! ¡Ay, Muc' Ajwalil!” ma me ayuc mach'a xi' ta oq'uel.

Jeremías 22:10

Ma x'oq'uex yu'un te muc' ajwalil Josías, ma x'oc'at yu'un te laje; ja' lec ja' xawoq'uetayic te snich'ane, ja' te Salum, te ya xbajt', te ma sujt'ix tel, ma ba ya yil xan te lum bay ayine. Melel jich la yal te Cajwaltic ta swenta Salum, snich'an Josías, te muc' ajwalil yu'un Judá, te ja' najc'aj ta smuc'ul nactijib ta patil yu'un te state, soc te loc' bael li' ta q'uinal to: —Ma me sujt'ix tel,

2 Crónicas 35:25

Te Jeremías la xchajban sc'ayojil anima ta swenta yich'el ta muc'. Ja' to c'alal ora yo'tic ta spisilic te c'alal ya xc'ajinic te ants-winiquetic, tey ya sna'ic a te Josías ta swenta te c'ayojetic yu'un mel-o'tan. Te c'ayojetique ya to sc'ajintayic spisil ora te israeletic, soc ts'ibubilic ta bay libro te sc'ayojil animaetique.

2 Samuel 5:5

Ta Hebrón och ta muc' ajwalil yu'un Judá juqueb ja'wil soc olil. Ta Jerusalén och ta muc' ajwalil yu'un spisil Israel soc Judá oxlajuneb xcha'winic (33) ja'wil.

2 Samuel 5:3

Jich c'ot spisilic te mamaletic yich'oj yat'elic yu'un Israel, c'o sc'oponic te muc' ajwalil David ta Hebrón. Te David ay bila la xchap soc. Ja' la yaq'uic ta testigo te Cajwaltique. La yac'beyic yich' yat'el ta muc' ajwalil yu'un Israel te David.

2 Samuel 2:11

Ja' yu'un te David och ta ajwalil juqueb ja'wil soc waqueb u ta Judá. Te Hebrón ja' muc'ul lum c'ot yu'un, te tey nacaj ta ajwalil a te David.

2 Samuel 1:17

Te David la spas jcum c'ayoj swenta mel-o'tan, yu'un te laj te Saúl soc te snich'ane, ja' te Jonatán.

2 Samuel 1:12

Jajch'ic ta oq'uel, bayal la smel yo'tanic yu'un te laj te Saúl soc te laj te snich'an, ja' te Jonatán, soc nix te bit'il laj ta tsalel te israeletic, te ja' soldadoetic yu'un te Cajwaltique. La scom swe'elic ja' to c'alal smalel c'aal.

1 Samuel 28:3

Te Samuel lajix a. Spisilic la yoq'uetayic ta Israel te c'alal laje, patil la smuquic ta Ramá ta slumal te banti ayine. Te Saúl ayix c'aal te la snuts loq'uel ta sq'uinal Israel te mach'atic ay bila ya sna'ic syoljoltayel soc te mach'atic ya sc'oponic ch'ulelaletic.

1 Samuel 20:31

Te jayeb xan c'aal cuxul ta balumilal te Davide, ni ja'uc lec ayat, soc ni ja'uc lec ya awich' awat'el ta ajwalile. Ja' yu'un ticuna ta leel, ic'bon tel, puersa me ya xlaj —xi'.

Josué 20:7

Jich yu'un te israeletic la stsaic swenta anjibal te lum Cedes te ay ta sq'uinal Galilea, ta bay witstiquil yu'un Neftalí; soc la stsaic te lum Siquem, ta witstiquil yu'un Efraín; soc te lum Quiriat-arba, te Hebrón yan sbiil, te ay ta witstiquil yu'un Judá.

Josué 10:39

La smilic ta puñal te muc' ajwalil yu'unic, soc te ants-winiquetic ta lumetic te nopol yiloj sbaic soque. Ma'yuc jtuluc cuxul jilel te ants-winiquetic ta Debir. Spisil la slajinic jilel jich bit'il la spasbeyic te Hebrón, te Libna soc te muc' ajwaliletic yu'unique.

Deuteronomio 34:8

Te israeletic lajuneb xcha'winic (30) c'aal la yoq'uetayic ta jochol taquin q'uinal yu'un Moab te Moisés. Jich c'ot ta pasel yu'unic a te la smel yo'tanic yu'un, soc te la smal ya'lel sitic yu'un te laje.

Números 20:29

C'alal la sna'ic stojol israeletic te lajemix te Aarón, ay lajuneb xcha'winic (30) c'aal la yoq'uetayic.

Números 13:22

Ochic bael ta Néguev, c'otic c'alal ta lum Hebrón. Tey nainemic a te Ahimán, Sesai soc Talmai, te sts'umbalic Anac. Te Hebrón sjuquebalix ja'wil spastajel a te la yich' pasel te Zoán ta Egipto.

Génesis 50:10

C'otic ta Goren-ha-atad, te ay ta swenta stojol sloq'uib c'aal yu'un te muc'ja' Jordán, tey jalajic xan ta yoq'uetayel a te anima Israel. Te José juqueb c'aal la yoq'uetay tey a te state.

Génesis 27:41

Jich yu'un te Esaú la slab-o'tantay te Jacob yu'un te bit'il ja' c'anbot bendición yu'un static stuquel. La yal ta yo'tan: “Teme laj te jtate, ya me jmil te quijts'in Jacob”, xi'.

Génesis 23:1

Te Sara juqueb sjucwinic (127) ya'wilal a te c'alal laje.

Génesis 24:67

Jich te Isaac la yic' yinamin te Rebeca, la yic' ochel ta nailpac' te bay nain te anima sme'e, ja' te Sara. Nujbin soc, buen c'ux ta yo'tan la yaiy. Jich muc'ub q'uinal la yaiy te Isaac te bit'il lajemix te sme'e.

Génesis 35:27

Te Jacob ba yil te Isaac, ja' te state, te ay ta Mamre, te lum te ja' nix sbiilinej Arba soc Hebrón. Tey nix nain te Abraham soc te Isaac.

Génesis 37:14

Jich yu'un albot bael yu'un te state: —Baan, ilawil teme lec ay te abanquiltaque, soc teme lec ay te jchijtique. Ya me xtal awalbon caiy te bi yilelique —xi'. Jich la sticun loq'uel ta Hebrón, bajt' ta Siquem.

Josué 15:13

Te Josué la yac'bey Caleb snich'an Jefone xejt' sq'uinalic te sts'umbal Judá. Jich te bit'il albil mandal yu'un Cajwaltic, ja' la yac'bey te Quiriat-arba, ja' te Hebrón, te lum bayal sc'oplal yu'un te sts'umbal najt'il winic Anac.

Josué 15:54

Humta, Quiriat-arba (Hebrón yan sbiil) soc Sior, ay baluneb ta jpam lumetic soc te ch'in lumetic yu'unique.

Josué 21:11

Ta witstiquil yu'un Judá, la yac'beyic te Quiriat-arba, ja' te lum Hebrón te muc' sc'oplal yu'un sts'umbal muc'ul najt'il winic Anac. La yac'beyic soc aquiltic yu'un te xchamsbalamique.

Nehemías 11:25

Ayic cha'oxtul te sts'umbal Judá te nainic ta lum Quiriat-arba, Dibón, Jecabseel,

Génesis 50:1

Te José la smey te anima state, la yoq'uetay, la sbujts'iy.

1 Samuel 25:1

Laj te Samuele. Spisil israeletic la stsob sbaic ta yoq'uetayel, la smuquic ta sq'uinal ta Ramá. Patil te David bajt' ta muc'ul taquin q'uinal Parán.