Génesis 23:19 - Bible in Tzeltal de Oxchuc y Tenejapa

¹⁹ Te Abraham tey la smuc a te yiname, ja' te Sara, ta nailch'en te ay ta ch'in sq'uinal Macpela ta nopol Mamre te ay ta stojol sloq'uib c'aale, ja' te Hebrón yan sbiil te ay ta sq'uinal Canaán.

Bible in Tzeltal Bachajón

¹⁹ Patil te Abraham la smuc te Sara te yihnam ta ch'en ay ta sq'uinal Macpela te ay ta stojol banti ya xloc' tal c'ahc'al yu'un Mamre, (te Hebrón yan sbihil), te ay ta sq'uinal Canaán.

Génesis 23:19 Referans Kwoze

Eclesiastés 12:7

Te c'alal ya xc'axe, te ts'ubil lume ya sujt' xan bael ta lum, jich nix te bit'il ay ta neelal to; te ch'ulelale ya sujt' xan bael ta stojol Dios, melel ja' nix la yac' a.

Eclesiastés 12:5

Ya me xiwat te ya xbeenat ta banti toyol, soc ay me xiwel ya awaiy te ya xbeenat ta bebetic. Ya me xjajch' ta sacubel te ajole. Ya xlaj yip te abaq'uetale, soc ma xtuun awu'un te poxile te ya yac' xan sbujts' q'uinal ya awaiy yu'une. Melel ya sta yorail te ya xbaat ta muquenal; ta calle ya me xchicnaj yoq'uel te mach'atic ya yoq'uetayate.

Eclesiastés 6:3

Te winique manchuc me jo'winic ta jtul snich'nab soc ya xcuxin bayal ja'wil, teme ma ba ya yaiybey yutsilal te bila leque, soc teme ma'yuc smuquenal ya yich' muquel a te c'alal ya xlaje, ta mero melel ja' lec to c'oem yu'un te c'axem alale.

Job 30:23

Ya jna'ix te ya ac'an ya awaq'uix lajucone, ja' te banti chapal sc'oplal ya xc'ot spisil te bitic cuxajtique.

Génesis 50:25

Te José jich la yalbey te yermanotaque: —Te Dios puersa ya yac'beyex awilic yu'el ta patil. Jich yu'un puersa me ya awalbonic caiy ta stojol Dios te bit'il ya awich'bonic loq'uel bael te jbaquele —la yut.

Génesis 50:13

Te snich'nabe, ich'bot bael sbaq'uetal yu'un ta bay sq'uinal Canaán, tey c'o smuquic a ta muquenal nailch'en, Macpela sbiil, te la sman te Abraham swenta muquenal, te chonbot yu'un te Efrón, te heteo-winique. Ay ta nopol Mamre ta stojol sloq'uib c'aal.

Génesis 47:30

Teme laj coraile, ya me awich'bon loq'uel jbaq'uetal ta Egipto, ya me xc'o amucon ta bay smuquenal te jme'-jtate —la yut. —Jichuc, jich me ya jpas te bit'il la awalbone —xi' te José.

Génesis 3:19

Buen chic' ya x'ac'botat te bit'il ya ata awe'ele, ja' to te c'alal ya sujt'at ta lumq'uinal, melel ta ts'ubil lum pastajat, ja' nix jich ts'ubil lum ya sujt'at —xi' te Diose.

Génesis 23:18

Jich la yu'unin te q'uinale. La yaiyic te sts'umbal Het soc spisil mach'a jayeb yacalic ta beel c'axel tey a ta yochibal te lume.

Génesis 23:20

Jich te Abraham la yich' te q'uinal soc te nailch'ene, ja' la smuquenalin te q'uinal chonbot yu'un te sts'umbal Het.

Génesis 37:14

Jich yu'un albot bael yu'un te state: —Baan, ilawil teme lec ay te abanquiltaque, soc teme lec ay te jchijtique. Ya me xtal awalbon caiy te bi yilelique —xi'. Jich la sticun loq'uel ta Hebrón, bajt' ta Siquem.