Génesis 23:18 - Bible in Tzeltal de Oxchuc y Tenejapa

¹⁸ Jich la yu'unin te q'uinale. La yaiyic te sts'umbal Het soc spisil mach'a jayeb yacalic ta beel c'axel tey a ta yochibal te lume.

Bible in Tzeltal Bachajón

¹⁸ la yu'untay te Abraham ta stojol te snich'nab Het soc spisil te mach'atic yacalic ta ochel bahel ta yochibal te pueblo.

Génesis 23:18 Referans Kwoze

Jeremías 32:12

Ja' la cac'bey te Baruc te snich'an Nerías te ja' to smam te Maasías, la cac'bey ta sc'ab Baruc ta sit te Hanameel, ta sit te testigoetic te la yac'bonic sfirmaic yu'un te contratoe, soc ta sit spisilic te judioetic te nacalic ta amac' yu'un te soldadoetique.

Rut 4:1

Te Booz ba snajc'an sba ta yochibal lum, yu'un tey ya stsob sbaic a te winiquetique. Jich yorail c'ax tel te sts'umbal te anima smamlal Noemí, te la yalbey sc'oplal Booz. Albot yu'un te Booz: —Aiya awaiy stojol, li' xtalat to, la', naclan —la yut. Jich tal snajc'an sba.

Génesis 34:20

jich yu'un te Hamor soc te Siquem la stejc'an sbaic ta yochibal sts'ajc'ul te lume, la sc'oponic te yajwal te slumalique, jich la yalbeyic:

Génesis 10:15

Ja' sba snich'an Canaán te Sidón sbiil, soc Het te yane.

Génesis 23:10

Ja'uc me to, te Efrón tey nix ay a te pajal sts'umbal sba soc Het. Jich yu'un te Efrón, te heteo-winique, la sjac'bey sc'op te Abrahame. La yaiyic stojol spisil te sts'umbal Het, soc te mach'a jayeb yacalic ta beel c'axel ta yochibal te lume.

Génesis 23:19

Te Abraham tey la smuc a te yiname, ja' te Sara, ta nailch'en te ay ta ch'in sq'uinal Macpela ta nopol Mamre te ay ta stojol sloq'uib c'aale, ja' te Hebrón yan sbiil te ay ta sq'uinal Canaán.

Génesis 25:9

Te snich'nab Abraham, ja' te Isaac soc Ismael, la smuquic ta nailch'en Macpela, te ay ta sq'uinal Efrón te snich'an Zohar te heteo-winique. Te sq'uinal Efrón nopol ay ta Mamre ta stojol sloq'uib c'aal.

Génesis 34:24

Spisil te mach'atic jich ya'wilal te ya xtuun ta soldadoile la xch'uunbeyic sc'op te Hamor soc te Siquem, la xch'uunic yich'el circuncisión ta spisilic.