Génesis 23:16 - Bible in Tzeltal de Oxchuc y Tenejapa

¹⁶ Te Abraham la xchap soc te Efrón. Jich yu'un, la yajtaybey ta stojol sts'umbal Het te jayeb taq'uin albot yu'une, te jbajc' (400) ta jsejp plata, jich nix te bit'il yalal te jsejp plata tey a.

Bible in Tzeltal Bachajón

¹⁶ Te Abraham la schap soc te Efrón, la sp'is te jayeb taq'uin halbot yu'un ta stojol te snich'nab Het, ha te jbahc' (400) ta sehp plata hich te bin ut'il ay ta tuhunel yu'un te jchombajeletique.

Génesis 23:16 Referans Kwoze

Zacarías 11:12

Jich la calbey in to: —Teme lec ya awaiyique, tojbonic me te cat'ele; teme ma lecuc ya awaiyique, ijq'uitayaic, jichuc ac'a jiluc —la cutic. La stojonic lajuneb xcha'winic (30) ta jsejp plata.

Jeremías 32:9

la jmanbey sq'uinal te Hanameel. La cac'bey juclajuneb ta jsejp plata, te jich trato la jchap soc yu'un te stojole. Te contrato la cac' ta ts'ibuyel, la yich' maquel ta sello, soc la yac' sfirmaic te testigoetique.

1 Tesalonicenses 4:6

Ma me ayuc mach'a ya yac'bey swocol yantic soc ma me ayuc ya slo'lay yermano, melel ya me x'ac'bot tulan castigo yu'un te Cajwaltic teme jich ya spasique, jich bit'il tulan sc'oplal la calbeyex awaiyic ta neelal to.

Filipenses 4:8

Quermanotac, slajibalix ya calbeyex in to: Ja' me xbajt' ta awo'tanic sna'ulayel spisil te bila melele, spisil te bila lec nax ta aiyel stojole, spisil te bila toj ta pasele, spisil te bila ma capaluc ta mulile, spisil te bila ay yutsile soc spisil te bila lec ac'oplal yu'une. Ja' me xbajt' ta awo'tanic sna'el spisil te bila leque soc spisil te bila t'ujbile.

Romanos 13:8

Ma me ayuc mach'a ay abet ta stojol. Ja' nax me quechel ta awentaic te talel c'axel c'ux ya awaiy abaique. Melel te mach'a c'ux ya yaiy ta yo'tan te spat-xujq'ue, jich ju'ix yu'un xch'uunel te bila ya yal te mandalile.

San Mateo 7:12

“Jich yu'un spisil te bila ya sc'an awo'tanic ya spasbotex yu'un te yane, jich me xapasbeyic uuc. Yu'un jich ya yal te mandalile soc te j'alwanejetic yu'un te Diose.

Ezequiel 45:12

“Ja' nix jich te sp'isol yalale: jtab geras pajal soc jun siclo yu'un bulucheb gramo. Oxwinic (60) siclos pajal soc jun mina.

Job 28:15

Ma xju' ta wejt'esel ta oro, soc ma xju' ta manel ta plata.

Éxodo 30:13

Spisil mach'atic ochemiquix ta jun ya me yaq'uic taq'uin ta jtojol. Jo'eb me gramo yalal te plata ya yaq'uic, olil c'oem yu'un a te yalal te taq'uin albil sc'oplal ta ch'ul awilal.

Génesis 43:21

Ja'uc me to c'alal c'ootic ta wayel, c'o jam jcoxtaltic. Juju-jtul ts'acal la jtatic ta jcoxtaltic te jtaq'uintique, jich yu'un la jcha'quich'tic tel.

Génesis 23:15

—Tatic, ya calbat: Jbajc' (400) me ta jsejp plata stojol te jq'uinale, ja'uc me to, ma'yuc swentail. Baan, muca tey a te mach'a lajem awu'une —xi'.

Hechos 7:16

Soc ich'bot bael sbaq'uetalic ta banti Siquem. Tey la yich'ic muquel ta banti muquenal te la sman te Abrahame soc te la xch'acbey stojole, te chonbot yu'un te sts'umbal Hamor te ay ta Siqueme.

Génesis 49:29

Te Jacob jich mandal albotic yu'un: —Ya xlajonix, ya xboonix ta bay te jme'-jtatique. Tey me x'amuconic a ta bay mucul te jme'-jtatic ta ch'en ay ta sq'uinal Efrón, ja' te heteo-winique.

Génesis 50:13

Te snich'nabe, ich'bot bael sbaq'uetal yu'un ta bay sq'uinal Canaán, tey c'o smuquic a ta muquenal nailch'en, Macpela sbiil, te la sman te Abraham swenta muquenal, te chonbot yu'un te Efrón, te heteo-winique. Ay ta nopol Mamre ta stojol sloq'uib c'aal.

2 Samuel 14:26

Ta jujun to slajel ja'wil ya set' te stsotsil sjol, yu'un laj ya x'uts'inot yu'un ya yaiy. C'alal ya set' te stsotsil sjole, c'axem ta cheb kilo yalal ta sp'isol te bit'il yaloj te ajwalile.

2 Samuel 24:24

Pero te muc' ajwalil la sjac': —Lec te ac'ope, pero puersa me ya jmanbat jo'on. Ya me jtojbat te bit'il stojole, melel ma xju' ya cac'bey ta chic'bil smajt'an te Cajwaltic Dios cu'un te bila ma tojbiluc cu'un —xi'. Jich la sman te David te q'uinal soc te wacaxetique, lajuneb yoxwinic (50) ta jsejp plata la stoj ta spisil.