Génesis 23:11 - Bible in Tzeltal de Oxchuc y Tenejapa

¹¹ Jich la yal: —Manchuc, tatic. Ya cac'bat amajt'anin te jq'uinal soc te nailch'ene. Ya me yaiyic stojol spisil te jlumal te bit'il ya cac'bate. Baan, muca tey a te mach'a lajem awu'une —xi'.

Bible in Tzeltal Bachajón

¹¹ Ma'uc, jtatic, a'iya me awa'iy te jc'ope; ya ca'bat te q'uinal soc te ch'en te tey ay a. Ta stojol spisil te jlumal ya ca'bat. Muca te mach'a chamen awu'une, xchi.

Génesis 23:11 Referans Kwoze

San Lucas 19:24

“Soc jich la yalbey te mach'atic tec'ajtic tey a: “Pojbeya te mina-taq'uine. Ac'beya te mach'a yich'oj te lajunebe”, xi'.

Isaías 32:8

Yan stuquel te mach'a lec sc'oplale ay nix muc' snopjibal yu'un a, te snopjibal te bila chapal yu'une ma xyanaj yu'un.

Rut 4:11

Te mamaletic soc spisil te mach'atic tey ayic a, la sjaq'uic: —Melel nix a, jo'otic testigootic awu'un. Te ants te ya x'och ta ana, jichuc me c'otuc yu'un Cajwaltic te bit'il Raquel soc Lea, te ja'ic jts'umbalinejtic jpisiltic jo'otic te israelotique. Ayuc me awip ta Efrata, muc'uc me ac'oplal ta Belén.

Rut 4:9

Te Booz la yalbey te mamaletic soc spisil te mach'atic tey ayic a: —Ta apisilic ja'ex me testigoex cu'un te ya jmanbey Noemí te sq'uinal jilel soc te Elimelec, Quelión soc Mahlón.

Rut 4:4

Ya jc'an cac'bat ana' stojol: teme ya ac'an amane, ya me apas ta stojol in testigoetic to soc te mamaletic yu'un te jlumaltique. Melel mero jun ame'-atat soc te anima Elimelec; jich yu'un, ja'at ay ta awenta smanel te sq'uinale. Yan teme ma xju' awu'une, albon ta jamal, yu'un jo'on me c'otix ta jwenta smanel abi —xi'. Te yermano la sjac': —Ya jmanbey —xi'.

Rut 4:1

Te Booz ba snajc'an sba ta yochibal lum, yu'un tey ya stsob sbaic a te winiquetique. Jich yorail c'ax tel te sts'umbal te anima smamlal Noemí, te la yalbey sc'oplal Booz. Albot yu'un te Booz: —Aiya awaiy stojol, li' xtalat to, la', naclan —la yut. Jich tal snajc'an sba.

Deuteronomio 19:15

“Teme jtul nax te mach'a ya yalbey smul te mach'a spasoj te bila mero mulile, o te bila falta, ma me tic'uc a. Ja' to me ay ta wenta a teme ay cheb oxeb testigoetic yu'une.

Deuteronomio 17:6

“Te mach'a ya x'ac'ot ta lajel ta milel, ja' to me teme ay cheb oxeb testigoetic te ya xc'opojic ta yalel ta jamal te smule. Teme jtul nax te testigo ya xc'opoj ta yalel, ma me ayuc mach'a ya xju' ya yich' milel.

Números 35:30

Soc jich la yal te Cajwaltique: —Ja' nax ta swenta cha'oxtul testigoetic te ya xju' ya yil swocol ta milel te jmilawale. Teme jtul nax testigo, ma'yuc mach'a ya yil swocol ta milel yu'un.

Génesis 23:18

Jich la yu'unin te q'uinale. La yaiyic te sts'umbal Het soc spisil mach'a jayeb yacalic ta beel c'axel tey a ta yochibal te lume.

Génesis 23:6

—Tatic, aiybon awaiy te bila ya calbat: Bayal ayat ta ich'el ta muc' cu'untic, chican banti ya amulan ya amuc ta muquenal cu'untic te mach'a lajem awu'une. Ma'yuc mach'a bi ya yalbat yu'un —xiic.

Génesis 23:12

Te Abraham la stinan xan sba ta sit spisil yajwal te q'uinale.