Génesis 22:8 - Bible in Tzeltal de Oxchuc y Tenejapa

⁸ La sjac' te Abraham: —Jnich'an, Dios ya slebotic te chij ya xtuun cu'untic ta spasel te smajt'ane —la yut. Pajal yacalic ta beel bael xchebalic.

Bible in Tzeltal Bachajón

⁸ La sjac' te Abraham: Dios nix ya slehbotic te tuminchij te ya xtuhun yu'un te scohtol chic'bil mahtanil, jnich'an, xchi. Hich pajal behenic bahel schebalic.

Génesis 22:8 Referans Kwoze

San Juan 1:36

La yil yac ta c'axel bael te Jesuse. Jich la yal te Juane: —¡Ilawilic in to. Ja' te mero Alalchij yu'un te Diose! —xi'.

San Juan 1:29

Ta yan c'aal te Juan la yil te yac ta noptsajel tel Jesús tey a te banti aye. Jich caj yal yu'un: —Ilawilic in to. Ja' te mero Alalchij yu'un Dios, te ya xch'aybey smul spisil te mach'atic ayic ta balumilale.

Apocalipsis 5:12

Tulan yacalic ta aw te jich la yalique: “Te Alalchij te la yich' milele, ay ta swenta yich'el yu'el, soc sc'ulejal, soc sp'ijil, soc yip. Ay ta ich'el ta muc' soc te yutsilale”, xiic ta aw.

Génesis 18:14

Ma'yuc bi wocol ta pasel yu'un te Diose. C'alal ya sta yorail, ya me sujt'on tel ta atojol. Ja' me yorail ya x'ayin yal a te Sara —xi'.

Apocalipsis 13:8

Spisil te mach'atic nainemic ta balumilale la slajin sbaic ta stojol te muc'ul chambalame, ja' te mach'atic ma nacaluc sbiilic ta lista swenta cuxinel te yich'oj te Alalchij te laje, te la yich' ts'ibuyel c'alal to te bi ora pastaj te ch'ulchan balumilale.

San Mateo 19:26

Te Jesús la yilbey sitic, soc jich la yalbey xan yaiyic: —Te ants-winiquetique ma xju' yu'unic spasel in to. Yan te Diose spisil ya xju' yu'un spasel stuquel —xi'.

Apocalipsis 7:14

La calbey: —Tatic, ja'at ya ana' —la cut. Jich la yalbon: —Ja'ic in to te mach'atic c'axix yu'unic te bayal uts'inele. Sac'ojiquix sc'u'-spaq'uic. Ja' la sacubtesic a te xch'ich'el te Alalchije.

Apocalipsis 5:6

Jich la quil ta bay te muc'ul nactijibale soc ta banti ay te chancojt' bitic cuxajtic te ay ta yolilal te mamaletique. Tey cotol a te jcojt' Alalchij. Yich'oj milel yilel, te ay juqueb xulub soc juqueb sit, ja'ic te juqueb Espirituetic yu'un Dios te la yich'iquix ticunel bael ta spamal te balumilale.

2 Crónicas 25:9

Amasías la sjojc'obey te swinic Dios: —Pero ¿bila ya jpastiquix yu'un a te oxmil soc jo'lajunwinic (3,300) kilo plata te la cac' yu'un te soldadoetic ta Israel? —xi'. La sjac' te swinic Dios: —Te Cajwaltic ay bayal yu'un, te c'axem to xan ya yac'bat stuquele —xi'.

Génesis 22:7

Te Isaac la yalbey te state, ja' te Abrahame: —Jtat —xi'. —¿Bila, jnich'an? —la yut. La yal te Isaac: —Ay c'ajc' soc ay cuchillo, pero ¿banti ay te chij te ya xtuun yu'un milbil smajt'an Dios te ya jchic'beytique? —xi'.

Génesis 22:9

C'alal c'otic ta bay q'uinal albot yu'un te Diose, jich yu'un te Abraham la spasbey scajtijib ta chiq'uel smajt'an Dios. La xchajbanbey si'il te c'ajq'ue, la sc'ol ta chuquel te Isaac, la sjawan ta sba si' ta scajtijib te smajt'an Dios te la spase.

Génesis 22:14

Te Abraham la slebey sbiil te ch'in q'uinale: “Ya slebotic spisil te bila ya xtuun cu'untic te Cajwaltique”, xi' sbiil c'ot yu'un. Jich yu'un ta ora to jich ay ta alel: “Ta wits ya yac' Cajwaltic te bila ya xtuune”, xi' sc'oplal.

2 Reyes 2:6

Jich cha'albot xan yu'un te Elías: —Jilan li'to, yu'un ya sticunon ta muc'ja' Jordán te Cajwaltique —xi'. Pero te Eliseo jich la yal: —Jc'axel ya cal ta jamal ta stojol Cajwaltic, soc nix ta atojol te ma ba ya quijq'uitayat atuquel —xi'. Jich bajt' xchebalic.